Wikimedia Foundation elections/Board elections/2008/yue

From Meta, a Wikimedia project coordination wiki
The election ended 21 June 2008. No more votes will be accepted.
The results were announced on 26 June 2008.
2008 理事選舉
組織

2008年嘅理事會選舉將會喺2008年6月1號到21號舉行。維基媒體社群嘅人都有機會選出一個代表,出任為期一年嘅維基媒體理事會理事,一路做到2009年7月。呢個理事會係維基媒體基金會最大嘅管理機構,個基金會係喺美國佛羅里達有501(c)(3)免稅政策嘅非牟利組織,負責管理各個維基媒體計劃,好似維基百科同埋維基共享資源咁。

今次選舉會喺Software in the Public Interest公司嘅伺服器上面舉辦,啲人投咗乜嘢票都係保密,只有幾個負責監票同記票嘅人先可以睇到啲人投咗乜嘢票。選民要喺候選人名單之中,提交一份心水排名。之後會用Schulze method計算出邊個候選人喺大家嘅心水排名之中得票最高。

呢度講嘅時間,都喺以00:00 (午夜) UTC做準。

選民[edit]

選民資格[edit]

只要你喺維基媒體任何一個項目有登記過戶口,你都有資格投票,但係你如果喺好多個維基媒體項目有登記過,你就只可以用其中一個戶口投票。不過有啲戶口就唔合投票資格,好似:

  • 封鎖咗
  • 機器人
  • 喺2008年3月1號之前總編輯次數唔夠600次,唔同維基項目條數唔可夾埋計
  • 喺2008年1月1號到5月29號期間編輯唔夠50次

例外:以下嘅人個投票資格可以唔使理上面個規定

  • 維基媒體伺服器嘅管理員
  • 由2008年3月1號開始上任嘅維基媒體基金會受薪職員
  • 現任或前任理事會成員

點選[edit]

你合資格投票嘅話:

  1. 睇吓候選人簡介,諗清楚想投邊個
  2. 喺返你合乎投票資格個戶口度,搵「Special:Boardvote」嗰頁,例如你喺meta.wikimedia.org/好活躍,咁你就去meta.wikimedia.org/wiki/Special:Boardvote
  3. 照投票頁上面個指示做

候選人須知[edit]

理事會做啲乜?[edit]

個理事會最主要負責嘅嘢有:

  • 為基金會同屬下嘅項目,決定長遠任務、目標、計劃,同埋高層政策;
  • 搵兼考核行政總裁返嚟負責日常事務;
  • 確保基金會喺唔同獨立財政來源嘅穩定性;
  • 促進基金會同維基社群之間,喺方向同工作上嘅溝通
  • 監督基金會職員嘅會計、財政預算同專案工作;
  • 喺法律同道德上保持穩健;
  • 召募同輔導新嘅理事會成員

喺理事會入面,一啲有特定責任嘅職位,好似主席、執行秘書同司庫咁,都係理事會根據維基媒體章程同年度選舉確定出嚟

理事會職責當中:

  • 無責任做啲例牌嘢,但係緊急情況例外;
  • 唔會喺任何程度上設定各項目嘅編輯政策;
  • 唔需要解決常見社群爭執;
  • 無責任義務支援一啲特定嘅常務組織

做理事嘅責任[edit]

做維基媒體基金會呢個小型組織嘅理事,會花好多時去面對好多極大挑戰。做理事呢個職位係義務同無人工,雖然唔一定要畀錢組織,不過想捐錢畀基金都無所謂。

理事會成員每年都要親身開3到4次會,包括參加國際維基媒體年會、參與網上會議同埋投票。理事會會通過電子郵件、wiki、IRC溝通。而個別理事有時會參加其他組織或者公司搞嘅政策會議,然後報告返畀理事會同職員。

個別理事會成員會有機會參與一啲特別活動,好似募捐、維基媒體國際會議或者審計,同時要幫手草擬政策,章程或者議案。

理想中嘅理事會成會包括好多唔同能力嘅人:一個眼光夠遠大嘅領袖、無償嘅義務會計同法律顧問、募款專家兼公眾人物。維基媒體基金會係集合多元性文化社群,喺組織決策之中,理事會要激勵職員,嚴肅實現抱負同長遠嘅現實目標。

理事做嘅嘢,未必成日都咁好玩而且唔一定有回報,其中做好多嘢由於涉及啲高度秘密,或者純粹係行政工作,所以做咗都無人知。不過又咁講,喺一個咁有世界文化意義嘅組織做嘢,都可以算係一個獨特嘅機遇。

由於理事成員本身有份內職務,為咗避免潛在利益衝突,候選人如果係喺維基媒體基金會有現任受薪職位,就一定要喺上任理事會理事之前辭咗個職位。

候選人資格[edit]

想參選做候選人,你首先要合乎:

  • 喺2008年1月之前,喺任何一個戶口入面,總編輯次數最小要有600次,唔同維基項目唔可以夾埋計,兼:
  • 喺嗰個維基度,由2008年1月1號到6月1號期間,最小做過50次編輯
  • 你一定要喺候選人簡介入面公開你真名,因為理事會理事身份會涉及公眾事務,唔可能重用個網名或者筆名
  • 已經滿18歲又或係已經滿你所在地嘅合法年齡
特別例外:現任理事會理事可以豁免呢啲規定

點報名[edit]

如果你認為自己合乎資格,咁你就喺限期前要交齊下面嘅嘢:

  1. 寫一份唔多過1200字嘅簡介,講下你當選後想做啲乜、有啲乜嘢相關經驗同理念、同埋任何有關資訊。你唔需要喺簡介同其他嘢入面加推薦人名單,又唔應該當名單制選舉咁同其他人用埋同一份簡介。
  2. 請喺2008年5月8號00:00(UTC)到5月22號23:59(UTC)之前交候選人簡介,過咗5月22號之後你交嘅資料都唔可以再改,最多只係可以改返小小錯字或者翻譯。喺限期之後修改嘅嘢都會同原文分開兼有記認,喺原文已經翻譯好之後,先會開放畀選民睇。
  3. 請喺2008年5月29號之前將身份証明嘅資料交齊畀義工協調人員。選舉委員會嘅委員會私下搵你做進一步資料核實程序,確定你候選人資格

如果喺期限之內唔可以畀齊上面嘅嘢,咁就自動取消資格。

組織[edit]

流程[edit]

  • 2008年5月1號到31號:基本翻譯階段;小組委員會協調同叫人翻譯
  • 2008年5月8號到22號:候選人交參選申請
  • 2008年5月29號:交申請最後限期(遲咗交或者畀唔夠資料都會自動取消資格)
  • 2008年6月1號到21號:選舉期
  • 2008年6月22號到23號:核實點票
  • 2008年6月26號:公佈選舉結果

[edit]

為咗令唔同範嘅維基友都有份參與選舉,所以有需要儘量將所有候選人介紹政綱翻譯成唔同語言,等多啲人識得睇,想幫手翻譯,參考翻譯頁