Fundraising 2010/Lilaroja Appeal/eml

Lilaroja

• Par piaśér, lèś chè:
• 'N apèl persunàl
• ad l'autóra ad Wikipedia Lilaroja

Un dòlar, na nòta 'd amór e un cór rót.

Cuma vuluntària dla Fundasiòṅ Wikimedia ad San Francisco, a lèś un muć dal pòsti letrònichi ch'la gint la scriv e al létri ch'i spedìsan quand la taca la nòstra campaggna ad sustentamènt.

Ta t pō réndar cònt subìt ch'la gint la n è minga drē sól a dar di bèsi, ma anc al sò amór: un putèṅ 'l à dat tut cuntènt un dòlar dla sò paga pìculina dla stmana, 'n àtar cun un fujét adeśiṿ cun sù scrit "AT VÓJ BÈṄ WIKIPEDIAAAAAA!!". Dal vòlti i mesàǵ i èṅ dificìi da lèśar.

A n purò mai daśmindgàr al dè ch'a-j-ò sintî un pàdar e na màdar ch'i aṅ pers sò fiól inférum par na rara malatìa. I aṅ fat na dunasiòṅ par ringrasiàr la Wikipedia p'r un sò artìcul ch'al dascurìva d'l argumènt.

Wikipedia a vōl dir un sac ad ròbi parchè la gint la la dróa. Qual ch'a sia al mutìṿ dal tò culegamènt, tè at fà part dna cumunità màgica. Più ad 400 migliòṅ ad gint i dróan la Wikipedia e i sò sit fradéi tut i méś, quaśi un tèrs ad tuti al cunesiòṅ mundiài 'd internet.

Quést chè 'l è al perìud ad 'l an che la gint ad tut al mónd la s mét insém par jutàr al nòstar grup cun dal dunasiòṅ ad 20$, 30€, 4.000¥ o di àtri miśùri basta ch'a sia ch'i pòsan mantgnìr libra la Wikipedia.

In dla stésa manéra ch'a fém la Wikipedia paròla par paròla, a la psém mantgnìr bèṅ e in salùt faghénd dal dunasiòṅ, una dòp cl'àtra.

Mè a m àugur ch'at sarnìs cal mumènt chè par mandàr a Wikipedia un pòc 'd amór.

A t ringràsi.

Lilaroja Oliva, Spaggna.