Help:Unified login/ia

←Help pages

Unification de contos

Le unification de contos es un mechanismo que permitte al usatores haber un singule conto pro uso in le majoritate del projectos del Fundation Wikimedia. Cata usator ha assi un identitate consistente in omne parte de Wikimedia, secundo un singule registration. Altere avantages de iste mechanismo es per exemplo le reduction del menacia de impersonation, e le capacitate de visitar multe projectos sin deber aperir un session in cata un. Le usatores pote crear un conto unificate per visitar le pagina Special:MergeAccount in un projecto ubi illes ja ha un conto, e sequer le instructiones.

<translate>Add something about SUL finalization here. DO NOT MARK FOR TRANSLATION YET</translate>

A proposito del unification de contos

Que es

Le Fundation Wikimedia conduce un familia de communitates in linea de ressources modificabile. Le usatores debeva traditionalmente crear un conto separate pro cata lingua de cata projecto. Isto require effortio excessive del usatores active in plure projectos, tanto plus proque le integration multimedial con Wikimedia Commons deveni sempre plus essential.

Le systema de unification de contos combina le contos de usator pro tote iste projectos. Le avantages primari es le registration singule (non es plus necessari recrear tu conto in cata nove projecto in que tu es active; tu conto essera create automaticamente in cata projecto additional de Wikimedia le prime vice que tu aperi un session in iste wiki con tu nomine de usator e contrasigno existente, o le prime vice que tu lo visita durante que un session es aperte in un wiki ubi tu ja ha un conto) e identitate consistente (tu nomine de usator essera sempre tue; nulle altere persona pote prender tu nomine in un altere projecto).

Como unificar tu contos

Tote le usatores pote unificar manualmente lor contos. Pro facer lo, visita Special:MergeAccount in un wiki ubi tu ja ha un conto. Le wiki ubi le conto de ille nomine de usator possede le plus grande numero de contributiones devenira le wiki principal (nonobstante, le stato de administrator ha plus importantia que le numero de modificationes[1]), e su adresse de e-mail e contrasigno essera exportate verso tote le altere contos.

Le pagina Special:MergeAccount te demandara de entrar tu contrasigno pro verification. Postea, omne wikis con le mesme adresse de e-mail authenticate o contrasigno que le wiki principal essera unificate. Tu pote entrar le contrasignos de contos additional si illos es listate.

Post le completion de isto, tu potera aperir un session in omne wiki public de Wikimedia con le nomine de usator e contrasigno de tu wiki principal, a condition que non existe un altere conto non unificate con le mesme nomine de usator.

Si tu conto es blocate in le wiki principal, le processo de unification non comenciara.

Lo que cambia

Le registration de un nomine de usator in qualcunque wiki de Wikimedia automaticamente reserva ille nomine in tote le alteres; isto vole dicer que altere usatores non pote plus registrar le mesme conto in altere wikis. Le usatores debe definir e confirmar lor adresse de e-mail solmente in un conto. Le cambiamento del contrasigno in un del wikis lo cambia equalmente in tote le wikis.

Lo que non cambia

• Alcun cosas remane local:
  • Le derectos de usatores es local pro le major parte, lo que significa que le administratores non habera ubique le accesso de administrator. (Le gruppos global es in curso de esser addite, p.ex. steward e revertitor.)
  • Le preferentias del usator es local, ben que le adresse de e-mail debe solmente esser definite e confirmate in un singule loco. Tu pote continuar a haber differente preferentias in cata sito.
  • Le notification de reception de nove messages es ancora local; tu videra solmente le quadro "nove messages" pro le sito que tu reguarda. Isto pote cambiar in le futuro.
• Le usatores pote ancora haber contos con differente nomines in duo sitos; nonobstante, iste contos non essera ligate pro le unification de contos.
• Le systema de unification de contos es solmente disponibile pro le sitos del Fundation Wikimedia; le sitos que executa le mesme software wiki sed non es sub gerentia del Fundation continuara a haber systemas de contos separate.

Resolution de conflictos

Le systema fusionara automaticamente contos con nomines identic si illos ha le mesme adresse de e-mail authenticate, o le usator pote fornir su contrasigno correcte.

Post que le registration ha essite separate pro cata wiki durante longe tempore, existe multe nomines de usator identic que pertine a personas differente in cata projecto. Le nove systema permitte solmente un nomine de usator, ergo existe alcun casos in le quales le contos debe esser renominate. Isto debe esser facite manualmente per un bureaucrate o steward (vide Steward requests/Usurpation).

Le usatores pote cercar collisiones ante fusionar con le detector de collisiones SUL.

Le bureaucrates se trova in le pagina Special:Listusers/bureaucrat in cata wiki, per exemplo ia:Special:Listusers/bureaucrat.

Le stewards pote vider le datos global del nomines de usator e fusionar o disfusionar manualmente le contos con Special:CentralAuth.

Historia

Le discussiones initial se trova in le pagina Single login.

Brion Vibber es committite a iste projecto. Ille discuteva le functionamento potential de illo in le Berlin roundup de decembre 2005, cargava notas de implementation al base de codice in april 2006, e illo esseva le subjecto de un presentation a Wikimania 2006.

Brion annunciava un test de migration successose in novembre 2006. Le collection del datos durava duo horas e le fusionamento automatic durava cinque horas. 4 457 075 contos primari esseva confirmate, con 578 128 contos secundari fusionate automaticamente a base de adresses de e-mail correspondente o per cannibalisar contos non usate. 134 242 contos secundari debera esser fusionate per medio de interaction con usatores (71 741 nomines de usator unic ha contos que remane non fusionate).

Le unification de contos non esseva implementate pro administratores usque martio de 2008, e Steward requests/Usurpation esseva create pro facer resolution de conflictos. Le unification se aperiva a tote le usatores le 27 de maio 2008.

Folio a questiones

Esque io pote renominar mi conto post unification?

Si, ma tu debe requestar le renomination de tu conto in cata wiki separatemente.

Esque io pote fusionar nomines de usator differente?

No, ma isto pote devenir possibile in versiones futur.[2]

Nota que le nomines de usator in le major parte del projectos individual pote esser renomiante ante le fusion.

Alcuno usa mi nomine in un altere wiki. Como obtene io iste conto?

Primo, nota que le existentia del altere conto non necessarimente te impedi de obtener le nomine global. Nonobstante, si un conto con tu nomine preferite que non es sub tu controlo ha un plus grande numero de modificationes, o es membro de certe gruppos como administrator o bureaucrate (verifica lo hic), es possibile que tu non ha un interesse superior in iste nomine de usator. In tal caso, tu probabilemente debe demandar que le altere persona renomina mesme su conto, o tu pote deber renominar tu proprie conto.

Quando tu fusiona tu conto, le systema te dicera que le fusion es incomplete, sed illo te creara etiam le conto global a ille tempore. Tu potera usar le conto global in tote le wikis excepte illos ubi le conto con iste nomine non es sub tu controlo.

Si tu vole usurpar un conto in un altere wiki, tu debe facer un requesta a un bureaucrate in le wiki problematic. Dependente del politica local, es possibile que le bureaucrate pote renominar le conto de destination. Si non existe un bureaucrate in le wiki, tu debe demandar a un steward de usurpar iste conto.

Esque io habera le stato "autoconfirmate" in altere wikis?

No. Tu debera attender durante le periodo appropriate de tempore post que tu ha primo aperite un session in cata wiki particular, ante que tu recipera le stato de conto autoconfirmate.

Esque io pote fusionar contos a partir de wikis restringente le creation de contos?

No. Isto es pro motivos de securitate. Si le wiki ha restringite le creation de contos, le conto non es fusionabile a iste tempore.

Vide etiam

• Annuncios e novas
  • [Wikitech-l] Stato del unification de contos
  • Wikimania 2006 presentation: "Lo que se coce in MediaWiki: Unification de contos, etiquettage de versiones, e altere bon cosas"
  • Wikisource News: "Unification de contos in phase de test"
  • [Wikitech-l] Pilota SUL

• Discussiones
  1. Single signon transition
  2. Single login
  3. Single login poll
  4. Single login specifications
  5. User:Brion VIBBER/Berlin roundup

• Bugs: lista complete de bugs
  • Bug 57: "Single login on all wikimedia projects"
  • Bug 1552: "Feature request: Upload to commons from Wikipedia, Wikibooks, etc."
  • Bug 3525: "Cross-wiki watchlists with option for public viewing"
  • Bug 3544: "Single Recent changes on several mediawikis"
  • Bug 12096: Special:MergeAccount does not identify all accounts
  • Bug 13507: Account cannot be renamed to a global username fixed , global accounts can now be renamed without deleting it
  • Bug 14301: You do not get logged out on the wiki you have logged in if you log out at other project
  • Bug 14407: Automatic login does not apply to some *.wikimedia.org domains

(Le nove bugs debe esser entrate sub le Producto "MediaWiki extensions" e le Componente "CentralAuth")

• Notas de implementation in le base de codice
• Detector de collisiones de contos unificate