Image filter referendum/FAQ/yue

From Meta, a Wikimedia project coordination wiki
公投經已響2011年8月30號完咗,唔再接受投票。
投票結果經已響2011年9月1號出嚟。

圖片過濾器公投

組織

呢度係常見問題同答案一覽。個別問題同其他討論請到Talk:Image filter referendum

咩嘢係圖片隱藏功能?[edit]

呢個功能會畀簽到同無簽到讀者簡單咁隱藏維基媒體項目入面唔想睇到嘅圖。

呢個功能有咩準則?[edit]

  1. 呢個係自願功能。所有內容預設會顯示。呢個功能會響載入所有內容同經讀者設定後先至啟動。
  2. 呢個係個人系統。你嘅設定只係影響你自己。
  3. 圖唔會被刪走,只係會隱藏。只需簡單設定就可以顯示返。
  4. 呢個功能係文化中立同包容。
  5. 基本嘅大前提係「最少驚嚇原則」。

咩嘢係「最少驚嚇原則」?[edit]

「最少驚嚇原則」係話將讀者響維基媒體睇到嚇親佢嘅圖嘅機會減到最少。如果你睇篇關於踩單車嘅文,你唔會預會睇到踩單車嘅人唔著衫;如果你睇篇關於鎖嘅文,你唔會預會睇到貞操鎖。圖片隱藏功能就係畀你決定係咪減少嚇親嘅機會。

呢個功能點運作?[edit]

簽到同無簽到讀者可以揀各個預設類型嘅圖去隱藏。佢哋亦都可以揀第一次見到圖時隱藏埋同類嘅圖。呢啲決定可以隨時改,隱藏嘅圖亦都可以用簡單設定去顯示返。

咩嘢圖可以隱藏?[edit]

可以隱藏嘅圖會分門別類,分類方式由社群決定。

個人圖片隱藏功能有咩嘢背景?[edit]

維基媒體基金會響今年5月被理事會要求去搞呢樣嘢,作為爭議性內容決議嘅一部分。

呢個決議係理事會回應爭議性內容報告,幫理事會同社群了解呢個議題。報告其中一個建議就就係搞圖片隱藏功能。基金會決定調查編者對呢個功能嘅反應。

呢個功能點樣影響維基媒體項目嘅內容?[edit]

完全無影響。呢個功能唔會影響維基媒體項目應該有咩嘢內容,社群跟住既有方針先至可以影響。個人圖片隱藏功能只係畀讀者自己揀睇咩嘢內容。

點解要引入呢個功能?[edit]

引入呢個功能可以提高維基媒體讀者嘅選擇同滿意度。所以估計呢個功能會提供全球維基媒體使用量。由於呢個功能增加咗某啲人嘅選擇,又唔會影響到其他人,我哋可以更針對咁服務讀者。

圖片隱藏功能係咪內容審查?[edit]

唔係。呢個功能只係跟住讀者自己嘅設定,唔會影響其他人。所有維基媒體內容隨時都可以畀任何想睇嘅人去睇。唔會有內容因為啟用呢個功能而畀人刪去,只係特定內容暫時畀讀者隱藏咗。

呢個公投嘅性質係點?[edit]

個人圖片隱藏功能重係早期設計階段。 初期成果可以睇睇mw:Personal image filter。呢個係基於特定原則設計。響繼續設計之前,我哋想知你點睇各個原則有幾重要。你哋嘅意見會影響之後嘅設計。