Anunciu del procesu final pa la identificación única d'usuariu
 | This page is kept for historical interest. Any policies mentioned may be obsolete. If you want to revive the topic, you can use the talk page or start a discussion on the community forum. |
- Pa ver les noticies actuales so'l progresu con esti desendolcu, llei mw:SUL finalisation. L'equipu de desendolcadores de la Fundación Wikimedia ta faciendo dellos cambios nel funcionamientu de les cuentes, como parte del esfuerzu continuu pa ufrir nueves y meyores ferramientes a los usuarios (como los avisos ente wikis). Estos cambios signifiquen que los usuarios tendrán el mesmu nome d'usuariu en toles partes. Esto permitirános ufrir nueves carauterístiques que-y permitirán editar y aldericar meyor, y tamién dar permisos d'usuariu más flexibles a les ferramientes. Una de les condiciones previes pa esto ye qu'agora les cuentes d'usuariu tienen de ser úniques ente les 900 wikis de Wikimedia.
Por desgracia, dalgunes cuentes anguaño nun son úniques en toles nueses wikis, y entren en conflictu con otros usuarios que tienen el mesmu nome de cuenta. P'aseguranos de que toos esos usuarios puedan usar les wikis de Wikimedia nel futuru, camudaremos el nome d'eses cuentes p'amesta-yos el caráuter "~" xunto col nome de la wiki a la que pertenecen al final del so nome de cuenta. Estos cambios tendrán llugar n'abril de 2015. Por exemplu, un usuariu llamáu "Exemplu" nel Wikcionariu en suecu que tuviera que renomase, tresformaríase a "Exemplu~svwiktionary".
Toles cuentes siguirán funcionando como enantes, y siguirán reconociendose les ediciones que tuvieren feches. Sicasí, los usuarios que tengan cuentes renomaes (colos que nos pondremos en contautu de mou individual) tendrán d'usar el so nuevu nome de cuenta cuando anicien sesión na wiki.
Desanicióse'l renomáu de cuentes de mou llocal pa evitar que cuentes que fueron globales queden ensin venceyar pol renomáu llocal. Los usuarios puen solicitar un renomáu usando Special:GlobalRenameRequest na so wiki llocal o pidir renomar la so cuenta equí en Meta si nun-yos gusta'l nome d'usuariu nuevu.