Talk:Requests for new languages/Wikipedia Tarifit
Mamc gha nari s Tmazight Tarifit[edit]
Azul d amqqran,
Tanmmirt aṭṭas i marra aytmat-ngh xf tzmmar nnsn i ggin di Wikipedia Tamazight-Tarifit.
Ncc twaligh blli iqqn d ghar-ngh a nari Tmazight nnhla askkil "e". Askkil a ur uskkwi walu, ur inffâ i ca, mghar di ca n drus n waddadn.
Imdyatn (Examples):
Ur ntari amezruy, a nari amzruy.
Ur ntari iryazen, a nari iryazn.
Ur ntari netta, nettat, a nari ntta, nttat.
Ur ntari imazighen, a nari imazighn.
Maca a nari imassanen, uccanen, imqqranen, imazanen, tilelli. Minzi ghar-ngh dinni "nn" d "lll".
Iskkiln Igrign (iyunaniyn) am "Γɣ" nigh "Ɛε" ur tn ssinen iwdan. Arni d, ur llin d iskkiln n Talatint, aṭṭas n imssiḍan (Computers) ur tn qqarn.
Azyn amqqran n Imazighn ttarin Amazigh nigh Tamazight, maci "Amaziɣ" nigh Tamaziɣt.
Ur ntari Taεrabt, maca a nari Taârabt.
Iskkiln "Ğğ" d "Čč" ur ghar-ngh llin aṭṭas di Arif. A nari dg umcan nnsn: "dj" d "tc".
Aṭṭas n Irifiyn ttarin awar, aghyur, idja, tamdjatc. Tira ya ur tlli nican.
Ammu i gha nari: awal, aghyul, illa, tamllalt.
Tanmmirt aṭṭas i aytmat-ngh Read3r, Toira, d Agzennay, xf tzmmar i ggin.
Iqqn d a d narzu xf iwdan nnḍni bac a nssmghar Wikipedia Tamazight-Tarifit dghya, bac a tdwl d Wikipedia d tunṣibt.
Tanmmirt,