User:Dragonòt
From Meta, a Wikimedia project coordination wiki
| pms - N | This user can read and write at a native level in Piemontèis.
Translate this template! |
|---|
[Piemontèis]
Dragonòt a l'era lë stranòm ëd mia famija. Ij mè Cè a na blagavo, përchè as disìa ch'aj ciamavo parèj përchè un ëd lor a l'era stàit ant ij Dragon dël Re 'd Sardegna.
An cost moment sì, ij mè antëress a son l'anformàtica, la lenghìstica e la micologìa. Për fòrsa ëd còse la famija a ven prim ëd tut e i na parlo gnanch, com i parlo nen ëd l'anformàtica, ch'a l'é mè camp ëd travaj.
An micologìa i son particolarment antëressà a cheuje ij bolé, ma am dëspias nen ëdcò studieje. I faso part ëd l'AMBAC (Associazione Micologica Bovesana e delle Alpi Cuneesi), antitolà a Ugo Marìa Cumin/Ugo Maria Cumino e dl'AMB [1]. I son apassionà ëd fotografìa digital e, ant ël 2007, 5 dij mè scat a son ëstàit assetà për la publicassion an dzora a un lìber ëd bolé e cusin-a.
An lenghìstica i scrivo artìcoj an piemontèis an sij giornaj locaj, i son sysop an sla Wikipedia piemontèisa e i m'antëresso an particolar ëd le lenghe padanèise, val a dì l'ansema dle lenghe reto-cisalpin-e. Për esse preparà, i l'heu studià 'dcò lenghìstica indoeuròpea e lenghìstica romanza. I faso part ëd l'ALP (Associazion Linguìstica Padaneisa) e i giuto a fé andé anans ël Portal e ij Forum ëd l'ALP.
Proverb preferì:
"Discut mai con un falabrach: la gent a podrìa nen capì la diferensa",
da "La legge di Murphy e altri motivi per cui le cose vanno a rovescio" (ISBN 8830408034) d'Arthur Bloch.
[English]
Projects:
