Wikidata/Časte prašenja
• 
• 
• 
• 
• To je zběrka častych prašenjow wo projekće Wikidata. Jeli měniš, zo něšto faluje, móžeš so bjeze wšeho z wužiwarku Lydia za wujasnjenje do zwiska stajić.
Što je zaměr projekta Wikidata?[edit]
Cil projekta Wikidata je, zhromadnu datowu banku natwarić. To zmóžni, daty zběrać a wothladować, kotrež móža so we wšěch Wikimedijowych projektach a wot třećich wužiwać. Jedyn přikład: Wikidata wobsahuje narodźenski datum wosoby zjawneho zajima w zwisku z mjenom wosoby. Tuta informacija trjeba so jenož na jednym městnje wothladować, da so wšak potom we wšěch Wikipedijach abo druhich projektach wužiwać. To funguje podobnje kaž pola Wikimedia Commons - tu pak nic jenož za multimedijowe dataje, ale předewšěm za druhe daty.
Što je časowy plan za spočatne wuwiće projekta Wikidata?[edit]
Spočatne wuwiće rozdźěla so do třoch fazow. Prěnja faza budźe mjezyrěčne wotkazy polěpšić. Druha faza nastupa infokašćiki a zmóžni wobdźěłarjam, infokašćiki z datami z Wikidata nabohaćić. Třeća faza staji lisćiny do srjedźišća, zo by awtomatiske wutworjenje lisćinow na zakładźe datow z Wikidata zmóžniła, na rozdźěl wot jich manuelneho wutworjenja a wothladowanja.
Móžeš wjace wo kóždej z třoch fazow w techniskim namjeće (němsce) čitać.
Prěni dźěl teama je 1. měrca 2012 z dźěłom započał a zbytk slědowaše 1. apryla 2012. Projekt ma hač do kónca měrca 2013 běžeć.
Što chce Wikidata docpěć, hdyž je dokónčeny?[edit]
Wikidata ma cil, zhromadźenstwo wobdźěłarjow kaž tež třećich podpěrać, kotřiž chcedźa wulki zakład wothladowanych datow wužiwać (na přikład w swojich programach).
Wosebity cil je, za zhromadźenstwo wobdźěłarjow brěmjo wudźerženja znižić a mjeńšim Wikipedijam pomhać. Snadniše wudźerženje budźe so znajmjeńša w dwojakim nastupanju wotbłyšćować: sprěnja, daty, kotrež so we wjacorych nastawkach zaso wužiwaja, trjebaja so jenož na jednym městnje wothladować; zdruha, přez awtomatiske wutworjenje lisćinow njetrjebaja so lisćiny manuelnje wutworić a aktualizować. Nadźijamy so tež, zo Wikidata budźe tež mjeńšim Wikipedijam pomhać startujo někotre nastawkowe typy.
Što su zakładne měnjenja a potrěbnosće za Wikidata?[edit]
Lisćina zakładnych měnjenjow a potrěbnosćow steji tu k dispoziciji.
Kak změni Wikidata wobdźěłowanje nastawkow?[edit]
To dyrbimy za čas wuwića won dóstać, hromadźe ze zhromadźenstwom.
Hnydom spóznajomna změna je, zo strony hižo njetrjebaja so wobdźěłać, zo by mjezyrěčne wotkazy wothladowało. To změny přez boty pomjeńši. Druhi aspekt budźe, zo hižo njebudźe trjeba, daty w infokašćikch w nastawkowym teksće wothladować. To rumuje wikitekst: město hoberskeho mnóstwa zhibowanych spinkow horjeka na stronje, budźe jenož krótka referenca na předłohu, na přikład {{infobox-city}}. To wosnadni tež wobdźěłowanje informacijow w infokašćikach: město toho zo by so syntaksa z parametrami předłohi zapodała, budu potom wjele jednoriše zapodawanske formulary.
Štó financuje dźěło na projekće Wikidata?[edit]
Spočatne wuwiće projekta Wikidata financuje so přez šćedriwe dary wot Allen Institute of Artificial Intelligence, Google, Inc., a Gordon and Betty Moore Foundation. Dalše wudźerženje a wothladowanje projekta Wikidata budźe so přez załožbu Wikimedia Foundation kaž tež druhe projekty kaž Wikipedija a Wikiwersita financować.
Kak móžu sobu činić?[edit]
Je wjele činić, twoja pomoc je potajkim jara witana. Najlěpši puć sobu činić, je pak e-mejl na rozpósłansku lisćinu Wikidata pósłać, zo by so předstajił pak do našeho IRC-kanala #wikimedia-wikidataconnect na Freenode přińć. Namakamy potom něšto za tebje, hdźež móžeš pomhać.
Někotre móžnosće, zo by pomhał, su:
- wobdźělenje na diskusijach wo techniskich problemach (kaž datowe modele a pod.);
- pisanje koda;
- pomoc při integrowanju Wikidata do Wikipedijow (technisce a njetechnisce);
- wobdźělenje na projekće samym, hdyž je online, na přikład přez přidawanje a wobdźěłowanje datow.
Hdźe su najnowše aktualizacije wo projekće?[edit]
Móžeš medije wužiwać, kotrež su w infokašćiku "So běžnje informować" stronje Wikidata naspomnjene, zo by so wo wuwićach běžnje informował.
Mam wjele datow přinošować. Kak móžu to činić?[edit]
Bychmy so jara wjeselili, hdyž wjele datow za Wikidata přinošuješ. Masowe nahraća wulkich datowych mnóstwow budu technisce móžno, ale hač a kak tute so dowoleja, zhromadźenstwo Wikidata rozsudźi. W tutej zažnej fazy so wuwićowy team komdźi to dowolić, dokelž hoberske mnóstwa datow trjebaja wulke zhromadźenstwo, zo by je wothladowało. Z wužitkom za projekt budźemy so najprjedy na zhromadźenstwo koncentrować a potom na mnóstwo datow. To zawěsći, zo zhromadźenstwo Wikidata móže zběrane daty za dołhi čas podpěrać. Mjeztym móžeš so na tutej stronje přidać a kóždemu pomhać, přehlad wo k dispoziciji stejacych datach dóstać.
