Evidense ëd Wikimedia, Novèmber 2012

From Meta, a Wikimedia project coordination wiki
This page is a translated version of the page Wikimedia Highlights, November 2012 and the translation is 90% complete.
Outdated translations are marked like this.

Evidense dal Rapòrt ëd la Fondassion Wikimedia e ël rapòrt técnich ëd Wikimedia për Novèmber 2012, con na selession d'autr amportant event dal moviment Wikimedia

Evidense ëd la Fondassion Wikimedia

Neuv riprodutor video HTML5

Un neuv riprodutor video a l'é stait abilità dzora Wikipedia e ij sò sit frèj, an promëttend ëd porté dij video d'educassion lìbera pi gent, dzora pi device, an pi lenghe. Ël riprodutor a l'é ël midem HTML5 riprodutor dovrà ant la piataforma video a sorziss duverta Kaltura. Soe neuve prinsipaj funsion a ancludo apògg avansà për ij sot-tìtoj, apògg për ij formà video lìber WebM, e trascodificassion da sërvent, visadì l'abilità ëd converte da un formà video a l'autr, për dé ël fluss video aproprià a l'utent an dipendensa da soa larghëssa ëd banda e la dimension dël riprodutor.

Prova d'usabilità dla neuva antërfacia ëd tradussion al DevCamp ëd Bangalore 2012

Meetup dië svilupador e rëscontr ëd le lenghe an India

Ai 9-11 ëd Novèmber, la Fondassion Wikimedia a l'ha tnù un rëscontr djë svilupador a Bangalore, India. Ël DevCamp Técnich a l'ha concentrasse an sl'apògg a le lenghe, ëd dësvilup për sacociàbij, e l'interassion dj'utent e ël proget ëd l'antërfacia utent (UI/UX). Pi d'85 svilupador, progetista UX/UI, Wikimedian e tradutor a l'han partessipà a l'event. Prima a l'é stàit-ie un Rëscontr ëd le lenghe Open-Source che la Fondassion a l'ha organisà ansem a Red Hat an Pune, India.

Partensa dla Cujìa Fond

La cujìa fond anual an linia ch'a fà neuv ëd la Fondassion a l'é ancaminà ufissialment ai 27 ëd Novèmber 2012 e a l'ha rivà a un record superand 2,3 milion $ ant un sol di: na chërsùa dël 59% rispet al nòst mej di dël 2011. Vardé la Pagina dle Statistiche dla Cujìa Fond per na vision comparà dë st'ann con col prima. Ël proget dla bara a l'ha progredì da l'ùltim ann "Apel ëd Jimmy" ([1]) a variassion an sla neuva "Bara dij Fàit" ([2], [3], e [4]) che a son pi orientà vers l'anformassion dj'utent a propòsit ëd la Fondassion Wikimedia.

Për la partensa motobin bon-a, a l'é stàit decidù ëd mosté le bare mach an costi sinch paìs ch'a parlo Anglèis fin a Dzèmber 2012: US, Cànada, UK, Australia e Neuva Zelanda (an pi a le bare për ij capìtoj dla cujìa fond). La cujìa fond a sarà refàita ant tùit ij paìs ch'a resto an la prima dël 2013, con tradussion meliorà.

Logo neuv propòst për Wikivoyage

Partensa dla Beta ëd Wikivoyage

Wikivoyage, ël proget për creé na guida libra ëd viage dël mond che mincadun a peul modifiché, a l'é ancaminà dzora ai server dla Fondassion ai 10 ëd Novèmber, an migrand ël test contnù e ij cont dai vej server ëd l'Associassion Wikivoyage. La comunità a sta travajand dzora la revision e ëd trasferiment dj'archivi multimediaj, e ël sit a resta an "beta" fin a che cost e autr travaj ëd polissìa a sio completà.

Dat e Tendense

Visitador ùnich globaj për Novèmber:

488,4 milion (+2,84% confrontà con Stèmber; +2,46% confrontà con l'ann prima)
(dat ëd comScore) për tùit ij proget ëd la Fondassion Wikimedia; comScore a darà ij dat ëd Novèmber pi tard an Dzèmber

Arceste ëd pagine për Novèmber:

20,3 miliard (+2,7% confrontà con Otober; +16,8% confrontà con l'ann prima)
(Dat dij registr dij Server, tùit ij proget ëd la Fondassion Wikimedia comprèis j'acess dij sacociàbij)

Editor Ativ Registrà për Otober 2012 (>= 5 modìfiche dlë spassi prinsipal, an gavand dij trigomiro):

79,964 (-2,73% confrontà con Stèmber / +0,59% confrontà con l'ann prima)
(Dat dij database, tùit ij proget ëd la Fondassion Wikimedia. Nòta: ëd recent i l'oma rafinà sta métrica për ten-e an cont Wikimedia Commons e j'atività travers pi proget.)

Scheda Rapòrt (ch'a ìntegra vaire dat statìstich e tendense a propòsit dij proget WMF) për Otober 2012:

http://reportcard.wmflabs.org/

(Definission)

Finansiament

Intrade e Spèise anuaj dla Fondassion Wikimedia confrontà al Pian ai 31 d'Otober 2012
Spèise anuaj dla Fondassion Wikimedia për Funsion ai 31 d'Otober 2012

(J'anformassion finansiarie a son mach disponìbij për Otober 2012 al moment dë sto rapòrt.)

Tute j'anformassion finansiarie presentà a son mensij e anuaj për Otober 2012 al moment dë sto rapòrt.

Intrade 5.358.084 $
Spèise:
Echip Técnica 4.258.755 $
Echip dla Cujìa Fond 816.319 $
Echip Global ëd Dësvilup 1.804.417 $
Echip ëd Govern 278.363 $
Echip Legal/Avocat dla Comunità/Comunicassion 976.506 $
Echip ëd Finansa/HR/Aministrassion 1.793.482 $
Spèise Totaj 9.927.842 $
Avans total/(pèrdita) (4.569.758 $)

* Intrade për ël meis d'Otober a son 1,24MM $ confrontà al pian ëd 0,85MM $, pi o men 396K $ o ël 47% dzora al pian.

  • Intrade anuaj a son 5,36MM $ confrontà al pian ëd 5,21MM $, pi o men 151K $ o ël 3% dzora al pian.
  • Jë spèise për ël meis d'Otober a son 2,53MM $ confrontà al pian ëd 2,84MM $, pi o men 305K $ o ël 11% sota al pian, dzortut dovù a spèise dël përsonal pi basse, spèise për host internet, spèise ëd viagi, spèise ëd capitaj, sërvissi ëd contrat foravìa parsialment compensà da speise legaj pi àute e garansìe operative.
  • Jë spèise anuaj a son 9,93MM $ confrontà al pian ëd 11,52MM $, pi o men 1,59MM $ o ël 14% sota al pian, dzortut dovù a spèise dël përsonal, dj'host internet, spèise ëd viagi, spèise ëd capitaj, garansìe e premi, e sërvissi ëd contrat foravìa parsialment compensà da speise legaj pi àute e premi e garansìe.
  • La posission ëd cassia a l'é ëd 20.76MM $ ai 31 d'Otober 2012 e a l'é pi o men 5,92 meis dël spèise.
Video dël meis Rëscontr dle métriche e atività dla Fondassion Wikimedia ch'a coata ël meis ëd Novèmber (6 dë Dzèmber 2012)

Autre evidense dël moviment

Vinsidor për la mej fotografìa ant ël concors Día de Muertos estilo Wiki

Concors fotogràfich "Di dij Mòrt"

Ël Di dij Mòrt (Día de Muertos) a l'é na selebrassion anual an Méssich, anté la gent a së riuniss për preghé e për arcordé j'amis e ij parent ch'a son mòrt. Vàire aspet dë sta amportanta festa a l'han pa ëd fotografìe dzora Wikimedia Commons. La librerìa universitaria ITESM-Campus Ciudad de México a l'ha sponsorisà un concors ëd fotografìa d'un meis ciamà "Di dij Mòrt, Stil Wiki (Día de Muertos estilo Wiki)". Com Wiki Loves Monuments, a l'é stait-ie un temp duvert për concore longh un meis (dal 5 Otober al 5 ëd Novémber), tirand pi ëd 400 cariagi ëd fòto.

Un trigomiro a colega 250.000 biografìe a j'arferiment bibliogràfich

VIAFbot a l'é un trigomiro dla Wikipedia Anglèisa ch'a colega vos ëd biografìe ai corespondent arferiment d'autorità ant ël "Archivi dj'Autorità Antërnassionaj Virtuaj" (VIAF, ël Sénter dle Librerie computerisà Anlinia ant j'US). J'Arferiment d'Autorità a son dovrà ant ij catàlogh dle librerìe për destinghe autor con ël midem nòm, e për colessioné diferent nòm për ël midem autor. An Novèmber, VIAFbot a l'ha completà sò travaj për pi ëd 250.000 vos. A l'ha esaminà ël tìtol ëd minca pagina e, se present, ij "persondata" esistent e l'infobox për andviné ël corespondent VIAF ID. Ël trigomiro a l'ha ëdcò confrontà ij colegament dj'arferiment d'autorità "Normdaten" esistent, ch'a son soens dzora la Wikipedia Tedesca, e a l'ha memorisà le diferense tra le due Wikipedie.

Firma dla colaborassion Semanticpedia

"Colaborassion "Semanticpedia" con ël goern fransèis e istitut d'arserca

Ël capìtol dla Wikimedia Fransèisa a l'ha firmà na colaborassion con ël Ministeri Fransèis dla Cultura ed Comunicassion e l'Istitut Nassional për l'Arserca e Control ant la Siensa dij Calcolador (INRIA) lansand ël proget Semanticpedia. Ël proget a l'é n'evolussion dla Vërsion Fransèisa ëd DBpedia e a arvarda arserche e dësvilup a propòsit dl'estrassion ëd dat struturà (semàntich) da la Wikipedia an lenga fransèisa e ij sò proget frej.

Na modìfica simultania da doi continent

Wikimedia Méssich e Wikimedia Spagna a l'han organisà la prima maraton-a ëd modìfiche tra doi paìs parlant Spagneul, anté ij Wikimedian a l'han colaborà travers l'ossèan dzora argoment che a son d'amportansa sia për la Spagna che për ël Méssich.