Affiliations Committee/Mga Balita/Bantala 8
Pag-abiabi sa ikawalo nga bantala sang AffCom News! Ang newsletter nagapalapnag sang mga balita nahanungod sa buhat sang Affiliations Committee sang Wikimedia. Ang ini nga bantala nagasakup sang Enero–Marso 2026 (Q3 FY26-27).
Ang AffCom News ginapagwa kada tatlo ka bulan para sa tanan nga Wikimedia Affiliates kag indibidwal nga mga subscriber. Mahimo ka makabilin sang mga komento ukon ideya para sa masunod nga mga newsletter sa talk page. Mahimo ka man makabulig sa amon paagi sa paglubad sang newsletter sa imo (mga) pulong. Mag-subscribe sa newsletter paagi sa pagdugang sang imo talk page sa sini nga lista.
Kon may yara ka sang makawiwili nga istorya parte sa mga ginahimo sang inyo Affiliate, malipayon gid kami nga mabatian ini pinaagi sa affcom@wikimedia.org.
Pagkilala kag Pagkakas Sang mga Affiliate
Ang AffCom amo ang responsable sa pagdumala sang proseso sang pagkilala kag pagdula sang pagkilala para sa mga affiliate sang Wikimedia movement (Chapters, Thematic Organizations, kag User Groups). Ini nga seksyon magalista sang mga pagabag-o samtang ini nagakatabo.
Sa nagligad nga quarter, wala sang bag-o nga mga Affiliate nga ginkilala ang AffCom bangud sa temporaryo nga paghundak sa pagkilala sang mga bag-o nga affiliate.
Wala sang Wikimedia Affiliates nga ginkaksan sang pagkilala sa nagligad nga quarter.
Pagtambag sa Gamu sang AffCom
Ang AffCom sa karon nagadumala sang walo ka nagapadayon nga kaso sang banggianay sang mga affiliate nga nadawat halin sa nagligad nga mga quarter. Ini nga mga kaso nagalakip sang lain-lain nga isyu pareho sang tensyon sa tunga sang mga affiliate, mga problema sa sulod nga pangdumala, kag mga paglalis parte sa pag-apil kag partisipasyon sang mga miyembro. Sa pila ka mga sitwasyon, ang nagkalain-lain nga ginalauman sa kolaborasyon kag mga pamaagi sang pagdumala amo ang nakadugang sa mga isyu.
Gina-review sang komite ang mga dokumento nga ginsumiter agud matapat ang nagakaangay nga mga masunod nga tikang kag mahibaluan kon ano nga klase sang suporta ang kinahanglan. Ang mga paningkamot sang AffCom sa pagresolbar sang mga banggianay nagatutok sa pagpauswag sang maayo nga pagdumala kag pagpalig-on sang kooperasyon sa sulod sang affiliate ecosystem.
Administratibo nga Updates sa AffCom
Katapuan
| Laragway | Ngalan | Laragway | Ngalan |
|---|---|---|---|
| $ngalan, Chairman |
$ngalan, Vice-Chairman | ||
| $ngalan, Secretary |
Aleksey Chalabyan | ||
| Mehman Ibragimov | Harriet Henry Bayel | ||
| Agus Damanik | Juan Bautista Alegre | ||
| Robert Jamal |
Mga Manuglaygay
| Laragway | Ngalan | Laragway | Ngalan |
|---|---|---|---|
| Delphine Ménard | Maor Malul | ||
| Tochi Precious Friday |
Pagpalawig sang Paghundak sa Pagkilala sang mga Affiliate
Ang Wikimedia Foundation, upod ang AffCom, ang nagpalawig sang pagpahundak sa bag-o nga pagkilala sang mga affiliate nga nag-umpisa sang Agosto 2025. Ini nga pagpahundak, nga dapat tani natapos sang Marso 31, 2026, padayon nga pagapalawigon tubtob Septyembre 1, 2026.
Ini nga dugang nga panahon magahatag sang kahigayunan sa mga team nga madapat ang madamo nga laygay halin sa komunidad pakadto sa bag-o nga modelo sang affiliation, nga may mas klaro nga mga pagsulundan parte sa tinutuyo, mga ginalauman, kag suporta para sa mga ginkilala nga affiliate. Ang pagpahalawig indi makaapekto sa mga daan nga affiliate, nga magapadayon sa ila operasyon sa idalom sang ila naandan nga mga kasugtanan.
Basaha ang dugang nga detalye parte sa update sa sini nga lain nga blog post.
Ang AffCom aktibo nga nagatipon sang feedback, mga panumduman, kag opinyon halin sa mas lapad nga Wikimedia community agud mas epektibo nga madumala ang nagapadayon nga nagauswag nga ecosystem.
Importante ang imo tingog! Ipabati ang imo opinyon sa paghurma sang palaabuton sang Wikimedia movement! Basaha ang draft, ibahin ang imo mga panumduman, kag buligi nga hurmahon ang masunod nga mga tikang.
Ipadala ang imo feedback direkta sa affcom@wikimedia.org
Magbinuligay kita sa pagpatukod sang mas mabakod kag mas suportado nga Wikimedia ecosystem.
Mga Buhat sa Pagtukod sang Bag-o nga Affiliate Model

Sa sini nga quarter, ang Affiliations Committee nagpatigayon sang kolaboratibo nga mga miting upod sa Global Resource Distribution Committee (GRDC) agud usisaon ang pag-uswag sang bag-o nga modelo sang affiliation halin sa magkatimbang nga perspektibo. Samtang ang GRDC nagatutok sa mga pinansyal nga istruktura kag grantmaking, ang AffCom nagapadayon sa pag-usisa sang mga governance frameworks, mga sahi sang affiliate, kag ang mga papel kag responsibilidad sa sulod sang movement.
Ini nga mga diskusyon may daku nga papel sa pagseguro sang pag-ugyon sang duha ka komite samtang nagapadayon ang pag-uswag sang bag-o nga modelo. Paagi sa pagtipon sang mga panan-awan halin sa pinansyal nga aspeto kag sa pagdumala, ang ini nga kolaboratibo nga paningkamot nagahinyo nga makatuga sang mas klaro, epektibo, kag pangmadugay nga pamaagi sa mga affiliation sa movement.
Padulong sa Malambo nga Ecosystem sang Wikimedia Organizations: Updates sa Movement Organizations Pilot, GRDC, kag AffCom
ESEAP Conference 2026

Ang ESEAP Conference 2026 amo ang ika-apat nga rehiyonal nga komperensya para sa Wikimedia communities sa ESEAP nga rehiyon (East, Southeast Asia, kag Pacific). Ang komperensya pagahiwaton sa Kaohsiung, Taiwan halin sa Mayo 15–17, 2026.
Ang tema sang sini nga tuig, “New Era of ESEAP: Pioneer the Future Together!”, nagapakita sang kolaborasyon kag inobasyon sa bug-os nga rehiyon, nga nagaplano maghatag sang 100 ka scholarship kag 150 ka mga partisipante sa kabug-osan, upod ang propesyonal nga live interpretation sa madamo nga mga ESEAP nga pulong.
Kasunod sang resolusyon sang Wikimedia Foundation Board of Trustees nahanungod sa Movement Charter, duha ka mayor nga pilot initiatives ang ginlunsar agud malubad ang dugay na nga mga pamangkot parte sa papel sang mga organisasyon sa sulod sang movement kag sa palaabuton sang pagbahin-bahin sang mga resource.
Subong, ang duha ka pilot nakatapos na sa una nga bahin sang eksplorasyon kag nagasulod na sa bahin sang pagdolon kag pagpaugyon.
Sanday Suyash Dwivedi kag Agus Damanik halin sa AffCom, magatambong kag magafacilitate sang isa ka joint session upod sa Global Resource Distribution Committee (GRDC). Ang session nagatuyo nga maghatag sang update parte sa kahimtangan sang Movement Organizations pilot kag sang Interim Global Resource Distribution Committee (GRDC).
Mga Balita sa Affiliations Committee
Magsignup para makabaton sang mga balita halin sa Affiliations Committee deretso sa imo talk page.

