An Pagtitipon nin Estratehiya kan ESEAP 2025
-
Group photo. 23 May 2025.
Panlikod na Impormasyon
An Subangan asin Habagatan-subangan na Asya asin an Pasipiko iyo an mga rona na pinakakulang an representasyon sa laog kan komunidad nin Wikimedya. Igwa nin dakulang bilang nin mga paraambag sa Wikimedya sa satong mga rona, alagad padagos kitang nakikipaglaban sa pagmukna nin sarong komunidad na may marahay na pamamayo. An kumperensya na ini madara kan mga partisipante hale sa manlaen-laen na komunidad kan ESEAP tanganing orog na masabutan an mga isyu asin makahanap nin mga solusyon. Katuyuhan man kaini na itakod an mga tawo kan hiroon nin Wikimedya sa laog kan mga rona kan ESEAP, tanganing maghiras nin mga ideya, asin magtogdok nin mga kolaborasyon sa rona na imposibleng makamtan sa paagi nin online na komunikasyon.
Obhebtibo
Inoorganisa mi An Pagtitipon nin Estratehiya kan ESEAP 2025 para:
- Magtao nin agihan para sa pagsunod asin pagrepaso kan estado kan presenteng estratehikong direksyon kan Rona kan ESEAP base sa mga orolay kan mga nakaaging Pagtiripon.
- Magmukna nin bukas asin nakakaakit na mga urulay sa komunidad asin atamanon an mga kolaborasyon sa pag-oltanan nin mga kultura sa maabot na panahon sa pag-oltanan kan mga nasyon sa Rona kan ESEAP.
- Magin sarong lugar para sa mga kaapil kan komunidad na magkaigwa nin pakikipag-olay sa nagkapira sa mga kaapil kan mga Pugro nin nagtatrabaho sa Estratehikong Hiroon tanganing magiyahan ninda an mga kabali sa mga bagay o kahaditan na nagbutwa sa saindang mga orolay sa pugro nin pagtrabaho sa pankagabsan asin sa mga dokumento nin sakop sa partikular. Kabali digdi alagad bakong limitado sa, pagtao nin mga paglilinaw, pagtao nin mga halimbawa nin mga senaryo sa maabot na panahon, asin paghiras kan saindang eksperyensya sa trabaho sa saindang mga itinalagang pugro nin pagtrabaho
- Magmukna nin sarong estruktura nin suporta para sa mga komunidad asin mga boluntaryo sa Wikimedya sa mga panaga nin pag-organisar, pakikipag-ulay sa mga boluntaryo, asin mga teknikal na angat.
Pinagsararong pahayag kan mga Wikimedyanon sa Filipinas na mag-host kan Pagtitipon nin Estratehiya kan ESEAP sa Manila
