Evento: Ban Wiki!-Online
Ban Wiki - Online
E proyecto Wikipedia na Aruba ta presenta un evento mensual di Ban Wiki! Unda bo por haci bo preguntanan tocante e proyecto, conoce otro boluntarionan y cuminsa edita!
Tayer online via Google meet. Tur seccion ta cana di 10:00 AM pa 11:30 AM (AST). E team di Wikipedia riba Aruba ta guia bo, stap pa stap, siña bo con pa usa Wikipedia y otro plataformanan.
Si bo kier edita durante e workshop, crea un cuenta di Wikipedia prome. Bishita nos pagina principal pa mas informacion.
E evento aki ta dirigi specialmente na personanan y ekipo cu ta traha den organisacionnan di GLAM. Museo, biblioteca, archivo y galeria cu ta participa den digitalisacion di coleccion y haci conocemento cultural mas accesibel pa publico.
E tayer ta habri pa tur hende cu kier siña con pa edita wikipedia. Cu of sin experiencia tur hende ta bon bini.
Participantenan por haci pregunta y participa den Papiamento, Hulandes of Ingles.
Fecha di evento
Con e ta traha - Explora Wikipedia
Den e seccion aki nos lo bai explora Wikipedia, analisa pagina existente, añadi informacion nobo i usa herment manera e herment di traduccion riba Wikipedia.
Nos lo explora con pa agrega potret na Wikimedia commons, compronde cua contenido ta mas apto pa diferente plataformanan di Wikimedia. E Seccion ta flexibel y ta wordo dirigi pa e preguntanan di e participantenan.
Crea un cuenta
Prome cu e workshop, sigura cu bo a crea un cuenta di Wikipedia. E ta esencial si bo kier participa den e sesion.
Registracion ta tuma solamente un paar di minuut y ta completamente gratis. Nos ta recomenda pa haci esaki por lo menos 24 ora prome cu e workshop. E articulo aki ta splica con pa haci’e na Papiamento y Hulandes.
Inspiracion
Wikipedia ta e enciclopedia gratis mas grandi na mundo, crea y mantene door di boluntarionan rond mundo Wikimedia Commons ta su otro proyecto unda por warda imagen y medio di uso gratis.
Na Aruba y e gran Caribe, hopi institucion y individuo ta trahando pa preserva y comparti patrimonio cultural. Contribui na Wikimedia Commons y Wikipedia ta garantisa cu e conocemento aki ta accesibel globalmente, den varios idioma. E workshop aki ta duna sosten na e profesionalnan di GLAM y na e comunidad en general pa cuminsa e proceso
Bo por haña video di instrucionnan na Papiamento pa inspiracion riba e canal di YouTube di Wikipedia on Aruba YouTube page
Registra
Por fabor tene cuenta cu mester registra.
Pa sigura bo participacion, sigura cu bo registra bo mes via e formulario aki. Esaki lo yuda nos prepara nos mes y garantisa un experencia fluido pa tur participante.
Contacto
Por fabor tuma contacto cu nos si bo tin algun preguntanan, ideanan of cosnan cu bo kier comparti tocante e evento of e proyecto aki. Bo por haña nos informacion di contacto aki of comunica riba medionan social.
Wikipedia on Aruba is a partnership of Wikimedia Nederland, Monumentenfonds Aruba, Archivo Nacional Aruba, Biblioteca Nacional Aruba, and Union di Organisacionnan Cultural Arubano
Project initiated by Wikimedia Nederland and funded by Fonds voor Cultuurparticipatie, Wikimedia Foundation and Dutch Culture.
The credits for the photos used on this project website can be found here.