Evento: Ban Wiki! 18-6

This page is a translated version of the page Event:Ban wiki! 18-6 and the translation is 100% complete.

Introduccion

E proyecto Wikipedia na Aruba ta presenta un evento mensual di Ban Wiki! Unda bo por pasa pa haci bo preguntanan tocante e proyecto, conoce otro hende ‘Wiki-minded’ y cuminsa edita!

E di dos edicion aki lo tuma luga dia 18 di juni, di 5or pa 7or di atardi, na Biblioteca Nacional Aruba. Den e edicion aki, nos lo explora Wikipedia como un plataforma pa traduci y comparti conocemento den tur idioma. Nos enfoke e sesion aki lo ta tocante e tema di emancipacion na Aruba. E workshop lo tuma luga na Ingles y Papiamento.

E workshop aki lo tuma luga den colaboracion cu Dr. drs. Luc Alofs, antropologo cultural y historiado specialisa den patrimonio, identidad y estudio postcolonial di Aruba. Dr. Alofs a publica hopi tocante historia social y cultural di Aruba y Caribe Hulandes, y ta trece un cantidad grandi di conocemento na e sesion.

Si bo kier edita, trece un laptop of bo telefon! Tambe por usa e computernan disponibel den e sala di estudio di biblioteca.

Como participante, bo persona lo contribui cu imagennan cu licencia gratis pa apoya conocemento habri, yuda documenta e patrimonio cultural di Aruba via medionan di acceso habri y expande e representacion visual riba e plataformanan di Aruba riba Wikimedia, poniendo e contenido cultural disponibel pa un audiencia global.

Tambe lo tin cuminda y bebida :)!

Con e ta traha - Crea un cuenta riba Wikipedia

Pa por participa activamente den e sesion aki, bo mester crea un cuenta di Wikipedia. Esaki lo permiti bo pa explora e plataforma completamente y contribui directamente na e articulonan. Durante e sesion, nos lo tin tambe un discusion habri den cual nos lo traha hunto pa identifica temanan cu falta, informacion incompleto y articulo cu por beneficia di fuente- of referencianan adicional, specialmente relaciona cu e tema di emancipacion na Aruba.

Si bo no ta sigur con pa crea un cuenta di Wikipedia, no preocupa bo mes. Bo por haña un splicacion na Papiamento riba nos canal di YouTube channel, of usa e guia aki paso pa paso riba nos plataforma di conocemento na Papiamento pa guia bo door di e proceso.

Inspiracion

E sesion aki tambe ta un oportunidad pa inspira den e historia poderoso y continuo di emancipacion, un proceso cu ta sigui forma sociedad, identidad y historia. Si nos enfoca riba e contexto di Aruba, nos meta ta pa aproba nos comprension di su importancia na nivel no solamente local pero tambe regional.

Tambe nos lo enfatisa e trabou importante di Dr. drs. Luc Alofs, kende su investigacion riba e patrimonio cultural di Aruba, historia colonial y formacion di identidad ta ofrece informacion valioso riba e narativo mas amplio di emancipacion. Su contribucion ta duna un base solido pa un discusion y reflexion significante durante e sesion.

Lectura y Recursonan y fuente

Coleccion.aw. (n.d.). Slavernij / Sclavitud. https://coleccion.aw/browse/?col=sclavitud

Alofs, L. (2017). Slaven zonder plantage: (kinder-)slavernij en emancipatie op Aruba. Charuba. Retrieved from Biblioteca Nacional Aruba website: https://www.bibliotecanacional.aw/pages/slaven-zonder-plantage/ Read full book here

Alofs, L. (2007). Places of memory: Aruba and the slave trade route – Final report. Coleccion Arubiana, Biblioteca Nacional Aruba, no. 2818. UNESCO, National Commission Aruba. https://coleccion.aw/show/?BNADIGARUBIANA2818Images

Freeland, C. (2025, April 15). Aruba’s digitized slavery documents added to UNESCO’s International Memory of the World Register. Internet Archive Blog. https://blog.archive.org/2025/04/15/arubas-digitized-slavery-documents-added-to-unescos-international-memory-of-the-world-register/

Afkondiging in Staatsblad van de wet afschaffing slavernij
Fort Zoutman 1907
Fort Zoutman, 1982
Afschaffing slavernij, 1 juli 1863
Boy Lawson - Dividiviboom in het landschap in de omgeving Sabana Grandi

Registra

Tene cuenta cu mester registra pa asisti na e evento aki, ya cu tin un cantidad limita di asiento disponibel. Pa sigura bo luga, registra bo mes via e formulario aki. Esaki lo yuda nos prepara nos mes y garantisa un experencia fluido pa tur participante.

Contacto

Tuma contacto cu nos si bo tin preguntanan, ideanan of cosnan cu bo kier comparti tocante e evento of e proyecto aki. Bo por haña nos informacion di contacto aki of comunica riba medionan social.