ᱠᱟᱹᱢᱤ ᱦᱚᱨᱟ: ᱣᱤᱠᱤᱯᱤᱰᱤᱭᱟ ᱨᱮᱱᱟᱜ ᱒᱕ ᱥᱮᱨᱮᱢᱟ ᱯᱩᱨᱟᱹᱣ ᱚᱱᱞᱟᱭᱤᱱ ᱨᱟᱹᱥᱠᱟᱹ
Happy birthday, Wikipedia!
Wikipedia's global virtual birthday party is available to watch back on YouTube and Wikimedia Commons.
ᱢᱟᱱᱟᱣ ᱠᱟᱹᱢᱤᱦᱚᱨᱟ ᱨᱮ ᱢᱮᱱᱟᱜ ᱥᱮᱞᱮᱫ ᱠᱚ
- ᱢᱤᱫ ᱮᱛᱚᱦᱚᱵ ᱠᱟᱭᱩᱱᱴᱰᱟᱣᱩᱱ: ᱑᱕ ᱴᱤᱲᱤᱡ ᱨᱮᱭᱟᱜ ᱯᱨᱤ-ᱯᱟᱨᱴᱤ, ᱡᱟᱦᱟᱸ ᱫᱚ ᱑᱕:᱔᱕ UTC ᱨᱮ ᱮᱦᱚᱵᱚᱜᱼᱟ, ᱚᱱᱟ ᱥᱟᱶᱛᱮ ᱣᱤᱠᱤᱯᱤᱰᱤᱭᱟ ᱴᱨᱤᱵᱷᱤᱭᱟ ᱟᱨ ᱜᱚᱴᱟ ᱫᱷᱟᱹᱨᱛᱤ ᱠᱷᱚᱱ ᱡᱟᱱᱟᱢ ᱢᱟᱦᱟ ᱨᱮᱭᱟᱜ ᱥᱩᱵᱷᱮᱪᱪᱷᱟ ᱛᱟᱦᱮᱸᱱᱟ᱾ ᱞᱚᱜᱚᱱ ᱥᱮᱴᱮᱨᱚᱜ ᱯᱮ ᱟᱨ ᱛᱮᱭᱟᱨ ᱛᱟᱦᱮᱸᱱ ᱯᱮ!
- ᱒᱕ ᱥᱮᱨᱢᱟ ᱨᱮᱭᱟᱜ ᱥᱚᱨᱮᱥ ᱜᱚᱲᱚ-ᱜᱚᱯᱚᱲᱚ ᱨᱮᱭᱟᱜ ᱢᱤᱫ ᱥᱟᱸᱜᱷᱟᱨ: ᱧᱮᱞ ᱯᱮ ᱪᱮᱫ ᱞᱮᱠᱟ ᱓᱐᱐+ ᱯᱟᱹᱨᱥᱤ ᱨᱮᱭᱟᱜ ᱣᱤᱠᱤᱯᱤᱰᱤᱭᱟ ᱠᱚ ᱦᱟᱨᱟ-ᱵᱩᱨᱩ ᱟᱠᱟᱱᱟ, ᱡᱚᱠᱷᱚᱱ ᱣᱤᱠᱤᱯᱤᱰᱤᱭᱟ ᱒᱕ ᱥᱮᱨᱢᱟ ᱢᱟᱬᱟᱝ "ᱦᱮᱞᱳ, ᱣᱟᱨᱞᱰ!" ᱞᱮᱠᱟᱱ ᱥᱟᱫᱷᱟᱨᱚᱱ ᱠᱟᱛᱷᱟ ᱥᱟᱶ ᱡᱟᱱᱟᱢ ᱞᱮᱱᱟ᱾
- ᱜᱟᱞᱢᱟᱨᱟᱣ ᱞᱟᱹᱜᱤᱫ ᱢᱤᱫ ᱥᱟᱨᱦᱟᱣ: ᱛᱚᱨᱠᱚ-ᱵᱤᱛᱚᱨᱠᱚ, ᱟᱲᱮ ᱰᱟᱦᱟᱨ, ᱟᱨ ᱢᱚᱛ-ᱢᱤᱫ ᱵᱮᱱᱟᱣ ᱨᱮᱭᱟᱜ ᱢᱟᱱᱚᱛ, ᱡᱟᱦᱟᱸ ᱫᱚ ᱣᱤᱠᱤᱯᱤᱰᱤᱭᱟ... ᱣᱤᱠᱤᱯᱤᱰᱤᱭᱟ ᱭ ᱵᱮᱱᱟᱣᱮᱫᱟ᱾
- ᱥᱮᱨᱮᱧ ᱟᱠᱷᱲᱟ: ᱣᱤᱠᱤᱯᱤᱰᱤᱭᱟ ᱟᱨ ᱣᱤᱠᱤᱢᱤᱰᱤᱭᱟ ᱥᱟᱛᱟᱢ ᱠᱚ ᱛᱮ ᱵᱮᱱᱟᱣ ᱟᱠᱟᱱ ᱨᱩ-ᱚᱨᱚᱝ, ᱡᱟᱦᱟᱸ ᱫᱚ ᱯᱨᱚᱡᱮᱠᱴ ᱠᱚ ᱞᱟᱦᱟ ᱤᱫᱤᱭᱮᱫ ᱥᱟᱯᱲᱟᱣᱤᱭᱟᱹ ᱠᱚ ᱞᱟᱹᱜᱤᱫ ᱜᱟᱵᱟᱱ ᱟᱠᱟᱱᱟ᱾
- ᱣᱤᱠᱤᱯᱤᱰᱤᱭᱟ ᱠᱷᱮᱞ: ᱱᱟᱣᱟ ᱵᱮᱱᱟᱣ, ᱵᱤᱥᱮᱥ-ᱥᱚᱝᱠᱷᱚᱨᱚᱱ ᱣᱤᱠᱤᱯᱤᱰᱤᱭᱟ ᱒᱕ ᱨᱮᱭᱟᱜ ᱡᱤᱱᱤᱥ ᱠᱚ ᱡᱤᱛᱠᱟᱹᱨᱚᱜ ᱞᱟᱹᱜᱤᱫ ᱟᱢᱟᱜ ᱜᱮᱭᱟᱱ ᱵᱤᱰᱟᱹᱣ ᱨᱮᱭᱟᱜ ᱢᱤᱫ ᱫᱟᱣ᱾
- ᱜᱚᱴᱟ ᱫᱷᱟᱹᱨᱛᱤ ᱨᱮᱱ ᱣᱤᱠᱤᱢᱤᱰᱤᱭᱟᱱ ᱠᱚ ᱪᱮᱛᱟᱱ ᱨᱮ ᱢᱟᱨᱥᱟᱞ: ᱱᱟᱱᱟ-ᱦᱩᱱᱟᱹᱨ ᱴᱚᱴᱷᱟ ᱟᱨ ᱯᱤᱲᱦᱤ ᱨᱮᱭᱟᱜ ᱠᱟᱹᱦᱱᱤ ᱠᱚ᱾
- ᱵᱤᱥᱮᱥ ᱯᱮᱲᱟ ᱠᱚᱣᱟᱜ ᱥᱮᱴᱮᱨ: ᱪᱮᱫᱟᱜ ᱥᱮ ᱡᱚᱛᱚ ᱥᱚᱨᱮᱥ ᱡᱟᱱᱟᱢ ᱢᱟᱦᱟ ᱨᱮ ᱛᱤᱱᱟᱹᱜ ᱜᱟᱱ ᱵᱟᱝ ᱟᱸᱥ ᱟᱠᱟᱱ ᱦᱚᱲ ᱠᱚᱣᱟᱜ ᱥᱮᱴᱮᱨ ᱡᱟᱹᱨᱩᱲ ᱠᱟᱱᱟ᱾ ᱟᱨ ᱦᱮᱸ, ᱟᱯᱮᱨᱮᱱ ᱟᱹᱰᱤ ᱫᱤᱱ ᱨᱮᱱ ᱠᱩᱥᱤᱭᱟᱱ ᱦᱚᱲ ᱠᱚ ᱦᱚᱸ ᱠᱚ ᱥᱮᱴᱮᱨᱚᱜᱼᱟ᱾
ᱟᱯᱮᱭᱟᱜ ᱠᱮᱠ ᱟᱨ ᱯᱷᱮᱥᱚᱱ ᱪᱤᱛᱟᱹᱨ ᱠᱚ ᱠᱩᱞ ᱯᱮ ᱟᱨ ᱴᱨᱤᱵᱷᱤᱭᱟ ᱡᱚᱢᱟᱭ ᱯᱮ
ᱣᱤᱠᱤᱠᱮᱠ ᱟᱨ ᱣᱤᱠᱤᱯᱷᱮᱥᱚᱱ ᱪᱤᱛᱟᱹᱨ ᱠᱚ᱾ ᱣᱤᱠᱤᱯᱤᱰᱤᱭᱟ ᱞᱟᱹᱜᱤᱫ ᱠᱮᱠ ᱵᱮᱱᱟᱣ ᱥᱮ ᱟᱢᱟᱜ ᱥᱚᱨᱮᱥ ᱣᱤᱠᱤᱯᱷᱮᱥᱚᱱ ᱩᱫᱩᱜ ᱥᱚᱫᱚᱨ ᱥᱟᱱᱟᱭᱮᱫ ᱢᱮᱭᱟ? ᱟᱢᱟᱜ ᱪᱤᱛᱟᱹᱨ ᱠᱚ ᱠᱚᱢᱚᱱᱥ ᱨᱮ ᱟᱯᱞᱳᱰ ᱢᱮ ᱟᱨ ᱞᱤᱝᱠ ᱠᱚ ᱟᱞᱮ ᱠᱩᱞ ᱟᱞᱮ ᱢᱮ ᱡᱮᱢᱚᱱ ᱟᱞᱮ ᱟᱠᱷᱲᱟ ᱚᱠᱛᱚ ᱨᱮ ᱟᱢ ᱞᱮ ᱩᱫᱩᱜ ᱥᱚᱫᱚᱨ ᱫᱟᱲᱮᱭᱟᱢ! ᱡᱟᱱᱩᱣᱟᱨᱤ ᱑᱑ ᱛᱮ ᱟᱯᱮᱭᱟᱜ ᱪᱤᱛᱟᱹᱨ ᱠᱚ wp25
wikimedia.org ᱨᱮ ᱠᱩᱞ ᱟᱞᱮ ᱯᱮ᱾
ᱡᱤᱢᱤ ᱦᱟᱦᱟᱲᱟ ᱚᱪᱚᱭ ᱞᱟᱹᱜᱤᱫ ᱴᱨᱤᱵᱷᱤᱭᱟ ᱠᱩᱞ ᱯᱮ! ᱟᱯᱮ ᱠᱚ ᱛᱟᱞᱟ ᱠᱷᱚᱱ ᱡᱟᱦᱟᱸᱭ ᱠᱚ ᱡᱟᱱᱩᱣᱟᱨᱤ ᱔ ᱛᱮ ᱟᱯᱮᱭᱟᱜ ᱴᱨᱤᱵᱷᱤᱭᱟ ᱯᱮ ᱠᱩᱞ ᱟᱠᱟᱫᱟ, ᱩᱱᱠᱩ ᱠᱚ ᱟᱹᱰᱤ ᱟᱭᱢᱟ ᱥᱟᱨᱦᱟᱣ! ᱟᱞᱮ ᱟᱠᱷᱲᱟ ᱨᱮ ᱡᱟᱦᱟᱸ ᱛᱤᱱᱟᱹᱜ ᱜᱟᱱᱚᱜᱼᱟ ᱩᱱᱟᱹᱜ ᱵᱟᱹᱲᱛᱤ ᱴᱨᱤᱵᱷᱤᱭᱟ ᱥᱮᱞᱮᱫ ᱞᱟᱹᱜᱤᱫ ᱞᱮ ᱠᱟᱹᱢᱤ ᱠᱟᱱᱟ!
ᱞᱟᱭᱤᱵᱽ ᱛᱚᱨᱡᱚᱢᱟ
ᱱᱚᱣᱟ ᱟᱠᱷᱲᱟ ᱫᱚ ᱟᱨᱚᱵᱤᱠ, ᱪᱟᱭᱱᱤᱡᱽ, ᱯᱷᱨᱮᱸᱪ, ᱯᱚᱨᱛᱩᱜᱤᱡᱽ ᱟᱨ ᱥᱯᱮᱱᱤᱥ ᱛᱮ ᱞᱟᱭᱤᱵᱽ ᱛᱚᱨᱡᱚᱢᱟ ᱦᱩᱭᱩᱜᱼᱟ᱾
ᱪᱮᱫ ᱞᱮᱠᱟᱛᱮᱢ ᱥᱮᱞᱮᱫᱚᱜᱼᱟ
ᱱᱚᱣᱟ ᱟᱠᱷᱲᱟ ᱫᱚ ᱣᱤᱠᱤᱢᱤᱰᱤᱭᱟ ᱯᱷᱟᱣᱩᱱᱰᱮᱥᱚᱱ ᱣᱮᱵᱽᱥᱟᱭᱤᱴ ᱨᱮ ᱛᱩᱨᱩᱭ ᱜᱚᱴᱟᱝ ᱯᱟᱹᱨᱥᱤ - ᱟᱨᱚᱵᱤᱠ, ᱪᱟᱭᱱᱤᱡᱽ, ᱯᱷᱨᱮᱸᱪ, ᱤᱝᱞᱤᱥ, ᱯᱚᱨᱛᱩᱜᱤᱡᱽ ᱟᱨ ᱥᱯᱮᱱᱤᱥ ᱛᱮ ᱞᱟᱭᱤᱵᱽ ᱩᱪᱷᱟᱹᱱᱚᱜᱼᱟ᱾ ᱟᱞᱮ ᱟᱯᱮ ᱚᱸᱰᱮ ᱟᱠᱷᱲᱟ ᱨᱮ ᱥᱮᱞᱮᱫᱚᱜ ᱞᱟᱹᱜᱤᱫ ᱞᱮ ᱩᱛᱥᱟᱹᱦ ᱮᱫ ᱯᱮᱭᱟ!
ᱟᱯᱮ ᱴᱷᱮᱱ ᱣᱤᱠᱤᱯᱤᱰᱤᱭᱟ ᱨᱮᱭᱟᱜ ᱤᱭᱩᱴᱭᱩᱵᱽ ᱪᱮᱱᱮᱞ ᱨᱮ ᱧᱮᱞ ᱨᱮᱭᱟᱜ ᱫᱟᱣ ᱦᱚᱸ ᱢᱮᱱᱟᱜᱼᱟ, ᱢᱮᱱᱠᱷᱟᱱ ᱚᱱᱟ ᱪᱮᱱᱮᱞ ᱫᱚ ᱥᱩᱢᱩᱝ ᱤᱝᱞᱤᱥ ᱛᱮ ᱜᱮ ᱧᱟᱢᱚᱜᱼᱟ᱾
ᱵᱟᱱᱟᱨ ᱪᱮᱱᱮᱞ ᱨᱮ ᱜᱟᱞᱢᱟᱨᱟᱣ ᱟᱨ ᱞᱟᱭᱤᱵᱽ ᱥᱮᱞᱮᱫᱚᱜ ᱨᱮᱭᱟᱜ ᱟᱹᱰᱤ ᱟᱭᱢᱟ ᱫᱟᱣ ᱛᱟᱦᱮᱸᱱᱟ᱾ ᱥᱤᱨᱯᱷᱟᱹ ᱡᱤᱛᱠᱟᱹᱨᱚᱜ ᱞᱟᱹᱜᱤᱫ ᱥᱟᱯᱲᱟᱣ ᱠᱟᱛᱮ ᱦᱤᱡᱩᱜ ᱯᱮ!
