Event:Workshop upload carnaval images BNA San Nicolaas/pap
Introduccion
E proyecto Wikipedia riba Aruba ta organisa su prome tayer di training pa Wikimedia Commons riba 27 di Maart 2025 na Biblioteca Nacional San Nicolas.
Den e tayer aki, lo bo haya un introduccion na e proyecto Wikipedia riba Aruba, tambe lo bo siña kico ta Wikimedia Commons y con bo por subi bo imagenan nan na e plataforma aki, cual ta e repositorio di media pa tur e proyectonan di Wikimedia.
Por fabor trece bo imagenan digital cu bo ta desea di subi riba Wikimedia Commons y un laptop of bo telefon!
Door di participa, bo ta yuda cu contribucion di imagenan cu ta licencia libremente pa soporta conocemento habri, bo ta yuda documenta e herencia cultural di Aruba via media ku ta accesibel pa un publico global, y bo ta hasi e representaccion visual di Aruba mas amplio riba e plataforma di Wikimedia.
Tambe lo tin cuminda y bebida :)!
Registracion
E tayer ta totalmente gratis, pero mester di registracion pa nos por prepara tur cos bon y sigura un bon experiencia.
Registra ta fasil: click riba e boton blauw ‘Registra pa e evento’ riba e pagina aki y sigui e pasonan.
Crea un cuenta di Wikimedia
Pa bo por registra pa e evento, bo lo mester subi riba bo cuenta di Wikimedia. Si ainda bo no tin un cuenta, bo por crea uno! Simplemente click riba e boton ‘Join Meta’ y sigui e pasonan.
Tene na cuenta: Bo nomber di cuenta lo ta publico, pa es rason ta recomenda pa usa un apodo (nickname) en bes di bo nomber berdadero.
Importante: Pa bo por participa den e tayer y subi imagenan, bo tin mester di un cuenta di Wikimedia! Asina ta crea bo cuenta di antemano y tene bo informacion kla pa dia 27 di Maart!
Programa
4:30 - 5:00 PM | Yegada di Publico
Publico ta yega, registra, y tin e oportunidad sera conoci cu otro prome cu e tayer cuminsa.
5:00 - 5:20 PM | Introduccion na Wikipedia riba Aruba
Un resumen di e proyecto Wikipedia riba Aruba, su meta, y e importancia di conocemento habri den preservacion di e herencia cultural di Aruba.
5:30 - 6:00 PM | Tayer: Subi imagenan di Carnaval na Wikimedia Commons
Un sesion practico unda participantenan lo siña con por crea un cuenta di Wikimedia Commons, compronde e licencia liber, y subi imagenan, cu enfoke riba e documentacion di Carnaval 2025 na Aruba.
6:00 - 6:30 PM | Discusion
Un momento pa pregunta y clarificacion, y pa discuti oportunidadnan pa contribui na proyectonan di Wikimedia.
Bo mester yuda?
Nos a crea un guia corto na Papiamento i Hulandes pa yuda bo subi bo propio imágen den 5 paso.
Tambe no tene bo atrás pa tuma kontakto cu nos si bo tin pregunta. Bo por haya nos informacion di kontakto bou di e pagina.
Contacto
Si bo tin preguntanan, ideanan, of ta desea di comparti algo tocante e evento of e proyecto, por tuma contacto cu nos. Bo por haya nos informacion di contacto aki of riba nos medionan social.
Wikipedia on Aruba is a partnership of Wikimedia Nederland, Monumentenfonds Aruba, Archivo Nacional Aruba, Biblioteca Nacional Aruba, and Union di Organisacionnan Cultural Arubano
Project initiated by Wikimedia Nederland and funded by Fonds voor Cultuurparticipatie, Wikimedia Foundation and Dutch Culture.
The credits for the photos used on this project website can be found here.