Македонски: Извештај од генералниот конзул на Србија во Скопје, Михајло Ристиќ за приликите во вилаетот: турски зулуми, бугарски притисок, комитетско движење на „Македонско револуционерно друштво“ кое нема никаква врска со ниедна држава, туку работи „самостојно за ослободување на Македонија“, чиј претставник Стојче Богоев го посетил село Булачани, Скопско, каде врбувал „Срби“. Нова административна поделба на Пеќскиот санџак; посета на генерал де Ѓорѓис и неговите помошници со цел да го видат текот на реформите; посета на рускиот конзул Белаев и австрискиот Пара, кој во манастирот Лешок (Тетовско) одржал говор дека „Македонија наскоро ќе добие автономија, а тоа право го извојувала со востанието“, забележувајќи им на селаните дека само тетовскиот и гостиварскиот крај не сториле ништо во тој поглед, „бунете се, позади вас е Австрија“. (Скопје, 30 мај 1904).