Fundraising 2009/appeal/pam

From Meta, a Wikimedia project coordination wiki
Jump to navigation Jump to search

Need help? See the Translation FAQ or Meta:Babylon. All translators should also subscribe to translators-l to be kept up-to-date (and to ask questions).
General Fundraising Translation Guidelines: Fundraising 2009/Translations.

Metung a kayaduanan manibat king talatátag ning Wikipedia, i Jimmy Wales[edit]

Ngening aldong ini, mákisabi ku kekang magkalub para keng suporta ning Wikipedia.

Inumpisan ke ing Wikipedia aniang 2001, at kilub ning milabasan a walung banua, mengasdan ku ampong metagkil mánakit dalan-dalan a libung volunteer a mákiabe kaku para king pamitikdo ning maragul diling enciclopedia king kasalesayan ning meto ketawan.

E ya pang-negociong website ing Wikipedia. Metung yang lelangan ning balen, a gewa ra ngan ampong pigastusan deng taung kalupa mu. Maigit la king 340 milion deng taung gágamit king Wikipedia balang bulan - alus metung a katlu ning yatung makatuglung king Aptas o Internet. Kayabe ka king comunidad a iti.

Mániwala ku kekatamu. Mániwala kung pasanting neng pasanting ing Wikipedia. Ita ing sablang idea. Sumulat ya ing metung a tau, samasan ne ning metung pang tau, at sumanting neng sumanting, kabang milalábas ing panaun. Nung magamitan ya keka ngeni, isipan mu na mû nung nanu ing abe-abe tamung dasan kilub ning lima, apulu o aduang pulung banua.

Ing Wikipedia tungkul ya king upaya da reng taung anti kekatamu a gawang e karaniwang bage. Deng taung kalupa tamu ing súsulat king Wikipedia, keng balang metung nang salita niti. Deng taung kalupa tamu ing magpondu kaniti. Iti, katibayan ne ning abe-abe tamung upayang ibayu ya ing yatu.

Kailangan tamung protectan o kambilan ing espacio nung nukarin mararapát ing maulagang obrang iti. Kailangan ta yang protectan ing Wikipedia. Buri ta yang manatiling alang bayad ampong alang patalastas. Buri ta yang manatiling makabusni – agamit mu ing informacion king Wikipedia king sanumang paralang buri mu. Buri ta yang taglus-taglus a daragul – mikakalat beluan agiang nukarin, at managkat king pamakiabe da reng sabla.

Ing Katatagan Wikimedia (Wikimedia Foundation) ing aguman a e magtubu (non-profit organization) a lelangan ku aniang 2003 bang magpalakad, magparagul, maningat, ampong magprotecta king Wikipedia. Ing apulung miliong dollar ing banua, at deng kulang king 35ng empleado, pálakad de ing kalimang pekababasan a website (karinan king Aptas) king mabilug a yatu. Pasaup ku sa keka ba ta yang asundu ining obra tamu.

Isipan me ing metung a sikluban nung nukarin ing balang tau king planeta timawang mákagamit king kabilugan ning beluan ning meto ketawan. Karin tamu papunta. At kapamilatan ning saup mu, miras tamu.

Salamat king pamangamit mu king Wikipedia. Kayabe ka king istoriang ini: sana magkalub ka ngeni.

Jimmy Wales

Talatátag, Wikipedia