Fundraising 2010/Appeal/pcd

From Meta, a Wikimedia project coordination wiki
Jump to navigation Jump to search

Need help? See the Translation FAQ or Meta:Babylon. All translators should also subscribe to translators-l to be kept up-to-date (and to ask questions).
General Fundraising Translation Guidelines: Fundraising 2010/Translations.

J'ai cminché à pérler éd Wikipédia à chés gins il y o 10 ans, et pi ach momint-lo in n’m’ prenoait poin conme quéqu’un d’raisonnabe.

Disons simplémint éq des gins du monne ed l'intérprise n'étoètte poin convintchus pèr l'idée éq des bénévoles dech monne intié ouvrant insimbe is pourroètte créer eune syntèse deul connichanche humaine — aveuc ech partache conme seule motivachon.

Pon d’ pub. Pon d’ bénifiche. Pon d’ éstratédjie.

Dis ans apré sin lanchemint, plus d’ 380 millons d’gins implouéyette Wikipédia chaque moés, quasimint ech tiérs d’chés parsonnes ayant ahèrse à echl’ Intarnète.

Wikipédia ch’est ech chinquième site el’ plus visité au monne. Chés quate eutes is sont gérés aveuc des millars ed dollars, pèr d'énormes étchipes salariées et pi aveuc un markéting injoquant.

Mais Wikipédia i n'a rin à vir aveuc un site du martché. Ch'est eune créachon conmeunautoère, écrite pèr chés bénévoles, éq rédigette chés artikes un pèr un. Vos foaites partie dech conmeunité-lo. Et pi si éj vos écris aujourdu, ch'est pou vos dminder ed garantir Wikipédia et pi ed li pérmète ed pérdurer.

Insimbe, os pouvons warder Wikipédia gratuite pi sins publichité. Os pouvons l’warder libe — os pouvez implouéyer l'informachon cont’nue dins Wikipédia conme cha vos plaît. Nos pouvons l’foaire grandir, épérlindjer chés conissances tout partout pi inviter tout l’monne à participer.

Chaque innée acht’ époque chi, os v’nons vers vous pi d'eutes din la conmeunité Wikipédia pour nos édjir à foaire pérdurer note euve conmeune pèr un présint ed 20 €, 35 €, 50 € o bin plus.

Si vos radmirez Wikipédia conme source d'informachon et pi d'inspirachon, j'éspére qu’vos allez couésir d'agir achteure.

Coreusemint,

Jimmy Wales

Co-fondateu éd Wikipédia

P.S. Wikipédia i foait voèr ech povoér qu'ont chés gins conme nous d'foaire dés coses éstraordinoères. Dés gins conme nous écrivette Wikipédia mot pèr mot. Dés gins conme nous l’ finincette uro pèr uro auchi. Ch'est eune preuve ed note forche conmeune à canger ech monne.