Fundraising 2011/Brandon Letter/pam

From Meta, a Wikimedia project coordination wiki
Jump to navigation Jump to search
Translation instructions
  • For pages marked "Missing" or "In progress", click the page title and start translating. When you are done, click "edit status" and change the status to proofreading.
  • For pages marked "Needs updating", compare the page to the source page and update the translation accordingly. When you are done, click "edit status" and change the status to proofreading.
  • It is important to have someone else proofread the translated page! If you have proofread a page and it is ready for publication, click "edit status" and change that page's status to ready.
  • If you are changing something that has already been published, change its status back to ready for it to be published again.

If you have any questions or feedback regarding the translation process, please post them here. Translation FAQ

Panamdaman kung susúlat ke ing múmuna nang gulis ning kakung obituary (ampang a kasulatan kareng meangubye).

King palage ku, ala kung mas maulaga pang gáwan ku king bye ku kesa king gagawan ku ngeni king Wikipedia. E kami mû gagawang enciclopedia, magobra kami ba lang maging libri, maging timawa, deng táu. Nung atin tamung pikukwánan libring kabyasnan, mági tamung mas mayap a tau. Ayiyisip tamung mas maragul ya kesa kekatamu ing yatu, at migigising tamu king pamanintindi kareng kalupa tamung tau.

Ing Wikipedia ing kalimang pekapupuntalan dang website o karinan-Aptas (5th most visited website) king yatu. Mágobra ku king malating kumpanyang e mágtubu a magpanatili kayá king web/Aptas. E ke mangibiling patalastas uling milako ing kekaming katimawan, ing kekaming independencia. Ing karinan a ini, e ne kasangkapan ning propaganda, at kapilan man e dapat maging kasangkapan ning propaganda.

Malilyari ing obra mi uling kareng donasyun da reng mamásâ. Makasaup ka kayâ king pamaningat king Wikipedia kapamilatan ning pamagkalub $5, €10, ¥1000, o magkanu mang agyu mo?

Mágobra ku king Katatagan Wikimedia o Wikimedia Foundation uling sasabyan na kaku ning mabilug kung kaladwang ini ing ustu, ini ing karapatdapat gáwan. Mekapagobra na ku kareng mangaragul a kumpanyang teknikal (tech companies), a mágobra bang maglalang alang kwentang bageng medisenyung manakong pera king anák a e na balu iti. Madidismaya ku balang mumuli ku ibat king obra.

Malyaring e mu balu ini, pero kikimut ya ing Katatagan Wikimedia kapamilatan dareng ditak mung empleadu. Deng áliwang karinan a mumunang apulu (top-ten sites), libu-libu la empleadu ampong asnong pangaragul budget. Pero kapurit mu ing karelang ayayabut kumpara ketang kekaming gagawan kapamilatan da mu deng alambri ampong taiktik/sticks.

Nung mamye ka king Wikipedia, susuportan mu ing libring kabyasnan, ing timawang kabyasnan, king mabilug a yatu. E ka mû máglakwan pamana para kareng kekang ának ampo reng karelang ának, nun e tatas mo reng táu king mabilug a yatu a manikwa king iyas a iti. At sisiguradwan mung king datang a panaun, deng anggang táu, mirakayanan la naman.

Salamat,

Brandon Harris
Programmer, Wikimedia Foundation