ᱡᱚᱥ
ᱣᱤᱠᱤᱢᱤᱰᱤᱭᱟ ᱯᱷᱟᱣᱱᱰᱮᱥᱚᱱ ᱨᱮᱭᱟᱜ ᱡᱚᱥ ᱥᱴᱮᱴᱢᱮᱱᱴ ᱫᱚ ᱟᱵᱚᱣᱟᱜ ᱱᱤᱛᱚᱜᱟᱜ ᱠᱟᱹᱢᱤᱦᱚᱨᱟ ᱟᱨ ᱡᱚᱥ, ᱟᱵᱚᱣᱟᱜ ᱯᱨᱚᱡᱮᱠᱴ ᱠᱚ ᱨᱮᱭᱟᱜ ᱯᱟᱥᱱᱟᱣ, ᱟᱨ ᱟᱵᱚᱣᱟᱜ ᱢᱩᱬᱩᱛ ᱜᱚᱱᱚᱝ ᱠᱚᱭ ᱩᱫᱩᱜ ᱥᱚᱫᱚᱨᱟ ᱾ ᱱᱚᱶᱟ ᱫᱚ ᱧᱮᱞ ᱫᱟᱲᱮ ᱥᱴᱮᱴᱢᱮᱱᱴ ᱠᱷᱚᱱ ᱫᱚ ᱵᱷᱮᱜᱟᱨ ᱜᱮᱭᱟ ᱾ ᱟᱵᱚᱣᱟᱜ ᱢᱤᱥᱚᱱ ᱥᱴᱮᱴᱢᱮᱱᱴ, ᱡᱟᱦᱟᱸ ᱫᱚ ᱟᱨᱴᱤᱠᱮᱞᱥ ᱚᱯᱷ ᱤᱱᱠᱚᱨᱯᱚᱨᱮᱥᱚᱱ ᱨᱮᱭᱟᱜ ᱠᱷᱟᱴᱚ ᱚᱞ ᱨᱮᱱᱟᱜ ᱯᱟᱥᱱᱟᱣ ᱠᱟᱱᱟ ᱟᱨ ᱮᱯᱨᱤᱞ ᱒᱐᱐᱗ ᱨᱮ ᱵᱳᱨᱰ ᱨᱮᱡᱳᱞᱩᱥᱚᱱ ᱦᱚᱛᱮᱛᱮ ᱟᱸᱜᱚᱪ ᱟᱠᱟᱱᱟ, ᱚᱱᱟ ᱫᱚ ᱦᱩᱭᱩᱜ ᱠᱟᱱᱟ:
ᱣᱤᱠᱤᱢᱤᱰᱤᱭᱟ ᱯᱷᱟᱣᱱᱰᱮᱥᱚᱱ ᱨᱮᱭᱟᱜ ᱡᱚᱥ ᱫᱚ ᱦᱩᱭᱩᱜ ᱠᱟᱱᱟ ᱜᱚᱴᱟ ᱫᱷᱟᱹᱨᱛᱤ ᱨᱮᱱ ᱦᱚᱲ ᱠᱚ ᱢᱤᱫ ᱨᱟᱲᱟ ᱞᱟᱭᱥᱮᱱᱥ ᱥᱮ ᱫᱤᱥᱩᱣᱟᱹ ᱰᱚᱢᱮᱱ ᱛᱟᱹᱨᱤ ᱨᱮ ᱥᱮᱪᱮᱫ ᱥᱟᱛᱟᱢ ᱠᱚ ᱡᱟᱣᱨᱟ ᱟᱨ ᱩᱛᱷᱱᱟᱹᱣ ᱞᱟᱹᱜᱤᱫ ᱫᱟᱲᱮ ᱮᱢᱟᱠᱚ ᱟᱨ ᱥᱮᱞᱮᱫ ᱚᱪᱚᱠᱚ, ᱟᱨ ᱱᱚᱶᱟ ᱫᱚ ᱟᱹᱰᱤ ᱱᱟᱯᱟᱭ ᱛᱮ ᱟᱨ ᱡᱮᱜᱮᱛ ᱡᱟᱠᱟᱛ ᱨᱮ ᱯᱟᱥᱱᱟᱣ ᱾
ᱟᱯᱱᱟᱨ ᱛᱮ ᱠᱟᱹᱢᱤᱭᱟᱱ ᱠᱚᱣᱟᱜ ᱱᱮᱴᱣᱚᱨᱠ ᱟᱨ ᱟᱵᱚᱣᱟᱜ ᱯᱷᱩᱨᱜᱟᱹᱞ ᱢᱩᱵᱷᱢᱮᱱᱴ ᱚᱨᱜᱟᱱᱟᱭᱡᱮᱥᱚᱱ ᱠᱚ, ᱡᱟᱦᱟᱸ ᱨᱮ ᱢᱟᱱᱚᱛ ᱧᱟᱢ ᱟᱠᱟᱱ ᱪᱮᱯᱴᱟᱨ ᱠᱚ, ᱛᱷᱤᱢᱮᱴᱤᱠ ᱚᱨᱜᱟᱱᱟᱭᱡᱮᱥᱚᱱ ᱠᱚ, ᱵᱮᱵᱷᱟᱨᱤᱭᱟᱹ ᱜᱟᱫᱮᱞ ᱠᱚ, ᱟᱨ ᱯᱟᱨᱴᱱᱟᱨ ᱠᱚ ᱥᱮᱞᱮᱫ ᱢᱮᱱᱟᱜ ᱠᱚᱣᱟ, ᱩᱱᱠᱩ ᱥᱟᱶ ᱛᱟᱞᱢᱮᱞ ᱠᱟᱛᱮ, ᱯᱷᱟᱣᱱᱰᱮᱥᱚᱱ ᱫᱚ ᱥᱟᱸᱜᱮ ᱯᱟᱹᱨᱥᱤᱭᱟᱱ ᱣᱤᱠᱤ ᱯᱨᱚᱡᱮᱠᱴ ᱠᱚ ᱟᱨ ᱱᱚᱶᱟ ᱡᱚᱥ ᱯᱩᱨᱟᱹᱣᱟᱜ ᱮᱴᱟᱜ ᱠᱩᱨᱩᱢᱩᱴᱩ ᱠᱚᱨᱮᱱᱟᱜ ᱜᱚᱲᱚ ᱟᱨ ᱩᱛᱷᱱᱟᱹᱣ ᱞᱟᱹᱜᱤᱫ ᱞᱟᱹᱠᱛᱤᱭᱟᱱ ᱵᱩᱱᱤᱭᱟᱹᱫᱤ ᱵᱮᱱᱟᱣ ᱟᱨ ᱥᱚᱝᱜᱚᱴᱷᱚᱱᱟᱱ ᱯᱷᱨᱮᱢᱣᱚᱨᱠ ᱮ ᱮᱢᱚᱜ ᱠᱟᱱᱟ ᱾ ᱯᱷᱟᱣᱱᱰᱮᱥᱚᱱ ᱫᱚ ᱟᱡᱟᱜ ᱯᱨᱚᱡᱮᱠᱴ ᱠᱚ ᱠᱷᱚᱱ ᱞᱟᱹᱠᱛᱤᱭᱟᱱ ᱵᱟᱰᱟᱭᱡᱚᱝ ᱠᱚ ᱡᱟᱭᱡᱩᱜᱽ ᱞᱟᱹᱜᱤᱫ ᱤᱱᱴᱟᱨᱱᱮᱴ ᱨᱮ ᱵᱤᱱ ᱜᱚᱱᱚᱝ ᱛᱮ ᱧᱟᱢᱚᱜ ᱞᱮᱠᱟᱭ ᱵᱮᱱᱟᱣ ᱟᱨᱮ ᱫᱚᱦᱚᱭᱟ ᱾
ᱥᱴᱮᱴᱢᱮᱱᱴ ᱨᱮᱭᱟᱜ ᱟᱹᱲᱟᱹ ᱜᱟᱛᱷᱟᱣ ᱵᱚᱫᱚᱞ ᱞᱟᱹᱜᱤᱫ ᱯᱚᱨᱥᱛᱟᱵᱽ ᱠᱚ ᱫᱚ ᱡᱚᱥ/ᱵᱮᱵᱷᱟᱨ ᱨᱮ ᱮᱢ ᱞᱟᱹᱠᱛᱤ ᱠᱟᱱᱟ ᱟᱨ ᱯᱚᱨᱥᱛᱟᱵᱽ ᱠᱚ ᱫᱚ ᱠᱚᱢ ᱥᱮ ᱠᱚᱢ ᱥᱮᱨᱢᱟᱠᱤᱭᱟᱹ (ᱡᱚᱛᱚ ᱥᱮᱨᱢᱟ) ᱧᱮᱞ ᱨᱩᱣᱟᱹᱲ ᱦᱩᱭᱩᱜᱼᱟ ᱾