Utenti nun autucunvalidatu
N'utenti nun autucunvalidatu è n'utenti ca riggistrau un account e effittuau lu log supra unu dê pruggetti Wikimedia. Rispettu a n'utenti nun riggistratu, n'utenti nun autucunvalidatu pò:
- mpustari li propi prifirenzi
- agghiùnciri pàggini ntâ propia lista taliata
- spustari li pàggini utenti rifiruti ô propiu account e li catigurìi
- signari li propi canciamenti comu minuri
- mannari email a l'àutri utenti
- svacantari la cache di na pàggina senza n'addumannata di cunferma
La lista cumpleta dê dritti pi tutti li liveddi d'accessu è dispunìbbili ntâ pàggina Special:ListGroupRights.
Ntâ crunuluggìa di na pàggina li canciamenti effittuati di n'utenti nun autucunvalidatu vèninu assignalati cô nickname di l'utenti e nun cô nnirizzu IP.
L'utenti nun autucunvalidati nun ponnu canciari pàggina semiprutetti e nun ponnu spustari arcuna vuci di l'enciclupidìa. A sicunna dâ wiki ntâ quali s'òpira, a sta classi d'utenti ponnu applicàrisi àutri ristrizzioni minuri:
- a càusa dô bug 12556, ntâ maiuri parti dê wiki, eccettu Commons, lu carricamentu di file multimidiali è cunzintutu ê suli utenti autucunvalidati;
- noltri, ntôn nùmmiru assai ristrittu di wiki è nicissariu aviri li dritti d'utenti autucunvalidatu pi putiri criari pàggini novi: ntra chisti ci sunnu en.wiki (sinu dô 2005, comu spirimentu a càusa dô casu Seigenthaler), id.wiki, fa.wiki, ta.wiki e es.books a pàrtiri dô 2011. Si nota ca, doppu na virìfica cumunitaria e statìstica chiù cumpleta, la cumunitati dicisi di firmari la diffusioni pressu àutri wiki di sta cunfigurazzioni (n prupòsito si talìa Limits to configuration changes);
- nta tutti li wiki l'utenti nun autucunvalidati ch'edìtanu di lu stissu nnirizzu nun ponnu cumplissivamenti effittuari chiù di 8 canciamenti ô minutu (dittagghi tècnici ccà ($wgRateLimits)). Chistu pò talora rapprisintari nu prubblema si si crèanu e/o ùsanu tanti account novi di na sìngula pustazzioni (p'esempiu ntôn workshop o nta na cunfirenza);
- nta arcuni pruggetti ponnu èssiri applicati ristrizzioni ultiriuri, comu la prutizzioni dô namespace ($wgNamespaceProtection) e la ristrizzioni dê liveddi ($wgRestrictionLevels). P'esempiu nta pt.wiki, l'utenti nun autucunvalidati nun ponnu effittuari canciamenti ntô namespace File.
Autoconfirmed status
Ntâ maiuri parti dê pruggetti Wikimedia, l'utenti riggistrati di chiù di quattru jorna arricèvinu li dritti d'utenti autucunvalidatu. Arcuni ccizzioni sunnu zh.wiki, no.wiki e de.wikibooks ntê quali lu tempu p'ottèniri tali status è di setti jorna.
Noltri, p'ottèniri lu status d'utenti autucunvalidatu nta arcuni pruggetti Wikimedia veni addumannatu, oltri ô riquisitu pricidenti, midemmi nu nùmmiru mìnimu di canciamenti. Li wiki c'hannu la sogghia chiù àuta sunnu ar.wiki, es.wiki, zh.wiki e wikidata.wiki, ntê quali abbisogna aviri effittuatu armenu 50 canciamenti prima d'ottèniri li pirmissi d'utenti autucunvalidatu.