Ombudokomisiono

From Meta, a Wikimedia project coordination wiki
Jump to navigation Jump to search
This page is a translated version of the page Ombuds commission and the translation is 92% complete.
Outdated translations are marked like this.
Other languages:
Bahasa Indonesia • ‎Cymraeg • ‎Deutsch • ‎Deutsch (Sie-Form) • ‎English • ‎Esperanto • ‎Lëtzebuergesch • ‎Nederlands • ‎Ripoarisch • ‎Scots • ‎Sunda • ‎Tagalog • ‎Tiếng Việt • ‎Türkçe • ‎Zazaki • ‎asturianu • ‎català • ‎dansk • ‎español • ‎euskara • ‎français • ‎hrvatski • ‎italiano • ‎lietuvių • ‎magyar • ‎occitan • ‎polski • ‎português • ‎português do Brasil • ‎română • ‎slovenčina • ‎suomi • ‎svenska • ‎čeština • ‎български • ‎русский • ‎українська • ‎հայերեն • ‎עברית • ‎العربية • ‎سنڌي • ‎فارسی • ‎پښتو • ‎नेपाली • ‎বাংলা • ‎ગુજરાતી • ‎தமிழ் • ‎తెలుగు • ‎മലയാളം • ‎ไทย • ‎မြန်မာဘာသာ • ‎中文 • ‎日本語 • ‎粵語 • ‎한국어
Ombuds Commission
Wikimedia Ombuds logo.svg
Activity reports

La ombudokomisiono, nome de la kuratoraro, esploras plendojn pri malobservoj de la privateca politiko, la politiko pri aliro al nepublikaj personaj datumoj, la politiko pri uzantokontrolado kaj la politiko pri artikolokontrolado, ĉe iu ajn vikimedia projekto. Ili ankaŭ esploras por la kuratoraro la konformecon de la lokaj politikoj pri uzantokontrolado kaj artikolokontrolado aŭ la gvidlinioj al la ĝeneralaj politikoj pri uzantokontrolado kaj artikolokontrolado.

Taskoj

Aldone al oficiala esploro, ili peros inter la plendanto kaj la respondanto (kutime uzantokontrolanto, artikolokontrolanto, burokrato, administrantomembro de la arbitracia komitato). Kiam leĝe necese, la ombudo helpos la ĝeneralan konsiliston, la plenuman direktoron aŭ la kuratoraron pritrakti la aferon.

Kiam la afero ŝajnas konduki al proceso, la ombudo responsos pri la edukado de uzantokontrolantoj aŭ aliuloj pri la privateca politiko de la fondaĵo. Kiam la privateca politiko, la politiko pri aliro al nepublikaj personaj datumoj, la politiko pri uzantokontrolado aŭ la politiko pri artikolokontrolado estas rompita, la ombudokomisiono raportu al la plenuma direktoro aŭ la nomumita dungitaro kaj rekomendu agmanieron (kiel forigo de aliro al iloj). Aldone la komisiono povus sugesti taŭgajn ŝanĝojn al politikoj aŭ programoj.

Neŭtraleco

Esploro de ombudo devas esti farita laŭ maniero difinita de la ombudokomisiono por certigi justecon kaj senpartiecon. Kiel ĝenerala gvidlinio, plej bone estas, ke ombudoj laŭeble evitu intereskonfliktojn, precipe evitante rutinan uzantokontroladon artikolokontroladon kaj ne prilaborante plendojn pri la projektoj, ĉe kiuj ili tre aktive redaktas. Aferoj, kiuj venas al la komisiono, tamen ne ĉiam estas klaraj, kaj la lingvo kaj kulturo de diversaj projektoj povas esti baroj por eksteruloj. Tial la maniero, kiel la komisiono esploras plendojn, restas al la bontrovo de ĝiaj nomumitaj membroj.

Membreco

Membroj de la ombudokomisiono estas elektitaj de oficistoj fare de la Fondaĵo Vikimedio el la vikimedia komunumo. Alvoko por volontuloj estas farata ĉiujare komence de decembro en la retpoŝtlisto Wikimedia-L kaj en la diskutpaĝo de ĉi tiu politiko, kaj se taŭgas ankaŭ en aliaj projektaj forumoj. Ili estas nomumitaj (supozante, ke ili konsentas) por ĉirkaŭ unu jaro. Senvoĉdona alternativa membro povas esti nomumita por servi dum unu jaro, kun atendo je seĝo kiel plena membro la sekvan jaron.

Asignitaj rajtoj

Ombuds havas interalie la sekvajn rajtojn ĝenerale:

  • Serĉi forigitajn paĝojn (browsearchive)
  • Kontroli la IP-adreson kaj alian informon de uzanto (checkuser)
  • Vidi la protokolon pri kontrolantoj de IP-adresoj (checkuser-log)
  • Vidi forigitajn historierojn, sen iliaj ligita teksto (deletedhistory)
  • Rigardi forigitan tekston kaj ŝanĝojn inter forigitaj revizioj. (deletedtext)
  • Vidi privatajn protokolojn (suppressionlog)
  • Vidi reviziojn kaŝite de iu ajn uzanto (viewsuppressed)

Nunaj membroj

Vidu ankaŭ la aŭtomate generitan liston (la mandatoj eksvalidiĝos je februaro 2022):

User Home wiki(s) Language spoken IRC nick
Acagastya (CA) enwikinews hi, gu, en-4, es-2, sa-2, ar-1, fr-1, mr-1, ur-1 acagastya
AGK (CA) enwiki en, sco-3, es-2, gd-1 agk-wiki
Ajraddatz (CA) metawiki, wikidata en, fr-2 Ajraddatz
Ameisenigel (CA) dewiki de, en-4, nds-2, fr-1 Ameisenigel
Emufarmers (CA) enwiki en, la-2 emufarmers
Faendalimas (CA) wikispecies en, pt-3, it-2, fr-1 faendalimas
Galahad (CA) eswikivoyage es, en-1 Galahad
JJMC89 (CA) enwiki en JJMC89
Moheen (CA) bnwiki bn, ctg, en-3 MoheenReeyad
MrJaroslavik (CA) cswiki cs, en-3, sk-3 MrJaroslavik
ProtoplasmaKid (CA) eswiki es, en-3, pt-3 -
Superpes15 (CA) itwiki it, en-2, es-1, fr-1, la-1 Superpes

Por antaŭaj membroj, vidu ĉi tiun paĝon.

Submetado

Plendoj povas esti faritaj al la ombudokomisiono per la sekvaj manieroj (prefere en lingvo parolata de unu el la membroj):

Per ambaŭ manieroj sendiĝos mesaĝo rekte al la retpoŝtlisto de la ombudokomisiono.

Sekvu ĉi tiujn gvidliniojn kiam vi sendas demandon al la komisiono:

  1. Estu konciza. Longaj retpoŝtmesaĝoj kun nenecesaj informoj plimalfaciligas la rapidan pritraktadon de la afero fare de la komisiono.
  2. Estu objektiva. Evitu petojn bazitajn je supozoj aŭ subjektivaj juĝoj.
  3. Provizu pruvon. Donu al ni ligilojn al ŝanĝprotokoloj kaj/aŭ fiksligilojn kiam tio eblas.
  4. Estu specifa. Indiku la politikon kaj la parton de ĝi, kiu estas malobservita.
  5. Informu nin se via vikio havas arbitracian komitaton (aŭ similan komitaton) kaj se vi kontaktis ilin (aŭ uzis alian proceduron por solvi disputojn kutimajn en via komunumo) antaŭ ol kontakti la ombudokomisionon. Provizu ligilon al la koncerna paĝo, se tio eblas.

Pritraktado/raportado

Aferoj atentigitaj al ni estos traktataj en la sekva maniero:

  1. Konfirmo de la peto: ni sendos mesaĝon kun konfirmo al la petanto, kaj se necese petos pliajn informojn.
  2. Kampo: se la peto estas en la kampo de la ombudokomisiono, ni esploros, se ne, ni rifuzos la peton kaj provos direkti la plendanton al pli bona loko por ricevi helpon por la individua problemo.
  3. Esploro: Ni faras ĉion necesan por ekscii, ĉu okazis malobservo de la politikoj aŭ nekonformeco aŭ konflikto de lokaj politikoj kun la ĝeneralaj.
  4. Rezulto: Ni donas la rezulton de nia esploro al la petanto, kaj se efektive okazis rompo de la privateca politiko, ni informos la esploritan uzanton kaj se necese informos la kuratoraron kaj se necese rekomendos forigi la rajtojn de uzantokontrolado aŭ stevardeco de la uzanto rompinta la politikon.

Agadraportoj

Agadoj:

Vidu ankaŭ