Nos prujétu
Nos prujétu é núkliu di muvimentu Uikimídia. Tudu prujétu prinsipal di Fundason Uikimídia é dizanvolvidu di manera kulaburativu pa uzuáris na rudói di mundu ku uzu di softuer MídiaUiki. Tudu kuntributu é liberadu baxu un lisénsa fabal di Creative Commons, u-ki ta siginifika ki kalker kuntiúdu di prujétu podi uzadu, iditadu, kupiadu i radistribuídu librimenti, désdi ki ruspetadu térmus di lisénsa. Bu podi utxa li un lista kunplétu di prujétus.
Di smóla, ozerba: nkuantu otus sáiti ta uza softuer MídiaUiki (u-ki, ku frikuénsa, ta da-s un vizual parsedu), o es tene un nómi ki ta nklui "Uiki-" o "-pédia", so kes prujétu ki listadu pa baxu ta fasi párti di Fundason Uikimídia.
Wikipédia
Uikipédia é un prujétu pa kunstrui nsiklupédias libri na tudu linga di mundu. Kuazi tudu kenha ki ta kunsigi asesa internéti podi kulabura ku nfurmasons neutru i rafirensiadu.
Uikipédia kumesa na janer di 2001, i na es mumentu e ta feresi más di 40 milion di artigu na 293 linga. Uikipédia más grandi é kel di linga ngles, ku más di sais milion di artigu; el é sigidu pa otus linga npurtanti, kuma suéku, limon, nerlandês, fransês, rusu, italianu, spanhol, pulonês, vietnamita, djapunês, purtugês i xinês. Kada un di es idison di Uikipédia ta konte más di 800 000 artigu. Más di 50 otus linga ta pusui más di 100 000 artigu, nkuantu más di 220 dja tene más di 1 000 artigu.
Wikcionário
Uikisonári é un prujétu pa kiria un disonári multilíngui na tudu linga. Kada prujétu debi uza un linga spisífiku pa difini tudu palabra na tudu linga. Na bardadi, el kre ser mutu más abranjenti di ki un disonári kumun, pabia na el ta nkluídu tisaurus, rimas, tradusons, prunúnsias na áudiu, itimulujias i sitasons. Es prujétu kumesa na dizénbru di 2002 i, na junhu di 2016, e dja staba dispunívi na más di 170 linga, ku más di 25.000.000 antrada na tutal. Idison más grandi é kel di linga ngles, ku 4 733 000 antrada. El é sigidu pa idisons malaiu, fransês, sérbu-kruata, spanhol, xinês, rusu i lituanu. Kada un di es séti linga tene más di 600 000 antrada, nkuantu otus 41 linga ta prizenta más di 100.000 antrada kada. Na tutal, 116 linga tene paluménu 1 000 kada.
Uikisonári ta trubaia na kulaburason ku Uikimídia Kunpartidjadu. Txeu fixeru di áudiu foi nviadu na Kunpartidjadu pa prumuve izénplus di prunúnsia na Uikisonári i na otus prujétu.
Wikiquote
Uikisitason é un rapuzitóri di sitasons di pisoas famozu, di librus, diskursus, filmis o kolker otu matirial di nteresi nteletual. Pruvérbis, mnemónikus o slogans tánbi sta nkluídu na Uikisitason. Es prujétu kumesa na 2003.
Na nuvénbru di 2016, Uikisitason tenba más di 183.000 antrada na 89 linga diferenti. 10 di kes 89 linga tenba más di 5.000 antrada kada.
Wikilivros
Uikilibrus kre kunstrui un kuleson fabal di rakuisus di i-libru, ku nkluzon di librus didátiku, kursus di linga, munti manual, i librus di dumíni públiku kumentadu. El tánbi tene ntensan di djuda na (oto)prendizadu di studantis i pursoris na skólas i universidadis.
Na junhu di 2016, Uikilibrus ngles éra kel más grandi, ku más di 54.000 módulu di más di 2.800 libru na dizanvolvimentu. Dispos, ta sigi idison Uikilibrus di limon, úngaru i fransês, kada un ku más di 15.000 módulu. Prujétu kumesa na juliu di 2003 i go e tene más di 229.000 módulu di más di 5.000 libru na dizanvolvimentu na más di 120 linga.
Uikilibrus tánbi ta ospra Uikijunior, ku kuntiúdu distinadu pa kriansas.
Wikisource
Uikifonti é un prujétu multilíngui kumesadu na nuvénbru di 2003, ku obujetivu di arkiva un kuleson di testus di kuntiúdu libri i abértu. El é un furmatu supirior pa almazena testus klásiku, leis i otus óbra libri kuma ipertestu, i el tánbi ta sirbi sima bazi pa traduson di kes mésmu testu almazenadu. Na kumésu, testus fonti na tudu linga (isétu ibraiku) staba na un úniku uiki. Kuntudu, gósi el tene divérsus idison na munti linga ndividual.
Na junhu di 2016, Uikifonti ta fereseba 2.900.000 testu na tutal. Kel más grandi é Uikifonti ngles, ku más di 579.000 trabói. Na sikuénsa sta versons di pulonês, limon, rusu, fransês, ibraiku i xinês, kada un ku más di 120.000 testu.
Wikiespécies
Uikispésis é un prujétu abértu, baziadu na uiki, pa furnisi un bazi di dadus sentral i más stensu pa taksunumia. El ta nklui seris bibu i fósil raprizentanti di renus Animalia, Plantae, Fungi, Bacteria, Archaea, Protista i tudu otu fórma di bida. Lansadu na 14 di siténbru di 2004, Uikispésis ta boltadu pa kes nisisidadi di uzuáris sintífiku. Na juliu di 2016, e ta kuntaba ku más di 480.000 antrada. Ta izisti plons pa un kulaburason entri Uikispésis i prujétu Nsiklupédia di Bida kelóki es últimu sta dizanvolvedu.
Wikiversidade
Uikiversidadi é un prujétu ta didikadu na pruduson di kes matirial di prendizáji i kumunidadi di prendizáji, si kuma di piskiza. E foi stabilisedu sima un prujétu Uikimídia (na fazi "béta") na agostu di 2006, ku dos Uikiversidadi, un na ngles i otu na limon, na un séntru di kordenason multilíngui. Nbóra si nómi podi sujiri, Uikiversidadi ka ta nvolvedu so ku kuntiúdus di nívi universitári (o kes ki tene ralason ku nxinu supirior). El é abértu pa tudu matirial i kumunidadi di prendijázi di kalker nívi. Manera ki e podi kuntribui ku atividadis i kumunidadis di prendizáji inda sa-ta sploradu, mas el ta sentradu na mudelu di 'prendizáji prátiku', o 'prendizáji ku bazi na spiriénsa'.
Na junhu di 2016, ta izistiba más di 85.300 antrada ku rakuisu di predijázi na 16 linga diferenti. Verson di linga limon tene más di 31.600 antrada, nkuantu dos otu verson, fransês i ngles, kada un tene más di 10.000 antrada.
Wikivoyage
Obujetivu di Uikibiáji é kiria kel más grandi gia di biájis di mundu; un gia fabal, kunplétu i atualizadu. Uikibiáji foi lansadu na janer di 2013, i el é skrebedu pa vuluntáris ku mému spirtu di kunpartidjamentu di kunximentu ki ta fasi biájis ser ben purbetadu. Es prujétu kumesa na dizénbru di 2006 kuma un verson di linga limon di un sáiti txumadu "Uikiviája", i el djunta na família di prujétus di Fundason Uikimídia sima un verson béta dja ku 80.000 artigus na séti linga. Gósi Uikibiáji sta dispunívi na 21 linga.
Wikimedia Commons
Uikimídia Kunpartidjadu foi lansadu na siténbru di 2004 pa furnisi un rapuzitóri sentral di futugrafias, diagramas, mapas, vídius, animasons, múzika, áudius, testus fladu i otus mídia na fabal. El é un prujétu multilíngui ku kulaburadoris ki ta fla dizénas di linga, i el ta sirbi di rapuzitóri sentral pa tudu prujétu Uikimídia.
The project is growing rapidly. In December 2012, it reached fifteen million multimedia files, having surpassed 30 million in January 2016. Wikimedia Commons received an honorary mention for Digital Community at the 2005 Prix Ars Electronica awards.
The project has three community-driven mechanisms for highlighting quality contributions: Featured pictures which acknowledge the cream of the crop, and Quality images, which recognise well-composed creations by Wikimedia editors. Since 2006 it has run a Picture of the Year competition, which invites the wider Wikimedia community to share in the celebration of the inspiring free content imagery. Two pages, Meet our photographers and Meet our illustrators, showcase a selection of the highly skilled contributors who choose to use free content licenses and donate their work to the Wikimedia Commons.
Wikidata
Uikidadus foi lansadu na otubru di 2012 ku obujetivu di kiria un bazi di kunximentu libri sobri tudu kusa di mundu, i ki podi ledu i iditadu pa umanus i pa mákinas. E ta furnisi dadus na tudu linga di prujétus Uikimídia, i el ta pirmiti asésu sentral di dadus di un djetu similianti ku kel ki Uikimídia Kunpartidjadu ta fasi ku fixerus multimídia.
The data available in Wikidata is licensed under the Creative Commons CC0 License to allow third-party users to freely reuse the data available with no restrictions, unlike other Wikimedia projects.
Wikifunções
Uikifunsons foi lansadu na agostu di 2023 i el ta almazena funsons di pugramason ki podi uzadu pa aplikativus kuma Uikipédia Abistratu.
MediaWiki
Kumunidadi di kódi abértu MídiaUiki ta manti divérsus prujétu di softuer. Mikanismu MídiaUiki é uzadu na tudu prujétu Uikimídia i na txeu otu sáiti. Si funsonalidadi sentral podi spandidu ku stensons, kustumizasons, i aplikativus móvel. Dizanvolvedoris podi uza API pa kunstrui aplikativus ki ta nteraji ku sáitis móda Uikipédia. MídiaUiki ta seta tudu vuluntári tékniku pa dizanvolvimentu, tésti, jiston di sistéma, dukumentason, dizáini i prumuson.
Meta-Wiki
Méta-Uiki é un prujétu uzadu sima pontu di ligason di divérsus taréfa di kordenason i organizason, si kuma kes diskuson ki ta afeta munti uikis, o pa planiamentu di ivéntus futur. El ten sidu uzadu ku bárius prupózitu, désdi dukumentason di filuzufia uiki ti nviu di prupóstas di subusídiu. Otus uzu npurtanti di Méta ta nklui Sulisitason di lingas nobu, séntru públiku pa atividadis di ntendentis i alguns diskuson ralasonadu ku rakadason di fundus. Talikual Uikidadus i Uikimídia Kunpartidjadu, el kre ser multilíngui.
Wikimedia Incubator
Nkubadora Uikimídia é un uiki uzadu pa dizanvolve uikis nobu. Na otus palabra, é na el ki idisons nobu di kalker prujétu di kuntiúdu di Uikimídia (Uikipédia, Uikisonári, ets.) é kiriadu anti di tene si subidumíni própi sima en.wikipedia.org o fr.wikipedia.org. Kada uiki ki sta na un pursésu di kiriason é txumadu di "uiki di tésti", i el é idintifikadu pa un kódi di família di prujétu (izénplu: "Wp" pa Uikipédia) i pa si kódi ISO 639. Pa izénplu, Uikipédia Vótiku sa-ta nkubadu kumó Wp/vot. Ozerba ma Uikifonti i Uikiversidadi tene "nkubadoras" própi, www.wikisource.org i Uikiversidadi Béta, ruspetivamenti. Si kuma Méta, Uikimídia Kunpartidjadu i Uikidadus, obujetivu di Nkubadora Uikimídia é tene sis pulítika traduzidu pa munti linga.
Sirbisus di Nubri Uikimídia
Wikimedia Cloud Services (WMCS) is a flexible computing ecosystem built on OpenStack, GridEngine, and Kubernetes. The project empowers technical contribution to the Wikimedia software world. The products and resources of the WMCS project are available for use by anyone connected with the Wikimedia movement. Support and administration of the WMCS resources is provided by a Wikimedia Foundation team and Wikimedia movement volunteers. Wikitech is a site for internal technical documentation of Wikimedia infrastructure, and it is connected with the Wikimedia Cloud Services project.