SWViewer/bew
|
|
SWViewer (sènggètan langsung) ya'entu atu aplikasi jala ramah pemaké nyang dipaké bakal ngelacak ama ngebalikin penggratilan, sampahan (spam), ama laèn-laèn jenis permakan dèstruktip nyang dikeja di macem-macem proyèk Wikimédia. Dengen UI nyang ringkes èn intuitif, lu bisa mantengin perobahan secara real-time.
In doing so, it provides a lot of features; such as rollback, speedy deletion and edit source.
Pemasangan
Bakal bukain aplikasi di browser (diuji di Chrome, Firefox, Safari), pencèt dah, tombol berikut:
Pasang PWA
Kalo lu maké Google Chrome atawa browser nyang didasarin ama Chromium, padol, dah, lu masangin SWViewer jadi WebApp di dèkstop ama juga di pelampang pesawat, petunjuknya kaya' begini:
- Bakal dèkstop: Klik di mari
- Bakal pesawat: Klik di mari
Pasang skrip pemaké
SWViewer.js ya'entu skrip pemaké nyang dasarnya nambahin sènggètan di bawa bagèan "Tools" di sidebar supaya aksès ke alat SWViewer-nya gampang deri halaman apa aja.
Pesaratan
SWViewer cuma bolé dipaké ama tukang permak nyang ada rèkening Wikimédia. Tambahannya, entu rèkening kudu menuhin berapa kualifikasi bakal ngurangin kemungkinan pemaké sala idéntifikasi penggratilan. Rèkeningnya kudu ada hak tukang balik perbaèkan di proyèk nyang pèngèn dipaké atawa tukang balik perbaèkan global.
Ni aplikasi jalan di dua mode – global queue ama local queue.
Global queue nerima permakan deri wiki kecil ditambah ada berapa wiki tambahan, èn diaktipin secara default bakal steward, merbot global ama tukang balik perbaèkan global.
Local queue dinyalain kalo ada pemaké kaga' gableg hak pemaké global, cuman ada gableg rollback di atu atawa berapa proyèk. Di local queue, pemaké cuma dapet asil permakan doang kalo dia pada ngebalikin. Pemaké nyang kaga' punya hak global bisa nyalain global queue deri prètèlan èn ngelakonin pembalikan, cuman kudu punya 1000 permakan global (kecuali wiki test) èn kaga' bolé lebi deri atu penggibangan nyang getol.
Unggulan
Unggulan berikut nyang bikin SWViewer jadi béda:
- Rondaan lintes-wiki: SWViewer paké EventStreams bakal dapetin permakan èn sederi EventStreams punya permakan deri semua wiki WMF. Ni bisa dipaké di wiki apa aja atawa paduan wiki.
- Telampangan ringkes: SWViewer punya telampangan entu nyang ringkes punya. Ni disebabin keyakinan bahwa SWViewer kudu fokus secara ékslusip di pengapusan penggratilan/sampahan, daripada jadi kerangka kerja tujuan umum bakal macem-macem permakan nyang kaga' kebangun. Pas ma'lumatnya lebi banyak diperluin, telampangan adain sènggètan ke halaman nyang relevan deri entu wiki, nyang dibuka di browser wèb normal.
- Lintes platform: Dipegarin komo-komo di JavaScript, PHP èn dihosting di Toolforge, SWViewer entu lintes platform. Ni alat bisa dipaké di perangkat apa aja secara gampang, masup pelampang pesawat èn punya telampangan nyang ramah pelampang pesawat.
Umpan balik
- Kalo lu ada kena mas'alah atawa ada punya saran pasal pegimana bisa jadi lebi baé', kasi tau kita di halaman kongko.
- Lu juga' bolé nimbrung kita punya saluran IRC #swviewerconnect atawa server discord.
- Kode rèpositori.
- Lu bisa bantuin kita dengen nambahin rangkuman ama sablonan pengapusan ke halaman konfigurasi èn dengen narjimin telampangan.
- Ada nyang nyalahpakéin ni alat? Kasi tau kita!
Kotak pemaké
Pemaké SWViewer bolé nambahin ni kotak pemaké di halaman pemaké. Lu juga' bakalan kedaptar di Tukang Wikimédia nyang paké SWViewer.
| Code | Result |
|---|---|
| {{Template:User SWViewer}} | Usage |
