Strategia 2015/Consultation communitari
 | For the 2016 consultation, please see 2016 Strategy/Community consultation |
| This phase of the consultation is closed. For information about the outcome, please see our blog post. While you are welcome to continue to discuss here, please know that future submissions may not be reviewed by staff. We look forward to talking to you more about the themes that have emerged in the near future! |
Le Fundation Mediawiki (WMF) es un organisation sin scopo lucrative que sustene e opera grande projectos de cognoscentia wiki como Wikipedia. In collaboration voluntari con milles de contributores e lectores, nos nos effortia constantemente a facer nostre projectos crescer e a expander lor portata global, de sorta que nos pote divider contento libere, multilingue e educative con tote le mundo.
Tu vision importa. Nos crea actualmente un strategia pro WMF, e nos ha besonio de pensamentos preliminar sur le futuro. Nos collige information de personas como tu. Le expertise e perspectiva que tu apporta adjutara nos a allargar nostre pensamento e generar un resultato que vermente representa nostre scopos commun. Nos legera tu contributiones pro adjutar a formular nostre strategia, le qual nos va divider con le communitate pro obtener commentos.
Si tu volerea saper plus, per favor lege le information de fundo o consulta iste articulo de blog.
Como pote tu participar?
Per favor, lege le scenario sequente e responde al questiones sur le pagina de discussion.
Le scenario
Le ambiente internet es in cambiamento. Durante le proxime tres annos nos previde un influentia plus forte de al minus duo tendentias primari:
- Le mundo va mobile. Gradualmente, apparatos mobile deveni le methodo primari (o unic!) de accesso a internet pro le majoritate del personas in tote le mundo. Nostre sitos debe esser completemente preparate pro isto.
- Un altere milliardo de usatores se connecte a internet (incluse un numero substantial de Asia, America Latin e Africa). Iste usatores probabilemente habera poc preconceptiones sur alcun projecto Wikimedia e poterea apportar nove motivationes pro participar.
Le questiones
- Que tendentias major identificarea tu in addition a mobile e le proxime milliardo de usatores?
- A base del tendentias futur que tu considera importante, como functionarea un projecto Wikimedia prospere e florescente?
Dice nos cosa tu pensa
Adjuta a formar le futuro del Fundation Wikipedia per cliccar sur le button infra. Nos apprecia tu opinion durante que nos comencia iste processo.
Nota ben que tote le responsas es publicate apertemente e que, per submitter los, tu los libera al dominio public, de sorta que nos pote usar o publicar los pro scopos de recerca o altere. Per favor, non insere datos private hic.