Kode Ètik Universal/Tèngghuwân taonan/2025/Partèla pamèlè

Universal Code of Conduct Coordinating Committee (U4C)

• Coordinating Committee (U4C)
• U4C Announcements
• Training modules
• Cases
• Annual review
• Elections

Pangala'an sowara aṭṭas pètongkos pangobâân ḍâ' ka Pandhuman Pajhâghâân Kode Ètik Universal (UCoC EG) bân Piyaghâm U4C èbukka' kabid 17 April tagher 1 Mei 2025 pokol 23.59.59 (UTC) ngalèbâdhi SecurePoll. Sanèrbhâ pamèlè sè apossa'è syarat ḍâlem pamaoran Wikimèḍia anḍi' kobher kaangghuy nyaroju' otabâ nyangsèl lèma' pètongkos pangobâân, kèya aberri'aghi alasânna. Partèla aghânna'an nyapo' tata cara pangala'an sowara bân syarat kaajhânganna pamèlè la ranta è bâbâ rèya.

Mara tèngghu panṭa tanya jâwâb saèksar pangala'an sowara kaangghuy partèla merrè cara aberri' sowara.

Lalampa pamèlèan

Kalamon Bâ'na mossa'è syarat kaangghuy aberri'aghi sowara:

1. Tèngghu pètongkos pangobâân sè èkajhuaghi. Kabâḍâân lèma' pètongkos sè bisa èpèlè.
2. Gennaaghi bhâ' Bâ'na nyaroju' otabâ nyangsèl bâng-sèbâng pètongkos rowa. Kalamon èpaterro, Bâ'na bisa bâlâ panemmonna aperrèan pètongkos pangobâân è bâjâna aberri' sowara.
3. Bulâng cara aberri' sowara ngalèbâdhi SecurePoll.
4. Èntarè kaca pangala'an sowara SecurePoll bân buntè'è pètodhu sè la ranta.
5. Olok angghuta pamaoran laènna kaangghuy muntè' kèya ari'-berri' sowara.

Napa sè teddhi objèk pangala'an sowara satèya rèya?

Katello dokumèn akaè'an bi' Kode Ètik Universal (UCoC) ètèlang bâng-èbâng taon kaangghuy pola bâḍâna modifikasi. Aḍhâsaraghi birasa Piyaghâm, U4C "maḍḍhâ ngabâs sacara ongghu survèi tangghâ'ân kaamanan bi' Wikimèḍia Foundation, trèn pananèngan parkarana ḍhibi', bân kèya maso'an ḍâri jhâlânna swakelola pamaoran ḍâlem aidèntifikasi kajhu ḍâlem pangalakoan UCoC sacara manḍhi bi' pamaoran. Mangmangan sè la kaidèntifikasi maḍḍhâ èdokumentasiaghi sacara kabukka' è panèmpal pamartèlaan U4C, èangkè sagânna kabhutoanna, otabâ èghunem ḍâlem panèlangan taonan UCoC & Pandhuman Pajhâghâân." Sangejjhâ' rowa, Pandhuman Pajhâghâân (EG) abâlââ jhâ' "aḍhâsaraghi rèkomendasi Dèbân Pangabâs, sèttong taon samarèna pangèstrènan Pandhuman Pajhâghâân, Wikimèḍia Foundation ajhâghâaghiâ konsultasi pamaoran bân tèlangan ḍâ' ka Pandhuman Pajhâghâân bân Kode Ètik Universal." Sèbâng pangobâân ḍâ' UCoC maḍḍhâ èpaèstrèn bi' Dèbân Pangabâs.

Arapa Bâ'na maḍḍhâ mèlè

Pentèng ḍâ' Komitè Ko'ordinasi Kode Ètik Universal ("U4C") kaangghuy alalako sajhâlân kaḍhik struktur tata klola pamaoran sè la bâḍâ sè kèya akacaaghi nilai-nilai pamaoran. Bi' karanana, cè' pentèngnga ma'lè UCoC samotana akacaaghi nilai-nilai pamaoran bân maḍḍhâaghi jhâ' U4C bâḍâ ḍâlem kennengngan palèng beccè' kaangghuy ngèngkobhi pamaoran.

Cara mèlè

Conto bâ-robâna serrad sowara SecurePoll. Nyo'on èjèb jhâ' sistem votewiki pola aberri' robâ saḍâ'-kanḍhâ'na Bâ'na ghi' ta' alebbhu (logged in). Tekka'na samara jârowa, sowarana Bâ'na ghi' pagghun èkrèna.

Nyo'on bâca pantha rèya ghâllu, bhuru nojjhu ka SecurePoll kaangghuy ngaollèè partèla sè aghuna ma'lè jhâlân pangala'an sowara Bâ'na ajhâlân èncar.

Serrad sowara bhâkal ngatèla' lèma' pètongkos pangaobâân, bi' ḍuwâ' pèlèan kaangghuy sèbâng pètongkossa: "Sangsèl" bân "Saroju'".

• Tèpa' "Komèntar" èranta ghâbây Bâ'na sè terro maḍâpa' maso'an otabâ karonḍâân ḍâ' ka pètongkas pandhuman sè èpakaḍâ'.
• Samarèna sowara èpaberri', SecurePoll bhâkal ngalakonè konfirmasi jhâ' sowarana Bâ'na la èkasangè.
• Bâ'na bhâkal maberri' sowara bâli salanjhâng periode pangala'an sowara ajhâlân. Sowara nyar-anyar bhâkal ngaghântè sowara sè lambâ', bân Bâ'na ollè ngalakonèna sanya'-bânnya' sè èkaambhu.

Bhâ' remma'a asèl pamèlèanna bhâkal èrèna?

Ma'lè essa' pètongkos pangobâ'ân bisa èkaèstrèn, èambhuaghi onḍhâg saroju'anna ngalèbâdhi 60% ḍâri ghungghung pangangghuy sè adhurrun è pangala'an sowara.

Napa ghlumpo' è lowar Wikimèḍia Foundation bhâkal èpanoro' ḍâlem pamarèksaan sowara ghâbây mamaḍḍhâ kaèstrènanna?

Iyut, asèl pangala'an sowara bhâkal èparèksa kaangghuy aidentifikasi bâḍâna logâr capo' para Wikimèḍiawan non-staf sè anḍi' tèbâs ḍâlem jhâlânna pangala'an sowara bân vèrifikasi è lènglèngan ghuliân Wikimèḍia. Nyama-nyama pamarèksa sowara (vote scrutineers) bhâkal èpartèla ḍâlem bâjâ sè semma'.

Ajhângnga pamèlè

Sanèrbhâ padhurrunn Wikimèḍia taḍaftar sè ngapossa' pasaradhân aktivitas minimum, staf afiliasi bân Wikimèḍia Foundation, kèya anèmer (sè èpalalakon saghita'na 6 Maret 2025), bân angghuta Dèbân Pangabâs Wikimèḍia Foundation sè agghi' aklaghung na'a sè la aklaghung, anḍi' hak maḍâpa' sowara aṭṭas pètongkos pangobâ'ân ḍâ' ka Pandhuman pajhâghâân bân Piyaghâm ḍâlem SecurePoll.

Kalamon Bâ'na aromasa ngapossa' syarat kaangghuy maḍâpa' sowara lamon SecurePoll ta' aberri' Bâ'na kobher kaangghuy noro', nyo'on kèrèmè sorasa (surel) ka ca@wikimedia.org kaangghuy èpaterkas.

Pameccè'

Bâ'na ollè maberri' sowara aghunaaghi sala sittong akun taḍaftar sè Bâ'na anḍi' è wiki Wikimèḍia emma bhâi. Bâ'na pèra' èollèaghiâ maḍâpa' sowarana sittong bhâi, ta' bi' ḍâri gâjjek akun sè Bâ'na anḍi'. Ma'lè mossa'è syarat, akun jârowa ambhu:

• ta' èblokir è lebbi ḍâri sittong projèk;
• bennè akun bot;
• la ngalakonè minimal 300 beccè'an saghita'na 6 Maret 2025 è acem-macem wiki Wikimèḍia;
• bân la ngalakonè minimal 20 beccè'an è sanèrbhâ wiki Wikimèḍia antara 6 September 2024 bân 6 Maret 2025.