通用行為準則/修訂版執行指引
 | 呢份執行指引係由通用行為準則修訂委員會制訂，而新舊版之間嘅主要分別就可以喺對照頁睇到。歡迎喺討論頁發表意見。麻煩唔好直接改呢段。 |
1. 通用行為準則執行指引
呢份執行指引係用來指引社群同維基媒體基金會應該點樣去實現通用行為準則 (UCoC) 嘅目標。其中包括：推進對UCoC嘅了解、違規行為嘅預防工作、制定UCoC違規行為嘅處理指引，同埋支援本地執行組織。
UCoC適用於所有線上同線下嘅維基媒體空間。因此，執行 UCoC 係一個共同責任。基於維基媒體運動嘅信念——輔助原則，UCoC嘅執行工作應該盡可能喺本地完成。
執行指引會簡述當前同未來執行組織間嘅交流，目的係為公平而又一致咁實施UCoC創造基礎。
1.1 通用行為準則執行指引翻譯版本
UCoC執行指引嘅原始版本係英文，但會翻譯成為維基媒體眾多項目用緊嘅各種語言。如果英文版本同翻譯版本之間出現任何意思上差異，則會以英文版本作準。
1.2 Review of the UCoC Enforcement Guidelines
Based on the Board of Trustees’ recommendation, one year after the ratification of the Enforcement Guidelines, the Wikimedia Foundation will host a community consultation and review of the UCoC Enforcement Guidelines and UCoC.
2. 預防工作
呢一節旨在為維基媒體社群同關聯人士提供指引，確保佢哋全面了解並遵守 UCoC。為此，本章節將會詳細咁就以下幾方面畀出建議︰增強對UCoC嘅認識、處理UCoC嘅翻譯同埋喺合適或必要嘅情況下促進自願遵守UCoC。
2.1 通用行為準則嘅通知同確認
UCoC適用於參與同貢獻維基媒體計劃嘅所有人，亦適用於正式會面活動，同埋喺第三方平台上嘅相關空間，作為全域維基媒體計劃參與者間合作嘅行為基準。
建議將UCoC加入至維基媒體使用條款內。
另外，以下人士需要確認佢哋會遵守UCoC：
- 所有維基媒體基金會職員、理事會成員、維基媒體運動自治體董事會成員及其職員；
- 維基媒體自治體或有意尋求認可嘅維基媒體自治體嘅任何代表（例如但唔限於：想推廣及 / 或合作進行維基媒體贊助嘅活動、群組、維基內或外以研究模式進行嘅專題研習嘅個人或團體）；及
- 任何想喺活動裡頭使用維基媒體基金會商標嘅人，包括但不限於：帶有維基媒體商標嘅活動（例如喺活動名稱中加入），同埋喺活動中代表維基媒體組織、社群或維基專題（例如但不限於主持人或展位營運者）。
2.1.1 加強認識通用行為準則
為加強公眾認識，以下嘅情況應該提供UCoC嘅連結：
- 使用者同活動登記頁面；
- 維基媒體計劃嘅註腳，同埋匿名用戶嘅編輯確認頁面（如適當同技術上可行）；
- 認可咗嘅維基媒體自治體同用戶組個網站嘅註腳；
- 喺親身、遙距同混合活動上積極傳達；及
- 本地維基專題、維基媒體自治體、用戶組同活動組織者認為適當嘅任何地方
2.2 通用行為準則培訓建議
U4C 建立委員會喺維基媒體基金會嘅支持之下應該制定同實施培訓計劃，而目標係教授UCoC嘅共同理解同埋執行技巧。培訓計劃嘅制定過程中，應該諮詢相關持份者，包括但不限於：維基媒體自治體、自治體委員會、仲裁委員會、監管員同其他進階權限持有人、T&S同法律部，同埋其他該委員會認為幫到手就UCoC提供到完整觀點嘅人。
呢啲培訓適用於希望參與UCoC執行程序嘅人，或希望獲得UCoC相關資訊嘅人。
個培訓計劃會設定為獨立單元，內容包括一般資訊、識別違規同支援，同埋複雜個案同上訴。喺第一屆U4C入職後，佢哋應根據需要維護同更新培訓單元。
本地社群同維基媒體自治體如果想喺佢哋嘅社群層面展開培訓，咁維基媒體基金會係會提供財政支援嘅，令培訓得以開展。
參與者完成其中一個單元之後，應該要有得揀係咪獲取公開認證，顯示佢已經修畢相關單元。
應該要有以下幾組培訓單元︰
單元 A —— 準備（UCoC —— 一般）
- 呢個單元會確保對UCoC內容同嘅實施有共同理解
- 同埋會簡明扼要咁解釋咩係UCoC、預計嘅施行情況會點，同埋有咩工具可以協助報告違規行為
單元 B —— 識別同報告（UCoC —— 違規）
- 呢個單元會教參加者點樣識別UCoC違規情況、個報告流程係點同埋點樣用啲報告工具
- 亦會詳細咁講違規類型、點樣喺本地環境中識別應報告嘅事件、點樣同喺邊度報告，同埋UCoC流程中個案嘅最佳處理
- 如果啱嘅話，個培訓亦都會集中講UCoC嘅特定部分，例如騷擾行為同濫用權力
單元 C —— 複雜個案、申訴（UCoC —— 多重違規、申訴）
- 呢啲單元係加入 U4C 嘅前提條件，建議潛在 U4C 申請人同進階權限持有人參加
- 呢個單元應涵蓋兩個特定主題：
- C1 —— 處理複雜個案（UCoC —— 多重違規）：將涵蓋跨維基個案、長期騷擾、識別威脅嘅可信度、有效同敏感嘅溝通，同埋保護受害者同其他弱勢人士嘅安全
- C2 —— 處理申訴、結案（UCoC —— 申訴）：將包括處理 UCoC 申訴
- 而呢啲培訓單元將會係由導師指導同埋度身訂造嘅，會提供畀U4C成員同申請人，同埋社群推選、簽咗《非公開個人資料存取政策》嘅進階權限持有人
- 呢啲有講師指導嘅培訓資料，例如個別單元、投影片、問題集等，應公之於眾
3. 回應工作
呢個章節嘅目的係提供處理UCoC違規報告嘅指南同原則，同埋畀返建議畀處理違反UCoC行為嘅本地執行組織。為此，呢個章節將會詳細咁講下處理報告嘅重要原則、對報告工具嘅整造建議、對唔同級別嘅違規行為嘅建議回應方案，同埋對本地執行組織嘅建議。
3.1 提交同處理違反通用行為準則嘅原則
培訓單元應以唔同形式同喺唔同平台上面提供，方便大家取用。
報告:
- 報告違反 UCoC 嘅行為應可以由受違規行為針對的人士，同埋觀察到違規事件嘅未涉事第三方提出
- 報告應該要涵蓋違反 UCoC 嘅情況，無論違規行為係在線上、線下、於第三方嘅空間進行，抑或混合空間發生
- 報告應該可以公開提交或者加諸唔同嘅私隱設定後提交
- 應該徹底調查指控係咪可信同可驗證，去適當評估風險同正當與否
- 使用者如持續作出惡意或不合理嘅報告，就會有機會唔畀再進行舉報
- 被指控嘅人士應該有權查閱針對佢哋嘅違規詳情，除非咁樣查閱會危及或可能損害舉報者或他人嘅安全
- 當舉報係以指定人士唔識嘅語言提供嘅時候，維基媒體基金會就應該提供翻譯資源
處理違規行為嘅指引:
- 個案嘅結果應與違規行為嘅嚴重程度成正比
- 個案應該喺平衡UCoC嘅原則、有充足資料同善用背景資料之下作出審理個案
- 應該喺一個固定嘅時間表裡頭獲得處理。如有延誤，應該及時知會參與者處理進程
透明度:
- 個案檔案應該畀公眾查閱。至於非公開個案，就應該喺維持私隱同安全嘅情況下公開檔案
- 喺遵守最基本資料搜集原則，同尊重社群成員私隱嘅情況下，公報UCoC違規同報告情況嘅基本統計
3.1.1 提供處理個案嘅資源
本地治理組織喺執行UCoC嘅時候應該獲得多種支持。社群可以根據下列多種因素從唔同嘅機制或方法之中進行選擇，例如：執行組織嘅能力、治理方法同社群偏好。其中一啲方法可以包括：
- 特定維基媒體計劃嘅仲裁委員會 (ArbCom)
- 喺多個維基媒體計劃之間共享ArbCom
- 進階權限持有人應以去中心化嘅方式，執行與UCoC一致嘅本地政策
- 本地管理員小組執行政策
- 本地貢獻者透過社群討論同協議執行本地政策
社群應該透過現有方式，喺唔違反UCoC嘅情況下，繼續處理政策執行。
3.1.2 按違規類型執行
呢個章節會羅列唔同類型違規行為，同埋相關嘅潛在執行機制。但違規行為係列唔晒嘅。
- 涉及任何形式嘅身體暴力威脅嘅違規行為
- 由維基媒體信任與安全團隊處理
- 涉及訴訟或法律威脅嘅違規行為
- 個案應迅速發送畀維基媒體基金會法律團隊，或喺適當情況下，發送畀其他可以適當評估案情嘅專業人員
- 如違規行為涉及喺雙方無共識嘅情況下公開個人身份資料
- 一般由具有監督或修訂版本刪除權限嘅使用者處理
- 間中由維基媒體基金會信任與安全部門處理
- 如果呢類違規引發法律責任，咁呢啲個案就會即刻發送畀維基媒體基金會法律團隊，或喺適當情況下，發送畀其他可以適當評估案情嘅專業人員
- 與自治體管治有關嘅違規行為
- 由自治體委員會處理
- 系統運作上出現狀況，遵守唔到UCoC嘅情況
- 由U4C處理
- 呢啲情況其中包括：
- 本地缺乏執行UCoC嘅能力
- 本地決策持續咁違反UCoC
- 拒絕執行UCoC
- 缺乏資源或缺乏解決問題嘅意願
- 站內違反UCoC
- 喺多個維基中發生嘅UCoC違規：由全域管理員同監管員同埋處理單一維基UCoC違規行為嘅機構處理，或由U4C處理處理；
- 單一維基中發生嘅UCoC違規：由個別維基媒體計劃根據佢哋現有指引處理
- 可以簡易處理嘅違反UCoC行為，好似破壞咁啦，應該係由現有執行組織按住唔違反呢啲指引嘅現有方案去處理
- 技術空間中嘅違規
- 由技術行為守則委員會處理
- 站外違規
- 如果冇本地管治組織（例如ArbCom），或者如果嗰件個案經由執行組織轉介咗畀佢哋，咁就由U4C處理
- 喺某啲情況下，向相關站外執行組織報告站外違規行為可能對違規情況有所幫助。咁樣唔會妨礙現有嘅本地同全域執行機制對報告採取行動
- 現場活動同空間違規
- 現有嘅執行組織一般已經為站外空間提供行為守則，當中包括友善空間政策同會議規則
- 處理呢啲個案嘅執行組織可以將個案轉介畀U4C
- 維基媒體基金會舉行活動嗰陣，會由信任與安全部門執行活動政策
3.2 報告工具嘅建議
維基媒體基金會將會開發同維護件可以方便集中報告同處理UCoC違規行為嘅工具，而呢件工具應該可以 喺MediaWiki上面運作，畀用戶進行報告。希望可以藉此降低報告同處理UCoC違規行為嘅技術障礙。
啲報告應該包括相關可以作出處理嘅資訊或提供手頭個案嘅文件記錄。報告介面應允許舉報人向負責處理嗰件特定個案嘅人員提供詳情。 當中包括但不限於以下資訊：
- 舉報嘅行為點樣違反UCoC
- 違反UCoC會對邊個或咩嘢造成傷害
- 件事發生嘅日期同時間
- 件事發生嘅地點
- 其他資訊，以便執行群組以最好方式處理呢件事
件工具應該按照易用、私隱同安全、靈活處理同透明度等原則操作。
負責執行UCoC嘅人員唔一定要用件報告工具。佢哋只要按照相同原則 —— 即係易用、私隱同安全、靈活處理同透明度 —— 處理個案，就可以繼續用佢哋認為啱使嘅工具。
3.3 執行架構嘅原則同建議
可行嘅話，建議現有執行組織喺遵循呢道列出來嘅指引之下，繼續承擔接收同處理違反UCoC行為嘅報告。為確保成個運動係一致咁去執行UCoC，建議喺處理UCoC違規行為嘅時候跟返下面嘅基本原則。
3.3.1 流程嘅公平性
建議執行組織制定同維持鼓勵性利益衝突政策。咁先幫到管理員或其他人確定到遇到同自己有密切參與嘅事件相關嘅報告時，幾時應該棄權或者迴避。
各方應有機會提出佢哋嘅觀點，但如果涉及到保障私隱同安全就未必可以咁樣畀各方暢所欲言。亦都可以搵多啲人就住啲觀點畀返啲意見，以助獲得更多資料、觀點同背景資料。
3.3.2 流程嘅透明度
U4C應該按照章節4.1裡頭界定嘅目的同職責範圍，喺整個運動期間，報告UCoC執行行動嘅成效，同埋行動同常見違規行為嘅關係。維基媒體基金會應該支持佢哋去進行呢個研究。呢個報告嘅流程係用來幫執行組織制定執行UCoC嘅最佳做法。
維基媒體計劃同自治體應該盡可能一路維持住有啲頁面去簡單講下符合UCoC政策文本嘅政策同執行機制。維基媒體計劃同自治體如果有啲現行指引或者政策同 UCoC 政策內容有衝突嘅話，就應該傾下點改去符合返全域維基社群嘅標準。而更新同建立新嘅本地政策嘅時候，內容係唔應該同UCoC有衝突。維基媒體計劃同自治體亦都可以就住啲潛在嘅新政策或者指引，問U4C攞啲顧問意見。
對於喺第三方平台（例如 Discord、Telegram 等）相關空間上面進行嘅維基媒體相關對話，維基媒體嘅使用條款係可能唔適用，而係受嗰個網站嘅使用條款同行為政策所約束。雖然係咁，但係維基媒體用戶喺第三方平台相關空間上面嘅行為係可以作為報告違反 UCoC 嘅證據。建議管理呢啲喺第三方平台上面運作，同維基相關嘅空間嘅維基媒體社群成員，喺佢哋嘅政策裡頭加入UCoC精神同內容。維基媒體基金會應該向第三方平台尋求合作，令第三方平台上面都會有最佳實踐，從而制止站內衝突蔓延去到佢哋嘅空間上面。
3.3.3 申訴
個別進階權限持有人採取嘅行動應該交畀 U4C 以外嘅本地或共享執行組織去覆核決定。如果無咁嘅執行組織喺道嘅話，就可以搵U4C申訴。除咗呢個安排之外，本地社群亦都可以安排其他進階權限持有人去處理申訴。
執行組織應該基於相關背景資料同減免因素去制訂考慮同接納申訴嘅標準。呢啲因素包括但不限於：指控係咪可驗證、制裁嘅時期同效果，同埋係咪懷疑有濫用權力嘅情況或者其他系統問題。不過，唔保證申訴會獲得接納。
維基媒體基金會法律部嘅某啲決定係冇得申訴嘅。
執行組織批准或者駁回申訴嘅決定應該建基於對有關個案嘅周全認知。資訊應謹慎處理，同埋小心保護所涉人員嘅私隱同決策過程。
為咗實現呢個目標，建議執行組織應該喺審核申訴嘅時候考慮各項因素，當中可能包括但不限於：
- 違規造成嘅嚴重程度同傷害
- 過往違規記錄
- 相關懲處嘅嚴重程度
- 出現違規情況嘅時間長短
- 相關違規行為嘅分析
- 懷疑可能濫用權力或其他系統問題
4. 通用行為準則協調委員會(U4C)
通用行為準則協調委員會(U4C)將會成立，係個會同其他高級決策機構（例如各站 ArbCom，同 AffCom）同等嘅全新全域委員會設立目的係，當本地組織系統運作上出現漏弊，U4C就會成為UCoC嘅最後把關者。一如全域社群咁樣，U4C成員應該係來自全球，而組成亦係多元化。
4.1 目的同職責範圍
U4C會監察UCoC違規行為嘅報告，有需要嘅時候，可以進行額外調查同採取適當措施。U4C 會定期監察同評估UCoC執行狀態，亦可以就UCoC同埋UCoC執行指引提修訂建議畀維基媒體基金會同社群考慮，但就唔可以徑自修改呢兩份文件。如有需要，U4C亦會協助維基媒體基金會處理個案。
通用行為準則協調委員會:
- 根據執行指引，處理投訴同申訴
- 就解決上述投訴同申訴作出任何必要嘅調查
- 為社群提供UCoC最佳實踐嘅資源，例如必要嘅培訓材料同其他所需資源
- 同社群成員同埋執行組織合作，喺有需要時對UCoC執行指引同UCoC提供最終解釋
- 監察同評估UCoC執行嘅成效，同埋提供改善建議
U4C唔處理啲主要事項唔牽涉違反UCoC或者UCoC執行嘅個案。除非發生嚴重系統問題，U4C可以將佢嘅最終決策權下放出去。上面章節3.1.2已經喺其他執行組織作為背景嘅情況下講解咗U4C嘅責任。
4.2 甄選、成員資格同角色
全域社群會每年搞一次選舉，選出具有表決權嘅成員。籌辦選舉嘅時候，基金會工作人員會提供必要嘅支援。候選人可以係任何社群成員，而且必須：
- 符合維基媒體基金會存取非公開個人資料嘅標準，同埋喺佢嘅選舉聲明中確認會完全遵照標準行事
- 參選當時無受到任何維基媒體計劃制裁或者活動禁令喺身
- 遵守 UCoC
- 符合選舉過程中定嘅任何其他資格要求
喺特殊情況下，如果U4C認為委員會因成員辭職或唔活躍而有迫切需要增加額外成員，U4C可以召開臨時選舉。選舉嘅形式將會同正常年度選舉嘅形式相似。
U4C嘅個別成員唔需要辭任其他職位（例如本地管理員、ArbCom成員、活動安全協調員）。但係，佢哋唔可以參與處理佢哋因其他職位而直接參與嘅個案。U4C成員會要署《非公開個人資料存取政策》，令佢哋可以存取非公開資料。U4C籌備委員會應該決議適當咁定出U4C成員嘅條款。
U4C可以喺適當情況下組成小組委員會或指定個人執行特定任務或角色。
維基媒體基金會可以委任最多兩名無表決權嘅成員加入U4C，同埋按需要同喺適當情況下提供支援人員。
4.3 程序
U4C將會決定幾耐開一次會，亦會決定埋其他操作程序要做得幾密。只要係喺職責範圍內，咁U4C都可以建立或者修改個程序。喺適當情況下，委員會應喺實施變更前邀請社群就預期變更提供意見。
4.4 政策同先例
U4C，一如職責範圍規定，會運用同執行UCoC；而唔會訂定新政策，亦唔可以修訂或者改UCoC。
社群政策、指引同慣例會因時而異，以往嘅決定淨係會喺當刻環境睇來係仍然相關嘅時候先會採納、考慮。
4.5 通用行為準則協調委員會籌備委員會
確立咗UCoC執行指引後，維基媒體基金會會推進籌備委員會嘅設置去：
- 確定U4C嘅程序、政策同先例
- 草擬U4C流程嘅餘下部分
- 指派任何其他設置U4C要嘅後勤工作
- 幫助推進U4C嘅起始選舉程序
籌備委員會應該要包括義工社群成員、自治體職員或自治體理事會成員，同埋維基媒體基金會職員。
籌備委員會嘅成員將由維基媒體基金會嘅社區復原力同可持續發展副總監選出。個委員會嘅義工成員應該要係受尊重嘅社群成員，同埋優先考慮以下技能或特質：
- 政策起草經驗
- 維基媒體計劃現有規則同政策應用經驗
- 網上合作經驗
- 同理心
- 國際團隊合作經驗
- 參與群體決策
亦會盡可能根據以下嘅準則去遴選，配合返維基媒體運動嘅多元化，其中包括但不限於：
- 語言
- 地域
- 性別
- 年齡
- Home wiki嘅規模
- 喺維基媒體運動嘅職責
U4C籌備委員會訂定嘅工作文件將由全域委員會或者類似於確立呢份文件嘅社群流程確立。籌備委員會完成咗佢哋嘅工作 —— 建立咗U4C之後，籌備委員會就應該解散。
5. 詞彙表
- 管理員（系統操作員或管理員）
- 請參閱Meta上嘅定義。
- 進階權限持有人
- 擁有高過典型編輯權限嘅管理權，而且通常透過社群程序或仲裁委員會任命嘅用戶。當中包括（作為非詳盡列表）：本地系統操作員／管理員、功能組別、全域管理員、監管員。
- 自治體委員會或Affcom
- 請睇Meta上嘅定義。
- 仲裁委員會或ArbCom
- 可信賴嘅用戶群組，佢哋係部分爭議嘅最終決策群組。每個ArbCom嘅範圍都由佢哋嘅社群定義。ArbCom可能為多個維基專題（例如維基新聞同維基導遊）及／或多種語言提供服務。就呢個指引而言，包括維基媒體技術空間同管理小組嘅行為守則委員會。另請參閱Meta上嘅定義。
由於呢個委員會嘅任務係實際運用啲執行指引，所以成員應該要對維基媒體運動多種多樣嘅執行流程都有豐富嘅經驗。
- Case Review Committee
- See definition on Meta.
- 社群
- 指維基媒體計劃嘅社群。維基媒體計劃社群作出通常基於共識去作出決定。另請參閱：計劃。
- 跨維基
- 影響或發生喺一個以上嘅維基媒體計劃中。另請參閱：全域。
- 活動安全協調員
- 由維基媒體自治體親身活動嘅組織者指定負責嗰個活動安全同保安嘅人士。
- 全域
- 指所有維基媒體計劃。喺維基媒體運動中，「全域」係一個術語，指全個運動嘅管理機構。佢通常用嚟對比「本地」。
- 全域管理員
- 請參閱Meta上嘅定義。
- 高級決策機構
- 喺佢之上可能無法申訴嘅群組（即U4C、ArbCom、Affcom）。唔同嘅問題可能有唔同嘅高級決策機構。嗰個術語唔包括參與喺公告板上組織嘅討論並導致決定嘅一組使用者，即使嗰個討論嘅結果無法申訴。
- 本地
- 指單一維基媒體計劃。呢個術語通常指適用喺嗰個情況嘅最小、最直接嘅管轄機構。
- 站外
- 一般指並非維基媒體基金會託管嘅網上空間，即使維基媒體社群成員在場兼積極使用嗰個空間。非維基空間嘅例子包括Twitter、Whatsapp、IRC、Telegram、Discord 等。
- 個人身份可識別資訊
- 任何可能識別特定個人身份嘅資料。任何可用於區分一個人同另一個人嘅資訊，同埋可以用嚟去匿名化匿名資料嘅資訊，都視為個人身份可識別資訊。
- 計劃（維基媒體計劃）
- 由維基媒體基金會營運嘅維基。
- Recommendation verbs
- When drafting the Enforcement Guidelines, the drafting committee considered the words ‘encourage’, ‘may’, ‘propose’, ‘recommend’, and ‘should’ as recommendations. Compare this to binding verbs.
- 第三方平台上託管嘅相關空間
- 網站，包括並非由維基媒體基金會營運，但用戶用嚟討論同維基媒體相關嘅私人維基。通常由維基媒體義工主持。
- Staff
- Employees of and/or staff members assigned to a Wikimedia movement organization or contractors of such a movement organization whose work requires interaction with Wikimedia community members or in Wikimedia movement spaces (including third-party spaces such as off-wiki platforms dedicated to Wikimedia movement activity).
- 監管者
- 請參閱Meta上嘅定義。
- 系統漏弊
- 存在若干人士（尤其係具有進階權限嘅人士）參與而未能遵守通用行為準則問題嘅模式。
- Wikimedia Foundation Office Action Policy
- The policy found on Meta or its equivalent successor policy.