Utenti anònimu

From Meta, a Wikimedia project coordination wiki
Jump to navigation Jump to search
This page is a translated version of the page Unregistered user and the translation is 100% complete.

Other languages:
Deutsch • ‎English • ‎Lëtzebuergesch • ‎Nederlands • ‎Türkçe • ‎dansk • ‎español • ‎français • ‎hrvatski • ‎italiano • ‎magyar • ‎polski • ‎português • ‎português do Brasil • ‎română • ‎sicilianu • ‎slovenščina • ‎Ελληνικά • ‎беларуская • ‎русский • ‎српски / srpski • ‎тоҷикӣ • ‎українська • ‎ייִדיש • ‎العربية • ‎سنڌي • ‎فارسی • ‎پښتو • ‎नेपाली • ‎मराठी • ‎ગુજરાતી • ‎മലയാളം • ‎ไทย • ‎中文 • ‎日本語 • ‎한국어

L'utenti ca nun effittuaru lu log in sunnu chiamati utenti nun riggistrati o utenti IP. St'utenti ponnu canciari li pàggini ca nun sunnu semiprutettu e li sò edit cumpàrinu ntâ crunuluggìa nzèmmula ô nnirizzu IP dô quali sti canciamenti foru fatti.

Ntê wiki dâ Wikimedia Foundation, l'utenti nun riggistrati èranu nta na pusizzioni nun troppu svantaggiusa rispettu a l'utenti riggistrati, ma cô passari dô tempu foru agghiunciuti funziunalità novi ca risùrtanu nun utilizzàbbili p'iddi. Nfatti l'utenti nun riggistrati nun ponnu spustari li pàggini, carricari file multimidiali o aviri na lista taliata. Ntâ Wikipedia n lingua ngrisa e pirsiana l'utenti IP nun ponnu criari pàggini fora dô namespace di discussioni. Poichì li nnirizzi IP ponnu èssiri dinàmici, na pàggina utenti di st'utenti pò nun èssiri pràttica, e nfatti nta arcuni wiki nun nn'è pirmittutu l'usu. A l'utenti nun riggistrati a li voti veni pruibbuta la participazzioni n pruciduri comu chiddi di cancillazzioni o pi l'assignazzioni dê dritti a l'utenti, o ponnu sulu participari n manera chiù ristritta (p'esempiu ponnu lassari cummenti, ma nun ponnu votari).

L'utenti nun riggistrati nun sunnu noltri n gradu di silizziunari l'opzioni di canciamentu minuri poichì chistu pirmittissi a n'utenti maluntinziunati di esequiri canciamenti ê pàggini e nun èssiri nnividuatu pûn certu pirìudu di tempu.

A li voti si ci arrifirisci a l'utenti nun riggistrati ntê tèrmini di utenti anònimi n contrappusizzioni a l'utenti cu pseudònimu (li nomi utenti ntê pruggetti Wikimedia sunnu supratuttu pseudònimi e nun nomi veri). Va fattu nutari ca chistu porta a n'ambiguità e, n senzu strittu, stu tèrmini nun è currettu: la visibbilità ô pùbblicu dô nnirizzu IP di n'utenti nun riggistratu cumporta ca pò èssiri rintracciata la lucalizzazzioni giogràfica e/o l'organizzazzioni/istitutu ntô quali s'effèttuanu li canciamenti. Noltri, ntê casi ligali chiù spinusi, pò èssiri idintificatu puru lu computeru cô quali l'utenti effittuau li cuntribbuti tràmiti n'addumannata a l'Internet Service Provider (zoè lu gisturi ca furnisci li sirvizza Internet) e chistu pò purtari n cunchiusioni a idintificari l'utenti. Nta stu senzu l'utenti nun riggistrati sunnu n rialtà menu anònimi di l'utenti riggistrati, li quali nun ammùstranu arcuna nfurmazzioni pirsunali.

Talìa midemma