A̱tung WikiIndaba 2025

Tuungane na Tukue Pamoja! (Let's unite and grow together!)

21st – 23rd November 2025

2 0 2 5	Program	Attend	Logistics	Contact	Documentation	Satellite events
	Submissions Program Hackathon	Registration Information Scholarships Participants' List Friendly Space Policy	Travel Information & Visa Assistance Conference Platform Guide	WikiIndaba 2025 team	Video Recordings Resources Learnings Reporting FAQ	Events Microfunding Satellite Events Reports

Á̱nietnjhyi

Á̱nietndi̱n-a̱ma

A̱tung WikiIndaba ka yet a̱tung fam-a̱byin kya da̱nian Á̱niet-Afi̱rika ba ba̱ byia̱ swat hu mi̱ tsung-a̱byin ji mbeang mba ba̱ swan di̱ nta a̱ni. Kpa ntsa hu ku nyia̱ ma̱ a̱keang Johannesburg kya, ma̱ a̱byin Afi̱rika A̱tak, ma̱ a̱lyia̱ 2014 nang sot Wikimedia ZA ku jhyi a̱ni. Ma̱ a̱lyia̱ 2017 a̱tung ka si̱ shyei a̱ nat a̱keang A̱ki̱ra, Gana, a̱wot sot Open Foundation West Africa ja si̱ bai jhyi a̱si̱ a̱kya. Kpa a̱lyia̱ 2018 ka ku nyia̱ ma̱ a̱keang Tuni̱t kya, mi̱ a̱byin Tuni̱siya nang sot Wikimedia TN Usergroup ku jhyi a̱ni, ma̱nang sot Wikimedia UG Nigeria ja si̱ jhyi kpa a̱lyia̱ 2019 hu mi̱ A̱buja, Fam A̱keangtung Mundundung a̱byin Naijeriya. Kpa a̱lyia̱ 2020 a̱tung hu si̱ kin myim ku nyia̱ mi̱ a̱keang Ka̱mpala, Yuganda, kya a̱wot á̱ si̱ kin shyei nhu a̱ nat a̱zanson ku si̱ bai yet a̱tung a̱zalang kya nang sot Wikimedia Community User Group Uganda ku jhyi a̱ni ma̱ a̱lyia̱ 2021. Mi̱ kpa a̱lyia̱ 2022 hu, á̱ si̱ nyia̱ a̱tung ka mi̱ a̱keang Kigali, ma̱ a̱byin Ruwanda, a̱wot sot Wikimedia Community User Group Rwanda ja si̱ jhyi nhu. Ma̱ a̱lyia̱ 2023, á̱ nyia̱ a̱tung ka mi̱ a̱keang A̱ga̱di̱t kya, mi̱ Ma̱roko, a̱wot sot Wikimedia Morocco User Group ji ja si̱ jhyi nka. Kpa ngaan hu, zang huhwa á̱ ku nyia̱ ma̱ a̱lyia̱ 2024, si̱ bai yet kpa 8 hu ma̱ng a̱lyia̱ 10 ka neet nang a̱tung ka ku ntsa a̱ni, nang á̱ ku nyia̱ ma̱ a̱keang Johannesburg, ma̱ a̱byin Afi̱rika A̱tak a̱ni, a̱wot sot Wikimedia ZA ja si̱ jhyi nhu ma̱ng a̱pyia̱-a̱lyiat ka "!ke e: /xarra //ke," zang kya fa "Muna̱pyia̱ mi̱ di̱ shyia̱ vwuon".

Sot Wikimedia Community User Group Tanzania ja na jhyi a̱tung WikiIndaba 2025 ka, a̱wot á̱ na nyia̱ nka ma̱ a̱keang Dar-es-Sa̱lam kya, mi̱ a̱byin Ta̱nzaniya. A̱pyia̱-a̱lyiat a̱tung 2025 ka, kikya yet "Tuungane na Tukue Pamoja!," zang kikya fa "Tung Dundung ma̱ng Laai Dundung!" di̱n Tyap.

Nkyangcat

• Nok cet nyian nkyang A̱wukimedia Afi̱rika hu
• Mban yai nta̱m Wukimedia ma̱ng tyei mbwak Afi̱rika di̱ nta̱m á̱na
• Mun A̱wukimedia Afi̱rika ba mi̱ tsung-a̱byin ji mbeang nta ji dundung
• Bwuak á̱di̱dam na̱ yet ta̱m

Nkhang

Dar-es-Sa̱lam, Ta̱nzaniya.

• A̱vwuo: Dar-es-Sa̱lam, Ri̱pobi̱lik Ta̱nzaniya
• A̱tuk: 21 - 23 Zwat Swak ma̱ng Jhyiung 2025
• Tyan: Cobai...

Khwom

• 16 - 31 Zwat Jhyiung 2025: Sovee Lyiat ma̱ng Sot-á̱niet - Done
• 3 Zwat Sweang - Zwat Nyaai 2025: Neap Cat-Kurum Jhyi A̱tung - Done
• 1 - 20 Zwat Nyaai 2025: Kpaat-kpi̱kpaat komití vwuon jhyi a̱tung ji - Done
• 23 Zwat A̱taa - 20 Zwat A̱natat 2025: Yei Á̱ Bai Cat-Kurum Naat A̱tung - Done
• 23 Zwat A̱taa - 20 Zwat A̱natat 2025: Yei á̱ neap cat shei-a̱lyiat ma̱ a̱tung ka - Done
• 19 - 31 Zwat A̱ni̱nai 2025: Shei nkhang záng cat-kurum naat a̱tung na - Done
• 1 - 7 Zwat A̱kubunyiung 2025: Shei záng cat shei-a̱lyiat ma̱ a̱tung ka - Done
• Zwat A̱natat 2025 (Á̱ Na Tak a̱ca̱caat a̱swap-njen wu): Nwuat a̱cyuang a̱ka̱kurum ma̱ mba ba̱ cat shyia̱ ma̱ a̱tung ka a̱zalang - Not done
• Zwat A̱kubunyiung 2025 (Á̱ Na Tak a̱ca̱caat a̱swap-njen wu): Shei Khwom Ngaan A̱tung hu - Not done
• 21 - 23 Zwat Swak ma̱ng Jhyiung 2025 A̱tung WikiIndaba 2025 - Not done

Vak-a̱myim

• wikiindaba2025wikimediatz.org
• Facebook: @Wikiindaba – @Wikimediatz
• X: @WikiIndaba – @wiki_Tza – #WikiIndaba2025