1ª edición, del 5 d'agostu hasta'l 18 de setiembre de 2016
¡Bienveníu al concursu d'edición de Wikipedia al rodiu de los Xuegos Olímpicos!
¿Qué?: Trátase d'un concursu d'edición al rodiu de los Xuegos Olímpicos. L'oxetivu d'esta primera edición ye ameyorar y tornar esta llista de temes venceyaos colos Xuegos Olímpicos, y especialmente los Xuegos Olímpicos de Río de Janeiro 2016 y los Xuegos Paralímpicos de Río de Janeiro 2016, incluyendo figures deportives célebres ya instalaciones de los xuegos. Esta iniciativa forma parte de la rede Iberocoop. Puede participase en cualesquier llingua. Les llistes d'artículos son suxerencias y pueden crease o ampliase otros que desee la persona participante.
¿Cuándo?: El concursu d'edición va estendese dende les 00:01 del 5 d'agostu hasta les 23:59 del 18 de setiembre de 2016 (CET UTC+01:00).
* ¿Cómo?: Pueden llograse puntos creando artículos nuevos o ampliando los yá esistentes, siempres qu'estos tean rellacionaos colos Xuegos Olímpicos y pertenezan a una categoría de Wikipedia de los Xuegos Olímpicos. El sistema de puntuación ye'l siguiente (nun escaezas anotar los puntos qu'otorga cada artículu que trabayes na seición de participantes):
+1 puntu por cada 1000 bytes d'información añedida.
+1 puntu en casu de que l'artículu seya nuevu.
+1 puntu en casu de que l'artículu trate sobre los Xuegos Paralímpicos o sobre un o una deportista que participe o participara nellos.
¿Quién?: Públicu xeneral interesáu n'aprender a editar en Wikipedia y ameyorar o traducir artículos rellacionaos colos Xuegos Olímpicos. Namái ye necesario cuntar con una cuenta d'usuariu de mano. Pa participar hai que rexistrase na seición de participantes.
¿Por qué?: El concursu ta entamáu por Iberocoop: unu de los nuesos principales oxetivos ye poner a disposición tola conocencia llibre al rodiu de los Xuegos Olímpicos en toles llingües. Si la so organización o institución quier collaborar con esti concursu, por favor, póngase en contacto con nós.
Al empar hai tamién un concursu de fotografía sobro los Xuegos Olímpicos de Río de Janeiro 2016, entamáu pol Grupu Wikimedia Brasileiro de Educação y Pesquisa. Más información en esta páxina de Wikipedia en portugués.
