Wikimedia Blog/Drafts/See the stunning winning photographs from Wiki Loves Earth 2015/mk

From Meta, a Wikimedia project coordination wiki

Posted Oct 15th 2015, translations are welcomed!

Title

  • Погледајте ги победничките фотографии на „Вики ја сака Земјата 2015“

Summary

  • ...

Body

Првонаградената фотографија за 2015 г. го прикажува Долното Качурско Езеро — популарно туристичко одредиште во националниот парк Централен Каракорум во Скарду, Пакистан. Фото: Zaeemsiddiq, лиценца: CC BY-SA 3.0

Вики ја сака Земјата е натпревар каде учесниците прават фотографии од заштитени предели на природното богатство и ги подигаат на Ризницата. Ова е втора година на одржување на меѓународниот дел од натпреварот кој следи по националните натпревари, кои годинава се одржаа во 26 земји. Меѓународниот избор на фотографии е направен и сега можеме да ви ги претставиме победниците.

Натпреварот има двојна цел. Првата цел е да се исфотографираат што е можно повеќе заштитени предели и добиените слики да се подигнат под слободна содржина. Втората цел е, со овој потфат, да се подигне јавната свест за запазувањето на природните предели и така да се подобри нивната заштита.

Замислата за „Вики ја сака Земјата“ почна во 2013 г во Украина. Во 2014 г. ни се придружија уште 15 земји од четири континенти — Европа, Азија, Африка и Америка.

Во 2015 г. учесниците од сите земји подигнаа вкупно 100.000 слики.

Натпреварот се приредува во голем број земји, каде го водат екипи од месни доброволци. Потоа националните жири-комисии поднесуваат 10 избрани слики за учество во меѓународна конкуренција. Годинава имавме 26 земји-учеснички со вкупно 259 слики. Изборот на меѓународните победници се одвиваше со подување на поднесените слики во неколку етапи со помош на наменска алатка.

Меѓународното жири се состоеше од 9 искусни фотографи на природата од различни земји: Димитро Балховитин (Украина), Метју Бак (Британија), Дитмар Барц (Германија), Валабдул Манем (Египет), Алекс Ванг (САД), Катерина Зарева-Симеонова (Бугарија), Зејнел Џебеџи (Турција), Сузана Планк (Австрија) и Јатин Кришнапа (Индија).

По одредувањето на победничката слика, жирито ги избра и следниве ревијални фотографии.

II место: Поглед на ловорова шума на Мадеира, Португалија. Фото: Jnvalves, лиценца: CC BY-SA 3.0
III место: Козорог (Capra ibex) во националниот парк на венецот Висок Тауерн во Корушка, Австрија. Фото: Bernd Thaller, лиценца: CC-by-SA 3.0
IV место: Цветен пајак (Misumena vatia) со свежо убиена пчела во природниот резерват Братентал кај Гетинген, Долна Саксонија, Германија. Фото: Suhaknoke, лиценца: CC-by-SA 3.0
V место: Пчеларка (Merops apiaster) во националниот парк Ишкел, Тунис. Фото: Elgollimoh, лиценца? CC-by-SA 3.0
VI место: Карпатски биосферен резерват, Закарпатска област, Украина. Фото: Vian, обработка: Iifar, лиценца: CC-by-SA 4.0
VII место: Волајерското Езеро и околината, Корушка, Австрија. Фото: GeKo15, лиценца: CC-by-SA 3.0
VIII место: Корморани на квечерина во Вакаре, Франција. Фото: Ddeveze, лиценца: CC-by-SA 3.0
IX место: Варовнички сталагхмити во провалијата Ањумас, Бразил. Фото: Caio Vilela, лиценца: CC-by-SA 3.0
X место: Поглед на Високите Татри од Спиш, Татрански национален парк, Полска. Фото: Łukasz Śmigasiewicz, лиценца: CC-by-SA 3.0 (pl)
XI место: Розово фламинго (Phoenicopterus roseus) во рамсарското место Тинска Соларница, Тунис. Фото: Elgollimoh, лиценца: CC-by-SA 3.0
XII место: Водопадот во националниот парк Клонг Лан, покраина Кампенг Пет, Тајланд. Фото: Khunkay, лиценца CC-by-SA 3.0
XIII место: Реката Малактин на Големиот Лјаховски Остров, дел од природниот резерват Делта на Лена во Јакутија, Русија. Фото: Boris Solovyev, лиценца: CC-by-SA 3.0
XIV место: Утро во тресетното блато Толкусе, природен резерват Лујтема во округот Перну, Естонија. Фото: Märt Kose, лиценца: CC-by-SA 3.0
XV место: Траги направени од скијачи на снежните падини на планината Баба во националниот парк Пелистер, Македонија. Фото: Ptahhotep, лиценца: CC-by-SA 4.0
Почесен избор: Раѓање на трут на медоносната пчеча (Apis mellifera) во Рибеирао Прето, Бразил. Оваа слика беше високооцената од жирито, но не доби награда бидејќи не е направена во заштитено подрачје. Фото: Jonathan Wilkins, лиценца: CC-by-SA 3.0

Меѓународното жири има направено целосен извештај, каде е објаснета неговата работа и начинот на избирање. Претставен е исходот од натпреварот со коментари од членовите на жирито.

Честитки за победниците и им благодариме на сите што годинава работеа на организирање на натпреварот.

Вира Моторко (WMUA)
Меѓународна екипа на „Вики ја сака Земјата 2015“

Notes

Ideas for social media messages promoting the published post:

Twitter (@wikimedia/@wikipedia):

(Tweet text goes here - max 117 characters)
---------|---------|---------|---------|---------|---------|---------|---------|---------|---------|---------|------/

Facebook/Google+

  • ...