Yayasan Wikimedia/Kepala Eksekutif/Pembaruan/Pembaruan Desember 2025
Ngaturaken sugeng rawuh dhumateng CEO ingkang énggal Yayasan Wikimedia
Dewan Pengawas Yayasan Wikimedia sampun milih Bernadette Meehan minangka CEO ingkang enggal Yayasan Wikimedia. Piyambakipun badhe resmi gabung tanggal 20 Januari 2026. CEO sapunika Maryana Iskander badhe tetep ing jabatanipun nganti wektu kasebut kanggo serah tampi ingkang lancar.
Bernadeta sampun nyambut dhamel wonten ing lelampah ingkang dipunkhususaken damel misi lan karya pelayanan umum. Ingkang paling enggal, piyambakipun dados Duta Ageng nagari Amerika Serikat kagem nagari Chili saking taun 2022 dumugi 2025. Sadurungipun dados duta besar, piyambakipun dados Wakil Presiden Eksekutif kagem Program Global ing Yayasan Obama, ing mriku panjenenganipun ngrancang lan mimpin program kapemimpinan internasional ingkang nyakup Afrika, Asia-Pasifik, Eropa, Amerika Latin, lan Asia Selatan. Sajrone karir, Bernadeta sampun ngutamakaken paiketan lan kolaborasi komunitas. Sampeyan saged maos luwih lengkap babagan latarwingkingipun wonten ing ngisor punika lan pengumuman kagem media ing kene.
Bernadeta mlebet makarya ing Yayasan ing wayah ingkang penting, nalika ulang tahun Wikipedia kaping 25. Donya sapunika ngadhepi owah-owahan sosial, teknologi, peraturan, lan generasi ingkang durung nate wonten sadurunge. Caranipun tiyang madosi lan nemokaken informasi taksih owah. Amargi pengaruh Wikipedia saya tambah, pentingipun kagem masthekaken menawi tiyang lan para pamundut kaputusan mangertos model lan maringaken kontribusi kagem masa depanipun uga saya tambah. Saiki, luwih saka sadurunge, kita kudu nambah kasadaran babagan proyek Wikimedia, lan Bernadeta bakal dados pimpinan ingkang leres kagem nuntun Yayasan ing jaman anyar punika.
Sinau luwih lengkap babagan Bernadeta nganggo tembunge dhewe:
Pesenipun Bernadeta
Hai! Halo! Sugeng rawuh!
Kula kagum kaliyan kapinteran lan kekandelanipun Proyek Wikimedia, lan rumangsa andhap asor lan duwe hak istimewa daos bagian saking lelampahan punika.
Sajrone sawetara wulan kepungkur, kula wiwit sinau babagan karya, komunitas, tantangan, lan—ingkang paling penting—dampakipun ingkang panjenengan lampahi. Dalan kula menyang wayahe punika radi mboten umum, ananging kula sampun nemokaken kaselarasan kang jeru kaliyan etos, misi, lan nilai-nilai Yayasan Wikimedia. Kula kapengin nuduhaken sethithik babagan punapa ingkang mbeta kula dumugi panjenengan.
Kula dipunlahiraken ing kutha Bronx (papan panggonananipun bapa lan simbah kuula gesang ngantos ageng) lan agengipun wonten ing kutha Pleasantville, New York. Nalika umur 16 taun kula pindhah menyang Rio Gallegos, Argentina minangka siswi patukaran sekolah menengah. Kula sinau basa anyar lan mbikak mripat kula menyang perspektif anyar (nggambar karyanipun Joaquín Torres García América Invertida nggambar punika transformatif kagem kula). Luwih saking 30 taun sabanjure, kulawarga angkat kula ing Argentina taksih dados bagian ingkang aji banget saking gesang kula, lan basa Spanyol kula nggadahi logat Argentina ingkang khas.
Kula lulus saking Boston College lan makarya ing J.P. Morgan, mbiyantu ngrancang salah sawijining platform klien berbasis web sapisanan. Kapincut kaliyan layanan umum, kula miwiti babak enggal ing urip kula kanthi nggabung kaliyan Departemen Luar Negari ing taun 2004. Minangka Pejabat Layanan Luar Negari, kula sinau saking tiyang-tiyang kanthi perspektif politik, budhaya, lan ideologis ingkang beda-beda. Kula nggadhah penempatan ing Kolombia, Irak, lan Uni Emirat Arab, lan uga njabat ing macem-macem peran ing Washington, D.C. ing Departemen Luar Negari lan Dewan Keamanan Nasional Gedung Putih (NSC). Kula sinau basa Arab, sinau العربية الفصحى, ingkang ndamelaken ngguyu nalika kula nyoba migunakaken ing dalan-dalan Kairo. Kadhangkala kita dados sinis nalika kita ngliwati jagad punika, lan penting kanggo nyoba bali menyang optimisme. Pramila kula mandheg saking peran senior NSC kagem mulang kelas ing Universitas Georgetown sajrone setaun. Wonten ing sacedhakipun para siswa nganyari energi, rasa tujuan, lan kapitadosan kula manawa kita tansah mbutuhaken ide-ide enggal kagem ngowahi jagad punika.
Ing taun 2017, kula mbiyantu Presiden lan Ibu Obama nalika ngluncurake Yayasan Obama kanthi misi mbiyantu tiyang-tiyang mbangun jagad kanthi luwih akeh kesempatan, partisipasi, lan kapitadosan. Kula mimpin desain program pangembangan kapemimpinan ing saindenging Afrika, Asia-Pasifik, Asia Selatan, Eropa, lan Amerika Latin, kagem para pemimpin ing sektor umum, masyarakat sipil, lan sektor swasta sing nuduhake komitmen kagem majuaken kabecikan umum. Kula sumerap langsung kepiye individu ingkang disambungake dening prinsip-prinsip ingkang sami saged ndhamel dampak ingkang nyata, kolektif, lan langgeng.
Ing taun 2022 kula wangsul menyang layanan umum minangka Duta Ageng negari Amerika Serikat kagem Chili, negari ingkang kapisan kula kunjungi nalika umur 17 taun. Kula mboten saged mbayangaken sajrone kunjungan kasebut yen kula bakal wangsul 30 taun sabanjure minangka Duta Ageng negari Amerika Serikat. Mimpin kedutaan ageng menehi kula piwulang ingkang mboten wonten reginipun: mboten setuju sanes kegagalan; pikiran ingkang mbikak minangka kekuwatan; fakta, data, lan transparansi mbinangun kapitadosan; debat ingkang saling hormat saged dipuntindakake - lan sehat - nalika didhasarake saking sumber ingkang bisa dipunpangandel; ngremehake punika jahat lan mboten produktif; rasa sengit punika korosif; proses punika penting; lan kolaborasi ndamelaken kasil ingkang langkung sae.
Sawetara prestasi ingkang paling kula banggakaken inggih punika kemitraan ingkang ditempa ngliwati bebedan-bedan, ananging dipundhasari ing tujuan ingkang sami lan pangertosan ingkang sami. Kula pengin nyorot tigang proyèk ingkang kula dhukung, kanthi maneka warna cara, nggambarake semangat karya panjenengan piyambak.
- Kabel Humboldt, kabel andhap sagoro sapisanan ingkang nyambungaken Amerika Kidul kaliyan Asia, ingkang sampun siyap kagem ngowahi konektivitas digital.
- Inisiatif astronomi kaya ta Atacama Large Millimeter/submillimeter Array (ALMA)—sapunika teleskop radio ingkang paling kiyat ing donya—Observatorium Vera C. Rubin, lan Teleskop Magellan Rasaksa, ingkang badhe dados proyek sains umum-swasta paling ageng ing sajarah sawuse rampung. Pangupaya punika nyawijikakén mitra internasional kagem mangupaya ngrembakaken pangerten manungsa babagan alam semesta.
- Deklasifikasi lan terjemahan dokumen Pamrentah AS menyang basa Spanyol ingkang wonten tetunggalanipun kaliyan kedadeyan ing Chili wiwit taun 1968 nganti 1991. Minangka bagéan saking komitmen ingkang luwih jembar kagem transparansi, salah sawijining tujuan utami inggih punika kagem masthekaken manawi tiyang Chili gadah akses langsung menyang informasi babagan sejarahipun piyambak, mugi sageda damel pandangan ingkang leres babagan punaapa ingkang kedadesan.
Ingkang paling penting, raos bingah kula minangka Duta Ageng asalipun saking ketemu tiyang-tiyang lan ngrungokaken criyos lan pengalamanipun, saking desa-desa nelayan ing sadawanipun pesisir Pasifik nganti aula Kongres nganti peternakan cempe ing Patagonia nganti kutha-kutha pertambangan nganti komunitas pribumi ing ara-ara samun Atacama, Araucanía, lan Tierra del Fuego.
Saben jengkah ing lelampahan kula sampun mulang kula katrampilan anyar lan nantang kula kanthi cara ingkang mboten dipunkarepaken. Saben bab sampun mbentuk sinten niku kula lan kepiye kula sesambungan kaliyan jagad punika, nuwuhake raos penasaran, inovasi, ketangguhan, kabecikan, lan andhap asor. Ganjaran paling ageng ing karir kula inggih punika tuwuh sesarengan kaliyan tim ingkang luar biyasa, dados pimpinan lan uga tiyang sing sinau.
Kaya tiyang sanes, kula sampun suwe dados pamaca Wikipedia ingkang bingah sanget, sanajan mboten nate dados editor. Saya kathah ingkang kula sinau, saya kula ngapresiasi komitmen kita ingkang sami: medamel ingkang didorong misi, nglibataken macem-macem pihak ingkang gadah kepentingan, ngatasi tantangan ingkang kompleks, ngembangaken raos penasaran lan optimisme, lan keyakinan manawa prinsip mboten namung nuntun punapa ingkang kita lakoni, ananging kepriye kita nindakaken. Pramila kula pancen bingah gabung kaliyan Yayasan.
Kula kepincut kaliyan komitmen, kreativitas, kabingahan, lan ketangguhan komunitas punika. Ing taun 2026, nalika Wikipedia ngancik umur 25 taun, kita bakal ngrayakaken luwih saking 65 yuta artikel ingkang luwih saking 300 basa, dipuntulis, dipunsunting, lan dipuncek faktane dening meh 250.000 tiyang, sadaya sukarelawan saking sak ndonya... sadaya!
Nalika kita mlebet ing wayahe ingkang kebak kemungkinan punika, kita uga ngadhepi tantangan ingkang ageng lan kompleks. Ing jaman AI, kawruh manungsa, kapercayan, transparansi, sudut pandang netral, lan kolaborasi luwih penting tinimbang sadurunge. Sampeyan minangka soca paningal lan kuping jagad, saksi sejarah lan pengurus memori. Tanggung jawab ingkang luar biyasa, lan panggilan ingkang luar biyasa, kagem terus nyobi ningkataken proyek-proyek punika!
Sesarengan, kula ngantos-antos kita sageda wantun, njupuk risiko, bingah-bingah, lan terus mbentuk visi sareng kagem masa depan. Kula setya mimpin Yayasan kanthi transparansi, integritas, optimisme, lan ngajeni model tata kelola ingkang dipundorong dening sukarelawan. Nalika kula mlebet peran punika, fokus kula cetha: ngrungokaken, sinau, lan menehi kakuwatan marang tiyang-tiyang supados saged nindakaken pakaryan ingkang paling sae. Kula ngaturaken matur nuwun marang Maryana amarga sampun maringaken kawruhe lan dedikasi kagem transisi ingkang lancar lan wicaksana.
Pitakonanipun Bernadeta
Wiwit tanggal 20 Januari, kula bakal rawuh ing rapat cedhak sampeyan nglilingi jagad teka-teki - online lan langsung kaliyan komunitas lan afiliasi Wiki, staf Yayasan, lan mitra liyane. Kagem nuntun obrolan ngajeng kita, kula kapengin mangertos:
- Punapa ingkang ngastha panjenengan menyang lelampahan punika?
- Kepriye anggonipun supados kita tansah relevan sajrone 25 taun sabanjure?
- Punapa tigang sumber daya Wiki ingkang kedah kula waos kapisan?
Panjenengan paling mangertos komunitas panjenengan, lan wawasan panjenengan bakal nuntun dalan kula maju.
Kalih dasa gangsal taun kepungkur, Wikipedia mung impen. Saiki, Wikipedia dados tulang punggung kawruh ing internet. Pamberdayan. Kasempatan. Kolaborasi. Konsensus. Pangarep-arep.
Matur nuwun sampun ngaturaken sugeng rawuh kula. Kula ngarep-arep saged tepang kaliyan panjenengan sedaya lan mbangun masa depan kita sesarengan.
Salam, Bernadeta