Wikimedia Foundation Legal department/Announcement/2023 OC den CRC appointments process

From Meta, a Wikimedia project coordination wiki

Dem open opportunities give de Ombuds commission den de Case Review Committee

Hi everybro! De Ombuds commission (OC) den de Case Review Committee (CRC) dey look for members. Dem encourage people make dem nominate dema body or make dem encourage odas dem dey feel go contribute to dis groups make dem do so. Chaw info dey below about de opportunity den de skills dem dey hia.

About de Ombuds commission

De Ombuds commission (OC) dey job for all Wikimedia projects to so say dem go investigate compalints about de privacy policy violations, especially use of CheckUser den Oversight inside (dem san so know as Suppression) tools. De Commission go mediate between de parties of de investigation den, wen dem identify violations of de policies, dem go advise de Wikimedia Foundation on best handling. Dey fi san so assist de General Counsel, de Chief Executive Officer, or de Board of Trustees give de Foundation for dis investigations inside wen legally necessary. For more for de OC's duties den roles, spy Ombuds commission for Meta-Wiki top.

Volunteers wey go serve for dis role inside for be experienced Wikimedians, active for any project top, wey previously dem use de CheckUser/Oversight tools OR dem get de technical ability to understand dis tools den de willingness make dem learn dem. Dem mo fi be able to communicate for English inside, de commission ein common language. Dem dey expect make dem fi engage neutrally for investigating dis concerns den know wen dem go recuse wen oda roles den relationships fi cause conflict. Commissioners go serve two-year terms (make you note say dis be different from past years, wen de terms be for one year).

About de Case Review Committee

De Case Review Committee (CRC) dey review appeals for eligible Trust & Safety office actions. De CRC be critical layer of oversight so say dem go ensure say Wikimedia Foundation office actions be fair den unbiased. Dey san so dey make sure say de Wikimedia Foundation no go overstep practices dem establish or boundaries. Foe more about de role, spy Case Review Committee for Meta-Wiki top.

We dey look for current or former functionaries dene xperienced volunteers wey get interest make dem join dis group. Applicants for be fluent for English inside (additional languages be strong plus) wey dem be willing make dem abide be de terms for de Committee charter. If de job dey resonate wey you qualify, make you apply. Committee members go serve two-year terms (make you note say dis be different from past years, wen de terms be for one year).

You dey apply make you join either of dis groups

Dem require make members sign de Confidentiality agreement for nonpublic information wey dem be willing to comply plus de appropriate Wikimedia Foundation board policies (such as de access to non-public information policy den de Foundation privacy policy). Dis positions dey require high degree of discretion den trust. Members for be over 18 years of age.

If you be interested make you serve in either capacity listed above, make you rep for English inside go de Trust den Safety team for ca(_AT_) (make you apply go de CRC) plus information about:

  • Your primary projects
  • Languages you dey speak/rep
  • Any experience you get plus serving for committees top, e fi be movement or non-movement
  • Your thoughts for wha you fi bring come de OC or CRC if dem appoint you
  • Any experience you get plus de Checkuser or Oversight tools (OC only)
  • Any oda information you dey think say e be relevant

Der go be two conversation hours so say dem go answer any questions wey potential applicants get:

De deadline for applications be 31 December 2022 for any timezone inside.

We beg feel free make you pass dis invitation along to any users who you dey think say be qualified den interested. We dey thank you!

De Committee Support team dema behalf,