Keleier Wikimedia, miz Kerzu 2012

From Meta, a Wikimedia project coordination wiki
Jump to navigation Jump to search
This page is a translated version of the page Wikimedia Highlights, December 2012 and the translation is 100% complete.

Other languages:
Bahasa Indonesia • ‎Bahasa Melayu • ‎Deutsch • ‎English • ‎Nederlands • ‎Tiếng Việt • ‎Türkçe • ‎azərbaycanca • ‎brezhoneg • ‎dansk • ‎español • ‎français • ‎norsk bokmål • ‎português • ‎suomi • ‎svenska • ‎čeština • ‎български • ‎монгол • ‎русский • ‎українська • ‎ייִדיש • ‎العربية • ‎فارسی • ‎नेपाल भाषा • ‎मराठी • ‎हिन्दी • ‎తెలుగు • ‎മലയാളം • ‎中文 • ‎中文(中国大陆)‎ • ‎中文(台灣)‎ • ‎中文(简体)‎ • ‎中文(繁體)‎ • ‎中文(香港)‎


Keleier digant Danevell Diazez Wikimedia ha Danevell Ijinerezh Wikimedia evit miz Kerzu 2012, gant un dibad eus darvoudoù luskad Wikimedia pouezus all.

Keleier

VisualEditor-logo.svg

Visual Editor rakembannet er Wikipedia saoznek

Un handelv ersezat eus VisualEditor, ar c'hetal-skrivañ araokaet a zo da zont hag a aesaio ar sevel pennadoù wiki, zo bet aotreet er Wikipedia saoznek e miz Kerzu. Tu zo bremañ d'ar skridaozerien varrek d'e arnodiñ ha da ober evezhiadennoù diwar-benn kudennoù ha tevetoù.

The Impact of Wikipedia ("Skog Wikipedia") — video graet evit ar c'hellidañ, gant istitloù e meur a yezh.

Roadennoù biskoazh herrantoc'h evit ar c'hellidañ

Abred er bloaz-mañ e voe tizhet e bal a 25 milion US$ gant skipailh ar c'hellidañ, 2012 o vezañ dre-se ar bloavezh berrañ evit a sell ouzh ar c'hellidañ. Ur gourc'hoù all zo bet tizhet ivez, hini an niver a roadoù : 1 484 milion a roadoù abaoe ar 1añ a viz Gouhere. Echuet e voe ar c'houlzad kellidañ gant ur giton "Trugarez deoc'h" a ginnigas d'al lennerien ur strollad skridaozerien liesdoare dre gemennadennoù skrivet hag atersadennoù dre video. War-dro un hanter vilion a dud a sellas ouzh ur video peder munutenn a ginnige skridaozerien Wikipedia, ha gwelet hon eus ur c'hresk en niver a gontoù krouet.

Echu eo pazenn gentañ dasparzh ar c'hellidoù nevez

Gant Kuzul-merañ Diazez Wikimedia e voe degemeret erbedoù Poellgor Dasparzh ar C'hellidoù (FDC, Funds Dissemination Committee) hag 8,43 milion US$ a voe derannet da 11 aozadur Wikimedia. Gant kement-se e voe merket dibenn brav pazenn gentañ argerzh nevez an FDC. Ar c'hemm-se en doare ma vez ingalet an arc'hant e diabarzh al luskad Wikimedia a voe deskrivet gant ar Guzulierien Jan-Bart de Vreede ha Patricio Lorente evel "un digreizennadur pouezus eus ar galloud war-du kumuniezh emouestlidi Wikimedia er bed a-bezh". Abretoc'h e 2012 e voe savet ar poellgor, diwar seizh emouestlad eus seizh bro zisheñvel, a zo barrek war ar skridaozañ e meur a raktres Wikimedia, hag o deus krouet pe a zo bet ezel eus ar C'huzul evit pemp rann eus Wikimedia.

Stlennoù ha luskadoù

Gweladennerien hiniennel dre ar bed e miz Du :

484,5 milion (-0,79% e-keñver miz Here ; + 2,06% e-keñver warlene)
(stlennoù comScore evit holl raktresoù Diazez Wikimedia ; diwezhatoc'h e miz Genver e vo embannet stlennoù miz Kerzu gant comScore)

Goulennoù pajennoù evit miz Here :

20,2 miliard (-0,84% e-keñver miz Du ; +23,5% e-keñver warlene)
(Stlennoù lugadennoù ar gwazer, holl raktresoù Diazez Wikimedia, tizhadennoù dre bellgomz hezoug en o zouez)

Implijidi kevreet hag oberiek evit miz Du 2012 (>= 5 embannadenn dre viz er pennadoù, hep ar Bots) :

79 532 (-0,03% e-keñver miz Here / +0,59% e-keñver warlene)
(Stlennoù an diaz-ditouroù, holl raktresoù Diazez Wikimedia. Notenn : nevez zo e resisajomp ar muzul-se dre lakaat Wikimedia Commons er gont, koulz hag an obererezh a-dreuz meur a raktres.)

Kartenn-danevellañ (enni lies stlennoù feurjedet ha luskadoù war divoud raktresoù WMF) evit miz Du 2012:

http://reportcard.wmflabs.org/

(Termenadurioù)

Kellid

Berniad enkefioù hag ezkefioù Diazez Wikimedia e-keñver ar Raktres, d'an 30 a viz Du 2012
Ezkefioù berniet Diazez Wikimedia dre gargoù, d'an 30 a viz Du 2012

(Evit miz Du 2012 hepken emañ ar stlennoù kellidel da vare an danevell-mañ.)

Evit ar maread 01/11 — 30/11/2012 eo ar stlennoù kellidel a zo embannet amañ.

Enkefiad $16,614,546
Ezkefiad
Rann an ijinouriezh $5,309,228
Rann an dastum kevalaoù $1,442,814
Rann ar skoaziadoù hag ar raktresoù $2,159,357
Rann al leviadur $314,952
Rann Gwir/Breutadennoù ar gumuniezh/Bruderezh $1,265,059
Rann Kellid/Loazioù denel/Melestradur $2,267,388
Sammad an ezkefiadoù $12,758,798
Sammad ar gounid (ar c'holl) $3,855,748
  • $11,26MM eo enkefiad miz Du e-keñver ar rakjed a $10,29MM, war-dro $964K pe 9% dresit ar raktres.
  • Betek an deiziad ez eo $16,61MM an enkefiad, e-keñver ar $15,50MM rakjedet, war-dro $1,11MM pe 7% dreist ar raktres.
  • $2,83MM eo an ezkefiadoù evit miz Du e-keñver an $3,12MM rakjedet, war-dro $290K pe 9% dindan ar raktres, ar pennabegoù o vezañ un digresk en ezkefiadoù evit an implijidi hag er re evit ar c'hevala, a zo damgempouezet gant ur c'hresk en dispignoù gwirel, gant ar mizoù bank, ar c'hevratoù diavaez hag ar yalc'haoù bet roet.
  • Betek an deiziad ez eo $12,76MM an ezkefiadoù evit 12 miz e-keñver $14,64MM, war-dro $1,88MM pe 13% dindan ar raktres, ar pennabegoù o vezañ dispignoù evit an implijidi, evit gwazerioù an Internet, mizoù-beajiñ, mizoù-kevala, kevratoù diavaez, damgempouezet gant ur c'hresk en ezkefiadoù gwirel, mizoù bank, loreoù ha skoaziadoù.
  • $28.06MM eo stad ar c'hef d'an 30 a viz Du 2012.

Keleier all

Unan eus ar skeudennoù bet embannet gant Ofis Kelaouiñ Gouarnamant Israel : roue Hussein Jordania oc'h entanañ sigaretenn pennmaodiern Israel Yitzhak Rabin, nebeut goude ma voe sinet feur-emglev peoc'h 1994.

Rannoù Israel ha Republik Tchek o deus kendrec'het o gouarnamantoù da zibrennañ skeudennoù

Embannet en deus gouarnamant Israel e roio aotre d'an dud da ober diouzh o c'hoant gant ar skeudennoù bet graet gant kargidi ar gouarnamant a gaver war lec'hiennoù ar Stad. Pouezus eo bet perzh Wikimedia Israel a-hed an tri bloavezh ma padas an argerzh lezennel a gasas d'an disentez-se. Er Republik Tchek ez eo ar rann Wikimedia lec'hel deuet a-benn da gendrec'hiñ sened ar Stad da embann luc'hskeudennoù eus ar senadourien nevez-dilennet.

Unan eus ar skeudennoù bet embannet gant RCE : ar vilin-avel izelvroat "De Koperslager" goude un tangwall e 1964

Tremen un hanter-vilion a skeudennoù digoust eus savadurioù izelvroat evit Wikimedia Commons

Rijksdienst voor het Cultureel Erfgoed (RCE) "Glad Sevenadurel Broadel", un ensavadur izelvroat a ra war-dro gwareziñ lec'hioù eus ar glad broadel, en deus embannet un dastumad a 555 000 skeudenn graet gant e implijidi hervez an aotre CC-BY-SA 3.0 NL. Emeur ouzh o enkargañ e Wikimedia Commons, hag en o zouez ez eus skeudennoù istorel dibar. A-hend-all, Wikimedia Commons en deus tizhet ar maen-bonn a 15 milion a restroù digoust e miz Kerzu.

Stal-labour gant skipailh-respont an Emouestlidi Alaman

War-dro 55 ezel eus ar skipailh-skoazellañ alamanek (OTRS Team) em vodas e Berlin evit ur stal-labour a badas daou zevezh. Ar "skipailh-respont emouestl", evel a reer anezho, a ra war-dro ur skalfad ledan a bostelloù a-berzh implijidi Wikimedia hag a-berzh an holl dud all. Er postelloù-se e kaver klemmadennoù diwar-benn pennadoù Wikipedia, goulennoù a-zivout raktresoù Wikimedia dre vras, hag aotreoù da arverañ skeudennoù enkarget e Wikimedia Commons. Hini Berlin e oa stal-labour ziwezhañ un heuliad a grogas e 2008. E-touez dodennoù ar stal-labour e oa gwirioù an dud hag ar copyright, gwellaat berzhded hag efedusted al labour war ar respontoù. Hervez un danevell feurjedel nevez evit an holl yezhoù, 39729 goulenn a voe resevet e 2012 dre ar bajenn hollek er raktresoù Wikimedia, 20 112 anezho e saozneg ha 7 647 en alamaneg. Ouzhpenn-se, 13 563 aotre da arverañ a voe keweriet.