Wp/sjd/Матрёхин, Иван Яковлевич

Матрёхин Ёаххкэ Эвван (рӯшас Иван Яковлевич Матрёхин) – са̄мь ла̄ввлэй я кырьйхэй Мурман ланӭсьт.

Эвван Матрёхин шэннтэ эфт тоа̄фант аххц чӯдҍ выдтлоагкь ка̄хцант ыгесьт вӯссьман кӯххтлоагкь авьтма пе̄йв Мӯрман е̄ммьне Ёфкасыйтэсьт пуазнэгкь са̄мь пӣррсэсьт. Эфт тоа̄фант аххц чӯдь кудтлоагкь нымьп ыгесьт Матрёхингоанҍце пӣрас вя̄ӆӆтэдэ Ёфкасыйтэсьт Мурман е̄ммьне Луявьр е̄ммьне Каневкасыййта е̄лле. Эвван Матрёхин лушшэм ыгь мэ̄ннӭнҍ Москва лань военнэ-инженернэ академиясьт Куйбышев нэ̄мме. Эфт тоа̄фант аххц чӯдҍ кыджемьлоагкь ка̄хцант ыгесьт Матрёхин я̄лл Мӯрмнэсьт. Лӯпьтэ Ленинградскэ ӣнженернэ-строительнэ институт. Матрёхин выйтэ со̄нэсьт инженер-механикэнҍ. Тэнн ыгесьт лыххк ГОУТП "ТЭКОС" топливнэ-транспортнэ пэҏтэсьт.

Кыррьй соа̅ме нэ̅мме

Кэ̄ллм е̄ммьне ре̄вьнэсьт,

Аййда кэ̄сс сӯбпесь вэ̄зэнҍ,

Касьт ли та̄лльв - ча̄р е̄менҍт,

Ке̄ссь - а̄ррьк я суэннҍ.

Е̅ллев пуазнэгкь о̄ллмэ мӣн

Я я̄лл эйй лӣйпенҍ эфт.

ла̄ввлкусськ:

Са̄ммьля, па̄ййла вуэйв,

Са̄мь о̄ллмэ мӣллвудт пынь.

Мушьт: ӣммель аллма

Пайнэнҍ е̄рркъя соа̄ме ӣнкэтҍ,

Э мӣнэ э̄л сыйй кӣххчев,

Оасскэв - сӣнэтҍ мыйй ебп вуаййладтҍ.

Моа̄ннтар е̄ммьнетҍ пыннепь,

Ыльпэнҍ эвтэсьт сӣн лыгкэтҍ.

Моа̄ннтарае мӣллвэсь тоа̄сьтэ вӯлленҍ

Е̅ллепь мыйй я вӯййкэсьт тӣдтӭпь:

Мӣнэтҍ ся̄дт ре̄ельт руаххц

Чоа̄ххьпесь ые коа̄ммпаль се̄ввьнесьт.

Мыйе ӣбе мудта ся̄д:

Вуэссь элля ке̄ххьпесь чӯххкэсьт.

Лышше ке̄сслэнне мыйй я̄лчепь,

Э танна уййнэв пугк мӣн нюэзь.

ла̄влкусськ.

Литература

Матрёхин И. Я. "Вӣллькесь пуаз": Стиха я ла̄вл. - Мӯрман: Кыррьй лӯшшьтэмь пэ̄ҏҏт, 2004. - 48с.: ил. Пыйенҍ са̄мь кӣлле А. А. Антонова я А. М. Агеева.