Ομηρικοί Ύμνοι/XX. Εις Ήφαιστον

Από Βικιθήκη
(Ανακατεύθυνση από Εις Ήφαιστον)
Ὁμηρικοὶ ὕμνοι
Εἰς Ἥφαιστον
Ακούστε το κείμενο (βοήθεια | πληροφορίες)


Ἥφαιστον κλυτόμητιν ἀείσεο, Μοῦσα λίγεια,
ὃς μετ’ Ἀθηναίης γλαυκώπιδος ἀγλαὰ ἔργα
ἀνθρώπους ἐδίδαξεν ἐπὶ χθονός, οἳ τὸ πάρος περ
ἄντροις ναιετάασκον ἐν οὔρεσιν, ἠύτε θῆρες.
νῦν δὲ δι’ Ἥφαιστον κλυτοτέχνην ἔργα δαέντες 5
ῥηιδίως αἰῶνα τελεσφόρον εἰς ἐνιαυτὸν
εὔκηλοι διάγουσιν ἐνὶ σφετέροισι δόμοισιν.
Ἀλλ’ ἵληθ’, Ἥφαιστε· δίδου δ’ ἀρετήν τε καὶ ὄλβον.