Wikimedia Foundation elections/Board elections/2007/Candidates/^demon/pms

From Meta, a Wikimedia project coordination wiki
Jump to navigation Jump to search

User:^demon[edit]

Globe of letters.png · čeština (cs) · Deutsch (de) · English (en) · español (es) · suomi (fi) · français (fr) · italiano (it) · 日本語 (ja) · norsk bokmål (nb) · Nederlands (nl) · polski (pl) · Piemontèis (pms) · português (pt) · română (ro) · русский (ru) · 中文 (zh)


Utent ^demon
Nòm vèir Michael "Chad" Horohoe
User insertdemon.jpg
Pòst Richmond, Virginia, Stat Unì d'América
Età 19
Pàgina(e) dl'utent ant sla Wikipedia n'anglèis
Ativ an Wikimedia fin daj 23 Fërvé dël 2005 (ma i l'avìa contrbuì coma anònim già chèich moment anans ëd lolì, a l'é belfé che i l'abia pijait l'andi dël prinsipi dël 2004)
Proget dont i fom part Wikipedia n'anglèis, Wikimedia Commons për travaj ëd transwiki.
Lenghe che i dòvro an mie contribussion Anglèis, Fransèis elementar
Anliure a chèich mia contribussion Ant sla Wikipedia n'anglèis
Mè programa Wikipedia a l'é na ròba d'autut fòra dël normal. La Fondassion Wikimedia a l'ha 'l but d'apogé tant la Wikipedia che soe vàire proget-seur ën dand-je tant apògg finansiari che dë strutura. A l'é lògich ch'i l'abio da manca da buté an Consej dla gent ch'as fa l'idèja ëd lòn ch'i soma tuti ambelessì a fé: smon-e pì ch'as peul ëd contnù lìber e a gràtis ant sò lenga mare a pì 'd getn ch'as peul. Ël Consej a dovrìa, nò, a dev avej andrinta dla gent che a la sia pì an linia ch'as peul con ës prinsipi-sì. Coma component dël Consej im darìa da fé con mia capacita diressional, savej técnich e mè esse bon a parleje a la gent. Comsëssìa, gnun ëd nojàotri ë dev mai esse tant pijn ëd chiel da pì nen fërmesse e ciamé d'agiut; ch'a sia n'agiut da fòra, dij programista, dj'aministrator locaj, e ëdcò ëd coj ch'a contrbuisso tuti ij dì, tant coma utent registrà che coma anònim. I chërdo che vàire vire coj che a fan andé la Fondassion "d'ansima" a peulo smon-e për la stra col prinsipi ch'i l'hai sotlinià. Sòn iv dom mia paròla dë mai felo.

I chërdo che la Fondassion a sia dapress a fé na gran gavada ansima a lòn che ant j'ùltim temp a l'é vnuit a esse na question motobin amportanta. La FWM a l'ha tenù për vàire na polìtica ëd proibission dj'"Open Proxies" për chi a veul fé ëd modìfiche. A l'é avusse për vàire l'ampression che na bela fëtta ëd vandalism a la rivèissa d'ambelelì. Da vàire temp i soma bon a bloché ste màchine con dij programa (an manera che j'utent registra a peulo travajé, nopà che coj anònim nò). Për vàire temp l'utent Tor a l'é stait blocà. Comsëssìa, dël prinsipi dë st'ann-sì un blòch unilateral a l'ha buta-ie un blòch fìsich a tute ste màchine, lassand pì nen che vàire utent vajant a podèisso travajé. Quand ij component dël Consej a son stait contat a l'han nen fait na piega. A dila tuta, Jimbo a l'ha ancoragià la discussion, che però a l'è nen rivà a bonfin për via 'd na mentalità ch'as peul pa cambiesse. E ant l'istess temp dj'àotri utent a son ëstait ranzà via për la midema rason. É-lo mai ch'i debio buté ij proget an condission dë smon-e dj'utent vajant mach përchè la Fondassion as bogia nen? S'i fussa elegiù, i vorerìa avej sta question considerà a livel ëd Fondassion. Për tant ch'a peulo bin esse ch'i riva nen a s-ciairé j'arzultà ch'i veuj mi, am piasërìa almanch vëdde che la Fondassion as da da fé për capì se sta polìtica a l'abia da manca d'esse revisionà, pitòst che s-ciairé che gnun a fa gnanch na frisa.

S'a veul ciameme chèich-còs, për piasì ch'a lo fasa ambelessì: Board elections/2007/Candidates/^demon/questions