Event:Wiki Loves Africa 2024 Contest Launch/kcg
Wiki Loves Africa (WLA) yet a̱yangka̱nan kuzang a̱lyia̱ wa nang konyan wa ma̱ a̱byin Afi̱rika maai a̱ nwuo mami a̱ nwuak nyinyiit shei nkhang na̱ byia̱ a̱ka̱ta ma̱ng nkyang na nang ba̱ ku nwuan ma̱ a̱ghyi ba̱ si̱ fa̱k mi̱ vam a̱ni ma̱sa̱t mi̱ Wukimedia Komon mat tyei di̱n ta̱m mi̱ Wukipedia ma̱ng susot-á̱niet Wukimedia jhyáng (A̱guguut Wukimedia), a̱wot ba̱ ka sa̱u nyinyiit shei nkhang nani nang ba̱ ku ka̱u nwuak a̱ni mat a̱mgba̱m Á̱nietbishyi ba̱ shyia̱ ma̱sa̱t.
A̱leang kya yet ndyia̱ swak neet nang á̱ kpaat a̱yangka̱nan wu a̱wot á̱nietnjhyi bibyin swanta ba si̱ nyia̱ a̱di̱dam da̱ ku na yet a̱tan a̱wat wa ka̱nang á̱ na ya nta̱ghak á̱ nwuan gbang a̱cyiet hu mat a̱nia wa nyia̱ jini si̱ bai tyia̱. A̱pyia̱ a̱lyiat a̱lyia̱ 2024 ka kikya yet Afi̱rika mmat a̱wot á̱ tyei á̱nietnta̱m ba gba̱gbak ba̱ nwuak nyinyiit shei nkhang (nghwughwu, nghwughwu-a̱guguut ma̱ng nwunwuat) na̱ yet kidee a̱pyia̱ a̱lyiat ji a̱ni.
Nwuai[edit]
- Á̱ yei a̱mgba̱m á̱nietnta̱m, á̱nietnjhyi, a̱yaakwak a̱son susot-á̱niet, á̱nietkwoknghwughwu ma̱ng susot a̱meang, á̱nietnta̱m Wukimedia ma̱ng a̱yaamemba a̱guguut sa̱u lyen ma̱sa̱t a̱fwun ba ma̱ng mba ba̱ ku shyia̱ mami di̱n jen ji̱ ku swak a̱ni ba̱ si̱ byia̱ di̱dang mi̱ nkyang nyinyiit shei nkhang, a̱yaayangka̱nan ma̱ng/ku Afi̱rika ba̱ bai.
- Nyia̱ jini yet si̱ A̱wukimedia á̱fai ma̱ng mba ba̱ ku kwop mami ja a̱ni
- Á̱ na tyiap a̱gwa ntsa nyia̱ ka a̱mgba̱m swanta hu a̱zalang kya mi̱ Zoom. Konyan wa gu byia̱ di̱dang á̱ yei gu bai.
- Ka̱ ku na yet doot a shyia̱ nwuo, a na ri̱jista di̱ wat nyia̱ jini. A̱gba̱ndang a̱wat wa á̱nietbishyi ba̱ yet á̱baifai ma̱ng mba ba̱ za ku lyen kyang tazwa Wiki Loves Africa ba̱ tung mbwak ba̱ nyia̱ ta̱m dundung ba̱ myiam ndung. Á̱ shei nyin a̱cucuk wa da̱ nyia̱ jini na yet si̱ a̱gwai a̱gwai ma̱ng a̱gwai.
- Note: There will be live translations in French and in Arabic languages provided for by the foundation.
Naat mbwuot[edit]
Á̱ Na Shei
Á̱nietnjhyi[edit]
| A̱yaakwak a̱son nyia̱ | Special guest | Á̱nietnjhyi | Á̱nietndi̱n-a̱ma |
|---|---|---|---|
 |
|
|