Fundraising 2010/Joan Gomà/eml

From Meta, a Wikimedia project coordination wiki
Jump to navigation Jump to search

Joan Gomà[edit]

  • Par piaśér, lèś chè:
  • un mesàǵ
  • da part ad Joan Gomà, utènt ad Wikipedia


La n éra minga sbaliàda, ma briśa curéta dal tut. A-j-ò catâ na vóś in sla Wikipedia ch'la dascurìva ad 'n argumènt ch'a iva studiâ quand a séra un studènt ad matemàtica. A-j-ò nutâ ch'a gh mancàva quèl 'd impurtànt. A-j-ò fat click su mudìfica, a-j-ò fat soquànt cambiamènt, e da cal mumènt lè a-j-ò tacâ a scrivàr e cambiàr anca mè. La Wikipedia l'è la sóma ad tut chi mumènt lè dal savér nóṿ da part ad migliòṅ 'd editór cuma mè. Parsóni ad tut al mónd i dànan via al sò tèmp e al sò fòrsi a la Wikipedia ch'l'è dvintàda sèmpar da piò un depòśit cresènt dal savér mundiàl. Tut i méś da piò ad 400 migliòṅ ad parsòni i dróan la Wikipedia e i sit culegâ sèg. Difàti la Wikipedia l'è al quint sit più pupulàr al mónd. Al quèl più impurtànt ad la Wikipedia 'l è ch'a s trata 'd un prudót frut dal lavór ad vuluntàri ch'i aṅ laurâ par tut al vóś, una a una. 'L è pròpria parchè Wikipedia la n gh'à minga la reclàm ch'i utènt ch'i la dróan i gh'aṅ da sustgnìr-la e tgnìr-gh a drē. Cal 'l è cuś 'l è la racòlta ad fónd. E 'l è par quést ch'a-j-ò fat la mè dunasiòṅ. A spér ch'at farà cuma mè dunànd €20, €35, €50 o quél ch'at pō par parmétar a la Wikipedia ad restàr libra.

A v ringrasi,

Joan Gomà - Barcellona, Catalóggna