Wiki i Izrfan n Ufgan 2021 ɣ Lmɣrib
Wiki i Izrfan n Ufgan 2021 ɣ Lmɣrib
Azrf i wawnaḍ idusn
18 Mars - 31 May, 2021
[Isnɣmsn inamunn: #WikiForHumanRights]
Brrk at dar umcala nɣ umḥizwr n tirra f izrfan n ufgan, tadusi tawnnaḍt d kullu middn lli ittuḍṛṛaṛn s tmukrisin n uwnaḍ ɣ umaḍal akkʷ.
- Mayga: Ɣwad iga yan umcala nɣ umḥizwr n tirra, ittuyskar afad ad nrnu, nsbuɣlu imgrad d imlan n Wikipidya d ad nsḥurc nɣ ad nssbɣs imaratn n Wikimidya ad aran f Izrfan n Ufgan, tufit ad tarat s taclḥit nɣd tutlayt na trit. Imgrad lli f rad nswuri rad ilin ɣ yat talgamt ɛdln tt imsudas n umcala y'ad ɣ Lmɣrib. Wanna yuran kigan a'rad yawi tasmɣurt.
- Manag: Tanẓṛt n tirra rad tili zɣ 18 n wayyur wis-kraḍ (00.01 GMT + 1) ar 31 n wayyur wis-smmus 2021 (23.59 GMT + 1 ).
- Manik: Amcala y'ad n tirra iṭṭaf yat tuṣkiwt irxan, gis 4 n tisurifin: Sti yan ɣ imgrad nna f rad tswurit → Ar tamẓt tinqqiḍin f kraygat amgrad turit → Iri ad tamẓt aynna mi tufit n tinqqiḍin → Awi tasmɣurt n twuri nnk!
- Manwa: Kraygat yan yufa ad didnɣ idru twuri d ad yaws ɣ tirra d/nɣ usuɣl n imgrad izdin d izrfan n ufgan, tadusi tawnnaḍt s yat ɣ kkuẓt tutlayin lli d illan ɣ umcala y'ad (taclḥit, tafransist, taɛrabt d darija). Kraygat awikipidyan iṭṭafn amiḍan ilan yism (ɣ kraygat wiki) iẓḍar ad idru. Afad ad tdrut iqqand fllak ad tskrt amiḍan nnk ɣ Wikipdya iɣ t-ur teṭṭaft d ad tskcmt yixf nnk d Imdrawn.
- Max: Amcala y'ad skrnt Ayt Wikimidya n Lmɣrib awsn asn Timrslt n Wikimdya n Mirikan d ula Asira n tasmirit tanafllat n Izrfan n Ufgan. Ur llan mnaw imgrad ɣ Wikipdya izdin d kigan n isgumn, s tɣarast ad nra ad nara imlan izdin d "azrf i wawnaḍ idusn" lli igan asgum n WikiForHumanRights n usggʷas ad n 2021. Nsgidi imgrad lli yad llan d kullu mad izdin d uzrf i uwnaḍ idusn iga darnɣ ḍaṛuṛi bac ad afn imɣritn n Wikipidya umlan ilan atig.