تطبيقات ويكيميديا\النشرة الدورية\01-أبريل 2023
تطبيقات ويكيميديا\النشرة الدورية\01-أبريل 2023
أهلا بيكم لأول نشرة دورية للتطبيقات
النشرة الدورية دى هتبلغك بكل الميزات الجديدة والتحديثات والتحسينات اللى بتتم فى تطبيقات ويكيبيديا. هيتم إرسال النشرة كل شهرين مع ملخص و وصف لتقدم العمل اللى بنقوم بيه.
iOS
من يناير لأبريل 2023
بداية من يناير خلصنا شغل على تعديل الإشعارات، تخصيص رسائل الحجب، و فلترة رسايل إساءة الإستخدام. المميزات دى تم خروجها فى إصدار 7.2.0 فى 13 مارس. تقدر تعرف التفاصيل الكاملة هنا.
الأندرويد
من يناير لأبريل 2023:
بداية من يناير، كملنا تجربة وصف المقالات عن طريق الالة، وكمان خاصية نشر قوائم القراءة وإبتدينا شغل على خاصية حجب ال IP. تقدر تشوف كل المعلومات من هنا.
اللقاءات المجتمعية
أول لقاء مجتمعى لفريق التطبيقات مع المستخدمين تم فى 23 مارس 2023، لتفاصيل أكتر عن الإعلان و الأجندة وكمان تسجيل اللقاء والعرض التقديمي من هنا.
نشاطات المجتمع
إستمتعنا بمقابلة Dagbani user group فى إجتماع لمدة ساعة قدرنا فيها نجاوب على كل أسئلتهم عن إستخدام تطبيقات ويكيبيديا على الموبايل للقراءة، البحث وكمان تعديل المقالات. عبّر كمان فريق المستخدمين عن إهتمامهم إن يكون فى إستخدامات أضافية كتيرة للتطبيقات من غير إتصال بالإنترنت، هيكون فى قسم إضافى فعلا للإستخدامات اللى ممكن تتم أوفلاين على صفحة الأسئلة المتداولة للأندرويد فى المستقبل.
إتشرفنا بمقابلة متطوعين كومنز وإستكشفنا فرص التعاون اللى ممكن تتم بينهم وبين فريق تطبيقات ويكيبيديا بالمؤسسة، إتفقنا كمان على تدخل فريق التطبيقات فى الأوقات الضرورية لمساندة كومنز فى التعامل مع تطبيق جوجل لضمان إستمرار تطبيق كومنز أونلاين ومتاح للإستخدام.
إحنا متحمسين جدا لتنظيم إجتماعات مع أى مجموعة مستخدمين ممكن تكون مهتمة بالتواصل مع فريق التطبيقات. تقدروا تتواصلوا معانا عن طريق aramadan@wikimedia.org عشان نخطط ونحضر للإجتماعات دى.
أخبار جديدة: ال iOS حاليا بيطوروا خاصية قائمة متابعة للصفحات. إستنوا الإصدار الجديد لتفاصيل أكتر عنها.
تقدر تشترك فى النشرة الدورية من هنا.