Wikimedia Taiwan/Scholarship/2023 Wikimania/Ｍayawtowid

報告人

• 稱呼：Ｍayawtowid

• 用戶名：Ｍayawtowid

報告內文

行前目標

‘Ayaw no Wiki a haratemg.

• Patireng to soko no sowal nomita ‘Amis/Pangcah.
• ano mafana’ kita a mira’oy toninian a tilid i, manga’ay ko kalalafiyaw ato kalokitakit, o papakatoor ho ko ’orip no ’Amis tono aniniay a mihecaan.
• maanen a misanga’ to taliyok no sowal no ‘Amis/Pangcah?

Patireng to soko no sowal, Lingua Libre hanayay a sakatayal i Wiki. o sapipadang to tatengilen a sowal ato spinengnenge a dademak i calay.

O manga’ayay a mipadang toya awaay ko tilid , awaay ko ngiha' a fainacadan , orasaka adihay ko kapawanan to. ano ira ko maitiay a sakatayal a maipadan i, tadafangcalay a demak konini. Ano manga'ay a na'angen ko ngiha' nomita a sowal ! O pisa’icel ako tonini i,ta caay to kalafot ko sowal no mita, adihay ho ko tatayalen, nanay malacecay kita o kapah a misa’icel a matayal tonini a tadamaanay a demak. To ikor to i, maanen ita ko katayal nonian i wikipitiya, orasaka, Mitanam a misaang’ to ngiha' no malitengay no mita ‘Amis/Pangcah.

• Maanen a mitilid ato mina'ang to sowal?
• Misatengitengil to malecaday no romaay a sowal, maanen cangra mipacakat ato mipa’orip ko sowal?

O ChatGPT hanay i, o malonok to caciyaw a kikay I calay. Tadamafana’mipandang to caay kafana’an no mita . ano ira ko masamanay a licay i, somowal han i ting-naw, tangsol san a masadak to kafana’an ningra.

Onini a kikay I calay, AI han no tamdaw mipangangan, mafana’ a mitilid to lekakawa no codad, mafana’ a mitilid ,mafana’ a msoka ato sanga’ to radiw\ To ikor to i, maanen ita ko katayal nonian i wikipitiya, orasaka, Mitanam a misaang’ to tilid ato codad no rayray no mita ‘Amis/Pangcah.

• pakayni pacomoden i WikiData, ira ko maan o faelohay a demak.
• maanen ta mcomod to fa'elohay a remes i Wiki?
• mapapaliw ko i romaay kitakit a tamdaw, maanen misalalan no iokol no Wiki?

參與場次及心得

Recording voices and local languages with Lingualibre

2023 miheca saka 8 folad saka 17 romi’ad

Itini i laloma’ no 309 mipakimad ci Hugo to Lingualibre i ting-naw, mipasifana’ i tamiyanan maanen a misanga' ato manhan a na'angen ko ngiha' nomita a sowal ! O pisa’icel ako tonini i,ta caay to kalafot ko sowal no mita, adihay ho ko tatayalen, nanay malacecay kita o kapah a misa’icel a matayal tonini a tadamaanay a demak.

O nisanga'an no France a kitakit tonini, manga’ay a mina'ang to ngiha' no tilid ato ngiha' no sowal. Ano sanga' han tangsol sa mategli, nikaorira, caay ka nga’ay misanga’ to kakaya' a sowal.

Ono aniniay a ‘orip adihay ko away a sowal i to’as no ’Amis a tamdaw,ora ko saka pisanga’ to fa’elohay a sowal ato i ‘ayaway a sowal, ta caay to ka raraw ko paini tomisa’osiay tona tilid. saka , o fangcalayay a to pipatireng to soko no sowal.

O sowal no mita o Pangcah, limaay ko kasasiroma no ngarngar a sowal. Ira ko no ’amisan, no Siwkoran, no Pasawali, no Falangaw ato no Palidaw. Saka, ano tengilen ko pisakilac no mato’asay, caayay ka matira ko pisakilac, o itiraay i Fata’an a niyaro’, masaFata’an ko ngarnga no caciyaw, itiraay i Tafalong masaTafalong ko caciyaw.

Orasaka, masamaan itiya ho ko pinangan no tamdaw, o caciyaw to no niyaro’ malecad to, nika aniniay sato doedo sato to misakilacan no cifenekay a mikadkad ko kasasiroma no mita a finacadan. Ano pasifana’ ita to niyaro’ay a tamdaw, maanen a misanga' ato manhan a na'angen ko ngiha'

nomita a sowal ! o tadafangcalay a demak onini.

Oroma sato i,namihongyak tona Wikipitiya tahanini matafesiway to ko misafa’elohan a misanga’ a sowal, oninian a sowal i, sahetoay ono aniniay ’orip o awaay i ’orip no ’Amis, orasaka, ano mafana’ kita a mira’oy toninian a tilid i, manga’ay ko kalalafiyaw ato kalokitakit, o papakatoor ho ko ’orip no ’Amis tono aniniay a mihecaan. Onini a harateng ko sakatayni ako a minanam.

Wikiboses: Preservation of Languages in the Philippines

2023 miheca saka 8 folad saka 18 romi’ad. Onian a pakimaday ni (Anthony B. Diaz) a sowal, o lalegatan no faloco’ a mihalaka to sapilaheciaw tonini a demak i, ira ko toloay i faloco’ ako. Sakaceay , ma’araw ako ko nikanikaw no singsisingsi, o pasifana’ay tp sowal no pangcah i picodadan. Sakatosa, o nanay no faloco’ to malo pidodoan no minanamay to so’elinay a sowal no mita o pangcah. Sakatolo, cacay to picaciyaw kami to no 'Amis a sowal. Orasaka, o harateng no mako i, ano caay pisowal kako to sowal no ‘Amis i, malecad toya awaay ko ina^ ato mama a wawa saan kako. O sowal no mita , o fenek no tato’asan. Orasaka, kita o kapah o niyaro’, sa’icelen ita a minanam ko sowal no mita, ta marayray ko serangawan no mita o Pangcah. Caay to kalecad ko harateng no aniniay a wawa ato no mato’asay tonikama falic to a masaroma ko taliyok no kaitiraan ato kakafokilan to ko rakat no tahaf no kakarayan, inian o kakararoraroman hananay i, caay to pakatootoor to pihafidoc a pitafesiw no ’orip no aniniay, mica’engaw a pasi’a’ayaw ato pasikol to rarikorikor, ’iring saho to tangal i, hilam mata’elif to a mafatad ko mihecaan. O milifitay to romi’ad kita o Yin-cu-ming a fiancadan, warawarahan ira to ko ci-ting ato pidafo’an to sowal ita no pangcah. ma’araw ko mikasener no sowal no kalo kasafiancadan i, ira ko hinapec no faloco’, saka cifaloco kami a midofdof a mika’ered to Wiki. Nanay misa'icel ko faloco' ita. Nanay malacecay kita o kapah a misa’icel a matayal tonini a tadamaanay a demak,mihamham ko niyaro’ i titanan, cowa ko sasawaden no mita ko niyaro’. So’linay ira i harateng no mako “ o Pangcah kako i, nanico:waay kako? O maan koya materekay a fenek ato serangawan no to’as? Ano ira to koya romi’ad, mana’ay kita a malami’a’amay i caway no ’orip ita i, o maan ko laloma’ay: ~~ a faloco’ no mako? Ano ira to koya romi’ad, malahedaw to ko nano to’as a fenek i, o wawa^ ho no Pangcah kako ? Onini a harateng ko sakatayni ako a minanam.

Language preservation: From writing on Wikipedia to writing a novel

2023 miheca saka 8 folad saka 18 romi’ad. Onian a pakimad ni (Maor Malul) a sowal, o lalegatan no faloco’ a mihalaka to sapilaheciaw tonini a demak i, somowal sa: o nipiketon no faloco’ itiyao ho a misanga’ to sapinengnengan a codad, o rahodayay asipen no minanamay. 'alomanay ko minanamay to no fa'elohay a harateng a tamdaw, sa maannen ako ta ira ko tamdaw a minengneng to i calayay a codad ako saan ciira.ira ko toloay i faloco’ ako： Sakaceay , Itiya a mihekelong to faelohay a kitakit no harateng, awaay ko caay pidoedo to taneng nano rayray no to’as miparo to nitekaan a misanga’ to codad. Sakatosa, palosiyan to nitilidan ato sakafangcal no kamaro’an, mala kasa’opoan no citanengay to natagalan, ono rayray a losid ato misafaelohan to nikaorip’an a tatayalen, no serangawan a tilid ato codad. Sakatolo,Salimelaen no mita ko nalacolannawhani o lamit no nanoto'asan a bungka itira.talacowa adihay ko kongko no mato’asay i kasaniyaroaro’ , nikaorira awaay kotilid no mita, orasaka adihay ko kapawanan to.

Sakasapat,o no mita a sowal a harateng ko sapifoheci to tatilidan a codad no mita.

Sakalima, kakilimen niyam ko malohay a kapah. mato pakatepay kako to fodawan a misanga’ tonini a codad. mafalic ko pinangan caay ka lecad ko harateng O sowal hananay i,o todongay o pinangan, o pinangan i,nipalahadan to romi’ami’ad. Yo mihongyaku i,wataay ko pilodis to hatatiliden a kafokilan ato faco no sowal,matiyaay tono mako tadancaay to sowal no ’Amis, adihay ko mira’oy to widi a misakilikilim to sowal. Orasak, o nitilidan ho a misano ’Amis cowa ka lawa ako a mi’osi, itira ko no ’Amisan a taliyokan to sakananam ako a misano ’Amis. Patireng to soko no sowal no niyaro sahaca masanga’ to ko sakacingangan no niyaro’, macakat to ko fana’ a mitilidan, pakayni i nikapihadimel ato nika’imer to iraay a pinaloma, inian ko saka si 'epoc no nitayalan a mala sakacetan a misapayso i niyaro’, ano haenen no mita ko nika i niyaro’ i, o mama’orip ko kacidafong no mita mapolong. Onini a harateng ko sakatayni ako a minanam.

總結

Tada mahemek ko faloco’ a mikapot toni a saopo no mitiliday to Wiki2023 i SINGKAPOT(Singapore)

O ka’aloman no tamdaw ko pisilsil to sowal i Wikitipiya,o sa’alomanay i,ono kuwaping, do’edo’ sa iono Sipanya a sowal, sakatolo kono Ikiris. o ’orip no aniniay a tamdaw caay ka’eca kafana’ to sakatosa, saktolo a sowal, o sakarihaday a matayal konini a sowal, itini tona cefang a mika’ered to Wiki.

Tada mahemek ko faloco’ a mikapot toni a saopo no mitiliday to Wiki, mapainiini to taneng. itini tona cefang a mika’ered to Wiki, ira ko paini ako to pira’oy to kinairaira i malacalayay a paratohay, to kacangalan ako tono ’Amis a sowal.

orasaka, ano mafana’ kita a mira’oy toninian a tilid i, manga’ay ko kalalafiyaw ato kalokitakit, o papakatoor ho ko ’orip no ’Amis tono aniniay a mihecaan.

對國內社群的建議事項

問題1. 執行各項維基媒體已經有一段時間，但是裡面還是有很多功能處在懵懂階段，線上的教學對於一些不常接觸電腦的寫手們，是一項大挑戰。

建議：台灣維基社群，可以製作操作手冊ＳＯＰ/錄製不同陪體的教學影片

問題2. 維基百科一直有非常的專案內容，不過礙於人手加上語言能力關係，資訊流通上面沒有這麼迅速！ 建議：是否可以利用一個管道定時的發佈新消息，以利各社群能做為未來活動規劃的參考。 3.是否可以輔導各個地方社群能夠建立屬於自己群族的特色？ 建議： 可以輔導各社群可以利用什麼樣的平台創造更多有價值的內容。 定期教育訓練

其他分享

• ChatGPT：https://chat.openai.com/auth/login
• Lingua Libre：https://lingualibre.org/wiki/LinguaLibre:About
• ISA Tool ：https://tools.wmflabs.org/isa