Wikimedia Foundation elections/Board elections/2007/pms
| 2007 board elections |
|---|
| Organization |
Mach ij component dël Comità Organisativ dj'Elession dël Consej dla Wikimedia a peulo modifiché sta pàgina an piemontèis ant sël meta.
Bondì,
Ël process dj'elession dël 2007 për ël Consej ëd Gestion ëd la Fondassion Wikimedia as anandia dal 10 ëd Giugn dël 2007. Ij wikimedian ëd tut ël mond a l'han la possibilità ëd sërne tre person-e che a-j rapresento. Ij candidà che a vinso a resto elegiù al Consej ëd Gestion për doj agn, visadì fin al Giugn dël 2009. Ël Consej ëd Gestion a l'é titolar dël màssim podej decisional për la Fondassion Wikimedia.
J'elession as faran ën dovrand ël sistema dij vot aprovà con un programa fait a pòsta (dont i soma antramentr ch'as në discut). Anans dë OLD MAN RIVER al vot a-i é na fase d'apògg, andova che vira candidà a l'ha d'avej un nùmer d'apògg da utent individuaj për esse acetà. Ant la votassion final vira votant a peul voté për vàire candidà ch'al veul. Ij/ël/la candidà che a pijo(a) pì 'd vot a son elegiù. S'a-i dovèissa esse na sitoassion ëd pari vot as ciamërìa n'elession suplementar.
Ël vot as ten a scrutini segret (visadì che ij nòm dij votant e për chi a l'han votà a ven-o nen publicà ant la wiki). Ël cont dij vot a lo fa n'organisassion esterna che i soma antramentr che i contatoma.
Candidà[edit]
Ij candidà anteressà a dovrìo compilé na domanda 'd registrassion ansima al meta antra ij 10 ëd Giugn dël 2007 (mesaneuit UTC) e ij 23 ëd Giugn dël 2007 (23:59 UTC). Passà col limit-lì as peul pì nen presentesse. Për esse acetà coma candidà un a l'ha da sodisfé tre criteri:
1. A dev esse n'utent ativ d'almanch un proget wikimedia anans dij 1 ëd Giugn dël 2007, coma indicà da la data pì veja ëd soe contribussion, e a dev avej già fait almanch 400 modìfiche con l'istess cont ant l'istess proget a ij 1 ëd Giugn dël 2007.
2. A dev buté an pùblich sò nòm vèir e a dev avej almanch 18 agn. (Për via che j'identità ëd chi a fa part dël Consej a l'han valor legal as peul nen esse ant ël Consej ëd Gestion coma anònim ò sot a pseudònim.)
3. A dev arsèive almanch ël nùmer mìnim d'apògg da gent con ël drit ëd vot. J'apògg a van marcà da chi a-j da ant sla pàgina a pòsta antramentr ch'a l'é doèrta l'acetassion dij candidà.
Ij candidà a l'han doe sman-e për presentesse al rest dla comun-a dla Wikimedia ën publicand sò programa. Ij coordinator dij viragi a vireran ij programa an vàire lenghe anans ch'as anandio j'elession. Ij candidà a venta ch'a ten-o da ment che pì ampressa ch'a pùblico sò programa, e pì a l'é belfé ch'a ven-o virà an pì lenghe anans ch'a sia anandiasse ël vot.
Votant[edit]
Për avej drit al vot n'utent a dev esse stait ativ ansima a almanch un proget dla Wikimedia për tre mèis anans dij 1 ëd Giugn dël 2007 (visadì da ij 1 ëd Mars dël 2007), com a as peul arlevesse da la data dla prima contribussion dl'utent, e a dev avej fait almanch 400 modìfiche da 'nt l'istess cont a ij 1 ëd Giugn dël 2007.
Ij votant a peulo deje apògg fin a tre candidà al màssim. Ij candidà a peulo apogé al màssim doj candidà ant sël pat d'apogesse daspërlor. Pì d'istrussion rësgoard a j'apògg a peulo trovesse ant sla pàgina dj'apògg.
J'utent a peulo nen fé ël total ëd lòn ch'a l'han fait an vàire proget për rivé al mìnim ëd 400 modìfiche dont a fa da manca për avej ël drit dë voté: a l'han d'avej fane 400 ant un proget sol. Për lòn ch'a toca ël drit ëd vot e d'apògg, la prima modìfica a dev esse staita faita nen manch che tre mèis anans dij 1 ëd Giugn dël 2007; për candidesse, nen manch che n'ann anans dij 1 ëd Giugn dël 2007.
Bele che un a peula avej ël drit ëd vot an vàire proget a peul sempe mach voté na vira sola për tuti.
Scadense[edit]
Registrassion dle candidature:
- As deurb da la Dumìnica dij 10 ëd Giugn dël 2007 (a mesaneuit UTC)
- As sara al Saba dij 23 ëd Giugn dël 2007 (23:59 UTC)
Registrassion dj'apògg:
- As deurb da la Dumìnica dij 10 ëd Giugn dël 2007 (a mesaneuit UTC)
- As sara al Saba dij 23 ëd Giugn dël 2007 (23:59 UTC)
Vot:
- As deurb da 'l Giòbia dij 28 ëd Giugn dël 2007 (a mesaneuit UTC)
- As sara al Saba dij 7 ëd Luj dël 2007 (23:59 UTC)
Ël vot as ten a scrutini segret (visadì che ij nòm dij votant e për chi a l'han votà a ven-o nen publicà ant la wiki). Ël cont dij vot a lo fa n'organisassion esterna che i soma antramentr che i contatoma.
Motobin mersì,
Kizu Naoko
Philippe
Jon Harald Søby
Newyorkbrad
22:42, dël 9 ëd Giugn dël 2007 (UTC), Comità Organisativ dj'Elession dël Consej dla Wikimedia 2007