Wikimedia Foundation elections/Board elections/2008/Candidates/yue

From Meta, a Wikimedia project coordination wiki
Jump to navigation Jump to search
The election ended 21 June 2008. No more votes will be accepted.
The results were announced on 26 June 2008.
2008 理事選舉
組織

呢頁都係合資格候選人嘅自我簡介。各位喺投票請先前先睇睇投票規則。你又可以對候選人提出發問或者睇吓其他人對候選人有乜問題.


候選人簡介[edit]

Ad Huikeshoven (Dedalus)[edit]

資訊
Ad Huikeshoven, 2006年
  • 個人:
    • 名: Ad Huikeshoven
    • 年紀: 44
    • 所在地: 荷蘭海牙
    • 識嘅話: 荷蘭話、英文
參選政綱 我由2007年1月就以非理事會委員身份幫協會做審計同埋做財政報告;隨住協會規模一路一路做大,網路存貯費用條數都日漸增長,呢啲都要靠補助同埋好多小捐獻,所以建立一個誠信形象對維基協會係好需要。舉個例;唔合資格嘅核數師做出嚟嘅財政報告,會令捐獻者嘅款項唔能夠好好運用。我喺Maastricht大學嘅經濟及商業管理讀到碩士學位,加埋我又係一個拎住CIA證照(核數師證照)嘅專業核數師,同埋埋超十年專業嘅相關經驗,我關心協會同埋有關計劃嘅長遠同埋持續發展性。我好樂意貢獻我嘅專業同埋經驗,成為基金會理事。

Alex Bakharev[edit]

資訊
2008年我喺泰國清邁
  • 個人:
    • 名: Alexander S. Bakharev
    • 年紀: 44
    • 所在地: 澳洲維多利亞墨爾本
    • 識嘅話: 英文 (尚好)、俄文 (母語)
  • 編:
    • 開始寫維基: 2005年6月
    • 打躉: 英文維基百科、共享資源、俄文維基百科
參選政綱 我喺俄羅斯聖彼得堡出世同埋長大,我喺伊利諾伊大學攻讀博士後研究,12年前開始喺澳洲墨爾本,喺一間工業廠商擔任研究員。2005年6月開始我成為維基友之一,而到咗2006年2月我做咗英文維基百科管理員,同埋時又開咗個AlexNewArtBot 機器人

有一樣嘢令我好擔心,就係維基媒體發展步伐開始慢起嚟,甚至可以講係滯咗喺度。對於呢啲問題,我哋喺基金會層面上有幾樣問題要解決:

  • 好嘅維基編輯因為爭執同埋覺得受唔到尊重,心灰意冷而離開
  • 維基媒體喺主流社會入唔太受尊重,我哋需要多啲宣傳維基媒體計劃嘅重要性,同埋對社會有乜貢獻
  • 好多維基友因為幫我哋而受到滋擾,我哋需要成立一個訴訟基金,用嚟保障返維基友嘅利益同埋提供一啲協助。
  • 基金會需要更多資金,我認我地要多試吓主動搵政府或者大公司贊助

Craig Spurrier (Cspurrier)[edit]

資訊
我喺2007國際維基媒體年會度影
  • 個人:
    • 名: Craig Spurrier
    • 年紀: 19
    • 所在地: 美國南加州哥倫比亞
    • 識嘅話: En-n, De-2, Fr-1
  • 編:
    • 開始寫維基: 2004年9月
    • 打躉: 英文維基新聞、英文維基百科、英文維基教科書(間中)
參選政綱 大致上我認為而家嘅基金會理事已經做得唔錯,但係整體嚟講,我覺得仍然有啲可以改善嘅地方。

維基百科嘅姊妹計劃好多時都畀人低估同埋忽略。我希望大家可以多啲關注吓呢啲項目,我相信理事會可以喺唔影響維基媒體之下,幫呢啲項目發展。

好多用戶覺得只係得維基百科比較受重視。作為一個理事,我會積極令社群覺得理事會係會理大家嘅意見,保証一定會處理

其他要改善地方:

  • 我地要改善唔同項目之間溝通,唔同項目之間有太多累贅嘢,密切嘅溝通同合作可以令資源運用得更好
  • 維基基金會喺媒體同埋公共形象仍然有問題,多啲同媒體溝通可以令整體形象扭轉,而唔同項目之間多啲溝通都可以幫到公關形象,就好似最近維基新聞畀媒體嘅負面形象咁。

我喺

  • 服務員
  • 英文維基新聞嘅事務員、Checkuser同埋訟裁委員會成員之一
  • 英文維基書嘅管理員
  • 維基新聞特約記者
  • OTRS有關服務員,申請許可info-en嘅代表

關於我:我有一個社會學(文學士)學位。我係電腦顧問,專攻網路應用程式發展。

Dan Rosenthal (Swatjester)[edit]

資訊
我喺舊年影嘅相
  • 個人:
    • 名: Dan Rosenthal
    • 年紀: 25
    • 所在地: 美國華盛頓 DC
    • 識嘅話: 英文,識讀同埋寫西班牙文同埋意大利文,但唔識講
  • 編:
    • 開始寫維基: 2005年12月
    • 打躉: 元維基、英文維基百科、英語wikiversity、拉丁話百科、共享資源、基金會wiki、OTRS wiki
參選政綱 我喺維基嘅時間,幫過維基媒體基金會做法律實習、OTRS 法律代表,新聞發佈,info-en 輪候,新聞傳訊委員會成員,美國有關聯嘅記者,而最近,我籌備緊一個喺華盛頓發展中嘅工作小組,以代表維基媒體基金身份喺入面幫手。我畀《華盛頓郵報》,《紐約時報》,有線電視新聞網絡(CNN),《國會季刊(Congressional Quarterly)》同其他國際媒體訪問過。我又曾經係一個退伍伊戰軍人組織嘅理事。我係美國華盛頓法律學院二年級法學生,喺學生委員會入面負責監察一個每年大約五十萬美金嘅預算案。

我關心嘅順序:

  • 積極改善基金會嘅形象同媒體關係。
  • 同社群成員保持合作,確保維基社群嘅聲音可以傳到入理事會。
  • 幫基金會提升籌款能力。
  • 確保所有維基媒體社群,無論批評定支持,都一樣受到公平對待同尊重。

Gregory Kohs (Thekohser)[edit]

資訊
  • 個人:
    • 名: Gregory Kohs
    • 年紀: 39
    • 所在地: 美國賓夕凡尼亞州
    • 識嘅話: 英文 (精通)、德文 (通)
參選政綱 我選舉係一次對三大原則嘅公投:


  • 維基媒體入面啲講人但又無根據嘅內容,對當事人構成好大傷害。作為理事,我會根據 Doc glasgow 喺《The BLP problem》講嘅原則,推動一個新嘅刪除條目標準。


  • 商業性資助嘅編輯同其他讚助補貼嘅活動,只要唔好做得太濫,好自然對開放資源嘅免費內容有利。 基金會理事應該包括金主,唔好只係得啲無錢嘅義工,好似 Linux 咁都無因為 Red Hat 同埋IBM嘅廣告攻勢而崩潰


  • 基金會理事同埋員工主管需要為項目運作失敗而負責。過去18個月以來發生咗一連串公關失誤同醜聞,基金會絕對唔可以再駝鳥政策同埋對指責當係「無病呻吟者(disgruntled)」「蓄意搗亂份子(trolls)」,應該要返返去追求準確、優秀同傳媒道德。


呢三樣嘢都係基金會同相關計劃嘅致命傷


  • 簡歷:
已婚,有一個細路,喺一間畀財富雜誌列咗入百大嘅公司做市場研究總監,同埋喺區入面嘅敎會理事成員。學歷:艾默里大學(Emory University)榮譽文學士、特普大學(Temple University)文碩士同博士生(C.Phil)。我鍾意旅行,鋼琴,吉他,支持底特律職業運動,同玩啤牌。

Harel Cain (Harel)[edit]

資訊
我喺以色列維基百科年會
  • 個人:
    • 名: Harel Cain
    • 年紀: 29
    • 所在地: 以色列耶路撒冷
    • 識嘅話: 希伯來文、英文、德文同埋小小法文
  • 編:
    • 開始寫維基: 2004年9月
    • 打躉: 希伯來話維基百科、以色列協會、喺意第緒語維基百科活動過
參選政綱 我係電腦保安工程師,將會成為數學碩士學位。同時又做書本翻譯

我由希伯來維基百科啱啱開始到而已經參與咗三年半咁耐,重做埋嗰度嘅管理員、Checkuser同行政員。我睇住佢點樣由一個細社羣,然後經歷好複雜但有趣嘅過程,最後規模慢慢變大但管理上亦相對變難。

喺2007年8月我喺維基媒體年會發表演講,喺嗰陣我明白維基媒體喺世界上角色。我係以色列分會成員兼執行理事之一。

我覺維基媒體得最正嗰樣嘢係能夠由網上世界去到現實世界,而讀者又會變成參與者再形成一個社羣。

如果當選理事,我會支持:

  • 就算可以分配出嚟嘅資源好小同好節制,理事會都應該儘量舉辦活動,促進唔同地區編輯嘅社羣發展。
  • 開拓一啲唔同層面嘅人參與維基媒體項目,例如舉辦維基媒體展覽
  • 嚴格管理維基媒體員工所做嘅重要決定,尤其喺招聘新人,呢啲都係常見漏洞之一
  • 同傳媒更密切聯繫,減少一啲涉及基金會嘅負面流言
  • 未至於山窮水儘到要破產嘅話,都千祈唔好喺維基媒體計劃上登商業廣告

Jussi-Ville Heiskanen (Cimon Avaro)[edit]

資訊
Portrait of the candidate, by Jukka Halme.
  • 個人:
    • 名: Jussi-Ville Heiskann
    • 年紀: 42
    • 所在地: 芬蘭赫爾辛基
    • 識嘅話: 芬蘭文、英文
  • 編:
    • 開始寫維基: 2003年4月
    • 打躉: 英文維基百科、芬蘭維基百科
參選政綱 我一路睇住維基媒體發展,包括芬蘭文維基百科點樣由最初近乎荒廢,到而家已經建立成一個有生命力嘅社羣。我都非常明白由英文維基百科承傳落嚟嘅政策同功能設計,對細項目影響力有幾大。

我喺一間商科大學主修圖書館學同資訊科學。

喺當選之後我會:

將焦點由維持基本發展,轉到去經營一啲令我哋引以為傲嘅內容,兼且更進一步改進呢啲內容。

我哋嘅社羣同組織部份已經成熟。係時候重新分配資源去支援一啲革新技術:

  • 改進軟件去維持我哋嘅質數
  • 令編輯介面更易睇得明
  • 支援擴充功能令非維基媒體項目可以發展
  • 將擴充介面本地化,發展成一般性嘅翻譯工具 (Develop the interface localisation extension into a generalized translation tool.)

理事會需要唔同介別嘅人,但呢啲人唔可以偏離得我哋社羣太遠。

我哋而家面對最大問題係「太好」,啲人預期我哋係好好、好用、好叻、好出名。

Kurt M. Weber (Kmweber)[edit]

資訊
Atop the fire lookout tower at Martin State Forest in Martin County, Indiana
  • 個人:
    • 名: Kurt M. Weber
    • 年紀: 23
    • 所在地: 美國印地安那州普林斯頓
    • 識嘅話: 英文、拉丁文
  • 編:
    • 開始寫維基: 2004年5月
    • 打躉: 英文維基百科
參選政綱 雖然我幾乎都係喺英文維基百科活躍(05年11月都有喺英文維基新聞活躍過一陣),但我有留意到基金會對所有維基百科項目嘅影響。過去幾個月我對呢啲問題發表越來越多意見,令好多人沮喪,而畀威爾士先生長期擔任理事更加係難以接受。基金會需要社羣,唔係社羣需要基金會,兼喺過去幾年我覺得理事會已經無咗方向,慢慢自已成為一個獨立王國,高高在上咁控制維基百科維基社群。

我目標係扭轉呢個現象,作為一個理事成員,我會致力限制基金會喺社群上嘅角色,確保對所有項目喺法律上、經濟上同技術上有必須隱定嘅保障。我同時會建議理事會要由全部社群成員選舉出嚟,兼取消所有委任同當然議席。

理事會應該係令社群運作,而唔係控制社社群,係時候要實現呢啲嘢。

Matthew Bisanz (MBisanz)[edit]

資訊
At FORUM 63 where 我presented a paper on aviation patent law
  • 個人:
    • 名: Matthew Bisanz
    • 年紀: 22
    • 所在地: 美國 紐約
    • 識嘅話: 英文、西班牙文(基本閱讀)、拉丁文(基本閱讀)
  • 編:
    • 開始寫維基: 2005年7月
    • 打躉: 英文維基百科、元維基 (間中)、維基共享 (間中)
參選政綱 身為一個土身土長嘅紐約人,我以管理員身份活躍喺英文維基百科,又係機器人(Bot)核准小組成員,兼協助調解委員會處理佢哋提出嘅問題。

我啱啱 MBA 會計畢業, 最近三年喺一間非牟利組織入面嘅管理層兼職,同時我又準備考埋個認可專業會計試,我又有個工商管理(BBA)學位喺法律、會計管理方面。

我認為自己有幾樣嘢係可以對維基基金會貢獻。美國通訊條例第二百三十條會令維基基金會好難再進一步喺唔同層次上干涉社羣,我相信需要多啲團結社羣去影響返基金會。

理事會成員可以參考SkypeIRC、mailing lists 同一啲網上論壇嘅一啲類似Q & A概念,更加倍主動去對社羣做關於項目同新概念嘅民意調查。

元維基以一個超過700個維基基金會交叉各維基嘅中心,應該有比而家大十倍規模,應該鼓勵喺所有項目活躍嘅用家,多啲對基金會喺推動同發展自由內容嘅方向上,發表多啲自己意見同見解。

我會以鼓勵唔同項目之間合作、交換意見,或者好似《紐約時報》咁畀啲參考途徑等,用呢啲方法去作出改變。咁可以對所有項目嘅形象同活躍度有正面影響。

Paul Williams (Skenmy)[edit]

資訊
Me at Play.com Live! for Wikinews, 2008.
  • 個人:
    • 名: Paul Williams
    • 年紀: 18
    • 所在地: 英國埃塞克斯
    • 識嘅話: 英文
  • 編:
    • 開始寫維基: 005年8月
    • 打躉: 英文維基新聞、英文維基百科、元維基
參選政綱 我有幾樣嘢希望喺我有機會當選理事之後做:
  • 鼓勵學多啲可以推廣同令維基百科多啲人用嘅技術同程序,兼用呢啲相應技巧去推廣其他姊妹計劃。
  • 推動各維基百科同姊妹項目之間合作 (例如翻譯內容、將維基百科唔同嘅嘢再分散經營)
  • 加強維基百科同埋姊妹項目嘅內容核証性同可信性(例如:學術上)

我諗以而家基金會嘅成熟程度,呢啲嘢都係做得到,同埋我好誠意希望可以成為理事會一份子去幫基金會同相關項目手,大細多小都無所謂。

我一路都有提議維基百科應該分散嚟搞,將唔關百科事嘅內容拎走,放返去專門嘅姊妹項目度做,減輕返維基百科嘅壓力。維基百科呢個問題已經放喺度好耐,隨住啲小型項目慢慢變大,我相信係時候要變吓。

Ray Saintonge (Eclecticology)[edit]

資訊
  • 個人:
    • 名: Ray Saintonge
    • 年紀: 65
    • 所在地: 加拿大溫哥華烈冶文 B.C.
    • 識嘅話: 英文、法文(不過程度唔高)
  • 編:
    • 開始寫維基: 2002年2月
    • 打躉: 英文維基資源 (而家),又同埋時喺英文維基百科活躍,同埋以前喺英文維基字典活躍過
參選政綱 我係一位半退休嘅稅務顧問,對跨境稅務問題特別有經驗。而最近我喺一個有成23000名學生嘅學校城做家長教師會幹事。不過由於我個仔就快畢業,所以呢個職位就快無得做。我係一個書痴,儲書儲得好癲,出名係一個鍾意儲雜物嘅人。

維基字典同維基文庫創立嗰陣我都有份,三次維基媒體國際大會都去過晒,我又喺 mailing list 同 foundation list 度對管治問題發言。

我相信每個獨立項目嘅自主性係需要尊重,但重要原則例外。如果個項目做得唔啱路數,就一定要自己負返責任同解決返個問題,唔好諗住理事會好似神咁會打救你。

我支持委員會要有基層人士呢個原則,喺唔受干擾個別項目之下,可以制訂編輯政策

我相信每個人都應該有機會編輯自己有興趣嘅項目,唔會因為技術問題而做唔到,永遠記得呢樣正係我哋發展時要承擔嘅責任

我相信社群運作應該基於相互尊重,而唔係靠打壓同懲罰

我相信開多啲分支等可以再分散啲發展,因為咁可以鼓勵多啲地區上嘅募款同開銷會

Ryan Postlethwaite[edit]

資訊
Ryan Postlethwaite (on the left), 2007
  • 個人:
    • 名: Ryan Postlethwaite
    • 年紀: 22
    • 所在地: 英國曼徹斯特
    • 識嘅話: 英文、法文、德文
  • 編:
    • 開始寫維基: 2006年10月
    • 打躉: 元維基、英文維基百科
參選政綱 第一次見面,等我自我介紹吓先,我叫賴恩(Ryan),而家講緊理學碩士(生物醫生及法醫),兼有個理學士(藥劑)學位。2006年10月我開始喺英文維基百科,到2007年3月做埋管理員。我發覺最正係發現呢度嘅社羣精神,見到大家樂意花好多時間,又唔收錢咁去為全世界好多人提供免費內容。我認為理事會需要認同係社羣令所有項目成功,但係我唔覺得而家嘅理事會有咁嘅動機。我哋需要長遠計劃,募捐係無問題,但理事會需要確保項目可以一直咁隱定。因為咁,我希望帶入理事會嘅嘢有:
  • 將社羣嘅影響力帶入理事會,首先,喺理事會入面建立多啲社羣議席,第二要令社群對基金會嘅事畀多啲意見。
  • 長遠而隱定嘅基金募捐,確保項目可以唔使喺頁面賣廣告之下重可以維持好耐。
  • 同社羣多啲溝通,當理事會出咗問題,要有足夠開放嘅透明度畀社羣可以參與意見。

Samuel Klein (Sj)[edit]

資訊
2007年8月,台北. Credit: Joi
  • 個人:
    • 名: Samuel Klein
    • 年紀: 30
    • 所在地: 馬薩諸塞州劍橋
    • 識嘅話: En-5, De-2, Es-1, Fr-1
  • 編:
    • 開始寫維基: 2004年1月
    • 打躉: 元維基(服務員)、英文維基百科(管理員)、納瓦特爾文維基百科(管理員)、斯瓦希里文維基百科(管理員)、英文維基新聞、英文維基教科書、基金會wiki、2005同埋2006年度國際年會wiki
參選政綱 維基媒體嘅項目已經變成一樣貢獻世界嘅典範,為咗帶畀世界免費知識,令基金會喺不斷成長同時亦面對新嘅障礙,但亦成為一個開放、低門檻嘅典範組織。雖然喺過程中,無論社群、技術、拓展等一直有好多難關,但最後多得社群成員熱心幫手,最後問題都解決。



貢獻咗項目有成4年,好似編輯、翻譯、管理員、監管員同策劃會議。我喺課堂,會議同傳媒講關於維基媒體。我幫元維基翻譯,又喺2004至2005年期間,幫過《維基媒體季刊》呢個多語言通訊報手。而頭兩年維基媒體國際大會我都有幫手籌辦,同主持喺波士頓舉辦嘅Wikimania 2006

過去兩年我參與一孩一電腦計劃,做社群內容部總監,將知識同創意分享畀啲小朋友,推動發展中國家嘅教育。

身為理事,我會:

  • 以社群代表身擔任理事長,而唔係個人身份。即係話我會同社群做頻繁溝通,舉辦公開會議,喺唔同項目唔同語言上幫大家手
  • 鼓勵派遣代表延伸同發展支部溝通
  • 專注小型項目嘅需要,提供改善途徑畀佢哋
  • 睇緊啲捐款令基金會可以持續穩定

Steve Smith (Sarcasticidealist)[edit]

資訊
  • 個人:
    • 名: Steve Smith
    • 年紀: 26
    • 所在地: 加拿大亞伯達省愛民頓 (2008年8月之後就搬咗新伯倫瑞克省弗雷德里克頓)
    • 識嘅話: 英文、法文 (以前好流利,而家至多溝通到)
  • 編:
    • 開始寫維基: 2007年2月
    • 打躉: 英文維基百科、元維基、維基共享
參選政綱 我係:
  1. 英文維基百科嘅管理員同埋OTRS嘅義工
  2. 一問資產值五十萬嘅非牟利機構嘅經理
  3. 做過三間非牟利機構、一間法定機構同埋一間牟利機構嘅總監
  4. 間唔中會去受組織邀請,去做有關公司管治嘅講座
  5. 2008年9月開始喺法律學院讀書

以上資料如有需要我可以提出憑證。如果當選,我會:

  1. 建議基金會對一啲大型項目設立委員會,委員會負責:
    • 授權制訂關於個別計劃嘅政策;
    • 社群成員對某啲嘢用投票做決定只能夠作有限度決策;
    • 社群嘅共識有完全否決權;
    • 授權去改變計劃固有嘅結構;
    • 對基金會根據美國通訊條例第二百三十條入面作為非出版人嘅地位唔受威脅;
  2. 確保而家急速成長嘅支出大過收入嘅情況,只係單純反映組織係急速成長(ensure that the current more rapid growth of expenses than of revenues is merely a symptom of a rapidly growing organization;);
  3. 審慎咁樣考慮任何發佈協議嘅轉變;
  4. 支持由現有嘅理事會組成嘅改革方案,除咗地方分會嘅結構之外(我需要了解多啲先至再做評論);
  5. 反對喺任何嘅維基媒體計畫發佈商業廣告

Ting Chen (Wing)[edit]

資訊
2007年參加台北國際維基媒體年會嘅Wing
  • 個人:
    • 名: 陳霆
    • 年紀: 40
    • 所在地: 德國美茵茨
    • 識嘅話: 中文、德文、英文、小小法文
  • 編:
    • 開始寫維基: 2003年1月
    • 打躉: 中文維基百科、德文維基百科、英文維基百科
參選政綱 我喺上海出世,哈爾濱長大,喺20歲嗰年搬咗去德國住,我而家住喺德國美茵茨,喺IBM做程式員。

我喺五年前開始參與維基百科,喺德文、英文同中文維基之間編輯同翻譯過唔小文,喺呢一年入面我睇住三個維基百科計劃成長,睇到佢哋嘅弱點同強項。身為現任中文維基百科管理員同行政員,我處理過好多清理同社羣互動,又幫手組織2007台北維基媒體年會。

我強烈相信同堅持維基媒體同佢嘅計劃,需要保持開放、中立、簡單和多樣性。

如果當選理事,我會:

  • 支持發展MediaWiki,令呢套嘢更方便易用
  • 支持可以吸引同維持新貢獻者嘅措施
  • 鼓勵嚟自世界各地維基媒體之間唔同社羣、項目之間嘅人嘅交流
  • 維護維基媒體社羣入面各種語言、文化同多元性
  • 促進維基媒體同大學,或者各種非營利/公共教育同研究組織(例如圖書館)之間合作

指引[edit]

候選人申請期已經結束