Agụmakwụkwọ/Akụkọụwa/nke ọnwa Ọgọst afọ 2022/Nguzobe onye nkuzi nke nwere asambodo maka ịgụ Wikipedia na klaasị.

This page is a translated version of the page Education/News/August 2022/The Making of a Certified Trainer of Reading Wikipedia in the Classroom and the translation is 92% complete.

Outdated translations are marked like this.

Nguzobe onye nkuzi nke nwere asambodo maka ịgụ Wikipedia na klaasị

Author: Ngozi Perpetua Osuchukwu

Summary: Anyị na-amụta ihe site n' ịkụziri ndị ọzọ iji mepụta ụwa anyị chọrọ. Mgbe anyị mụtara ihe, anyị na-enweta ozi,ewulite ikike anyị, nwee nhụrụnuche, na dozie nsogbu. Ndị a bụ uru dị n'ịnọ na mmemme mmụta Wikimedia nke Ịgụ Wikimedia n'ime klaasị.
Ndi Naijiria nwere asambodo maka iji Wikipidia mee nkuzi na Klasị nke afọ 2022
Social Media channels or hashtags:

Njem nke agba nke abụọ nke Ọzụzụ Ndị nkuzi (ToT) maka “Ịgụ Wikipedia na Klas malitere site na mmadụ iri abụọ na anọ sitere na mba ụwa niile. Na Naijiria anyị dị isii: Ngozi Osuchukwu, Obiageli [Oby] Ezeilo, Euphemia Uwandu, Atiba, Kemi, na Clement Dike. Ndị ọzọ bụ, Ghana mmadụ atọ, Kenya mmadụ abụọ, Morocco mmadụ abụọ, Peru otu onye, Burundi otu onye, Mexico otu onye, Democratic Republic of Congo otu onye, Cameroon otu onye, Polinesia otu onye, Uganda otu onye, Benin otu onye, India otu onye, Italy otu onye, na Uruguay otu onye.

' Njem m na akụkọ nke ịbụ onye nkuzi ọzụzụ (ToT) bidoro n'ọnwa Eprel afọ 2022.

N'ụzọ mkpalite mmụọ, Ọgụgụ Wikimedia na klaasị bụ nke e mere iji kwado agụmakwụkwọ dị uru nke SDG4 guzobere. Ọ gbadoro ụkwụ na nzụlite nke ndị nkuzi na ụmụ akwụkwọ nwere nka mgbasa ozi na mmuta ozi (MIL) nke UNESCO na-akwado. Ya mere, a họpụtara anyị ma zụọ anyị ka anyị kuzire ndị nkuzi, ebe ụmụ akwụkwọ na-enweta ya site n'aka ndị nkuzi iji kwalite nkà ha n'ịchọ ihe na intanetị ma gbochie iwere ọrụ mmadụ. Ihe omume a nwere modulu atọ gụnyere Mmụta, Nkuzi na Nkwado. Ih nkuzi a nwekwara usoro maka ịtụgharị akụrụngwa mmụta n'asụsụ ọ bụla iji mee ka onye ọbula sonye. Ka ọ dị ugbu a, Mmadụ iri ise na atọ enwetala asambodo maka ọgụgụ Wikipidia na Klasị kemgbe ebidoro ụdị ọzụzụz a. Mmadụ asaa sị ihe nkuzi agba mke mbụ n'afọ 2020, agba nke abụọ zụptara mmadụ iri abụọ na abụọ n'afọ 2021 ebe agba nke atọ zụpụta mmadụ iri abụọ na anọ n'afọ 2022. Nke a bụ ihe dị mma ma na-aga n'ihu.

Nkuzi ịntanetị a nke were izu iteolu tosiri mmụta so ya, Nzute ndị sonyere n'ihe nkuzi sitere n'ụwa niile, mkparịta ụka n'Ịntanet, na mekọrịta site n'ebe mkparịta ụka. Ekpughere anyị anya site na WikiLearn, Asana, Google Meet, Google Spreadsheets, Google Jamboard, Zoom, na UpWork. Kedu onye ga-eche na otu ọzụzụ n'ịntanetị ga-enwe ọtụtụ akọrọngwa maka mmụta? Ọ bụ ihe ngosi ka ewelitere ozi anyị na ọgụgụ dijitalụ site na Mmemme Mmụta Wikipedia. Anyị mụtara ihe ndị a niile site n' oge ọzụzụ mmekọrịta, awa ọrụ kwa izu, mkparịta ụka na ịgụ akwụkwọ ọmụmụ akwụkwọ dị iche iche.

Nsonye m na agba nke abụọ, anyị malitere ihe ọmụmụ a site na Eprel ruo Mee afọ 2022 n'okpuru onye ndu anyị bụ Melissa Guadalupe Huertas, na otu ya. Anyị mere ọrụulọ nke kwadebere anyị maka ọrụ oge niile chara acha maka agụmakwụkwọ Wikipidia. Anyị mụtara ka esi ahazi na akwado mmemme pụrụ iche dị ụtọ, mepụta nyocha mkpa na atụmatụ mmejuputa, mee mgbasa ozi na ijikọ ndị nkwado, mepụta akwụkwọ mmefu ego, ma hụ usoro nlekota na nyocha dị iche iche.

Ịsonye n'agba nke abụọ nke Ọzụzụ (ToT) maka Ịgụ Wikipedia na Klas (2022) nyere m oghere:

Mụ na ndị na-arụ ọrụ Wikimidia na mba ụwa niile nwee mmekọrịta
Hụ mmadụ abụọ ndi nke Naijira anya ma nwee mmekọrịta mgbe e mere mmemme Wikimenia 2022 na Legọsị.

Hazie mmemme Wikimedia wee kesaa echiche na echiche maka imekọ ihe n'etiti ụfọdụ ndị sonyere.
Nweta nghọta ndị ọzọ site n'aka ndị na-eso ụzọ maara ihe maka idobe ya.
Wulite mmụọ ntụkwasị obi ma kwado mmemme Wikipedia na steeti m.
Wepụta akwụkwọ ahụmịhe dabere na Wikipedia na ọgbakọ obodo na nke mba ụwa.
Kwuo ma kesaa akụkọ nke m na akwụkwọ akụkọ agụmakwụkwọ Wikipedia dịka o si metụta m, m nwere ike ikwuru na-aga n'ihu.

Na-agbanyeghị na ọzụzụ ahụ adịghị mfe n'ihe na ịntanetị anaghị adị ire mgbe niile, data dị oke ọnụ, ịbịa nzukọ na ime ọrụ ụlọ m bụkwa ihe nhịa ahụ ọzọ. Mana emere m ya nke ọma wee were baajị asambodo – Onye nkuzi Wikimidia na klasi pụta. Nke a bụ ogo ya maka ana m akwado ime nkuzi ihe mmụtara na gburugburu m.