Licensing update/Vote-header/ia

From Meta, a Wikimedia project coordination wiki
Jump to navigation Jump to search
Translators: When updating the vote header, please also update its status at Licensing update/Header tracking so the updated content will be properly copied to the vote server.
Actualisation de licentia
Le Consilio de Administration del Fundation Wikimedia invita le communitate de Wikimedia a votar super iste proposition a licentiar le materiales de Wikimedia pro render los disponibile sub le licentia Creative Commons Attribution-ShareAlike (CC-BY-SA), mantenente le licentia duple con le Licentia GNU pro Documentation Libere (GFDL). Le Consilio ha evalutate le optiones possible de licentias pro le materiales de Wikimedia, e crede que iste proposition es le melior option disponibile pro attinger nostre objectivo commun a colliger, disveloppar e disseminar materiales educative, e render los disponibile a tote le mundo, gratuitemente, in perpetuitate.

Specificamente, le Fundation Wikimedia propone emendar le terminos de licentia e de uso in tote le sitos e projectos como seque:

  1. render tote le contento actualmente distribuite sub le Licentia GNU pro Documentation Libere (con le clausula "o alcun version plus recente") additionalmente disponibile sub CC-BY-SA 3.0, como explicitemente permittite per le ultime version del GFDL;
  2. requirer le continuation del licentia duple de nove modificationes del communitate in iste maniera, permittente totevia que le contento de tertie personas sia licentiate exclusivemente sub CC-BY-SA;
  3. informar le reusatores que le contento con informationes importate con licentia CC-BY-SA exclusive non pote esser usate sub GFDL.

In ultra, como es consistente con le politica e practica in vigor, e como es consistente con le licentia CC-BY-SA, le autores e redactores essera requirite a consentir a esser recognoscite per le reusatores; al minimo, isto essera facite per un hyperligamine o un adresse URL verso le articulo al qual illes contribue.

Pro le detalios e linguage specific in le nove conditiones de servicio proponite, lege le pagina Actualisation de licentia.

Pro responsas a questiones commun, vide Questiones e responsas.

Le Consilio de Administration prendera un decision final super iste proposition post considerar le resultato de iste voto. Al minus 50% del votatores debe esser in favor de iste cambiamento a fin que illo sia implementate. Si minus de 50% supporta iste cambiamento, le Consilio considerara optiones alternative e il sequera ulterior consultationes del communitate.