香港維基社群用戶組/議決/逃犯(修訂)條例草案

From Meta, a Wikimedia project coordination wiki

《2019年逃犯及刑事事宜相互法律協助法例(修訂)條例草案》相關聲明


2019年8月5號更新|香港現況相關聲明

香港維基社群用戶組(香港維基社群)喺5月16號就住逃犯條例已經議決過發出聲明,展釋立場。但係隨住事態發展,本地社群需要發出以下警示,並且促請國際社群,尤其維基媒體國際大會嘅東亞參與者,就住香港反逃犯條例示威嘅事態發展保持警惕。

近期事態發展顯示,喺香港特別行政區嘅反逃犯條例示威已經發展成騷亂。根據本地同外地傳媒嘅新聞報導,本地黑幫同警隊合作,而示威者就以「擋對方去路然後散去」嘅策略來「應戰」。

而爾排,市民罷工、示威者各種不合作運動同警隊嘅威嚇都令到交通出現混亂,亦令到身處香港,安全唔再得到完全保障。
另外,早前機場職員罷工亦都令到香港國際機場嘅運作幾乎癱瘓咁滯,淨係開放到一條跑道,於是乎引致到唔少航班延誤或者取消。

香港維基社群意識到相關安全同行程延誤嘅風險,所以奉勸國際會議舉辦方同參與者唔好揀香港做中轉站。

與此同時,香港維基社群收到成員通知,至少有三名成員係住喺衝突地區,特別係元朗。據報,當地有親政府議員同三合會合作,無差別攻擊路人。截至目前來講,本用戶組無成員因為反逃犯條例示威活動而受傷或者被捕。

本用戶組謹請社會大眾,包括警隊、政府同示威者等等,保持冷靜;亦都唔好向另一方首先使用武力。

謹代表用戶組全體聯絡員發出
1233 T / C 2019年8月5號 12:50 (UTC)


2019年6月15號更新

香港維基社群用戶組知道政府已經暫緩修訂案二讀。但係,政府除咗要向公眾解釋修訂案,仲應該循所有潛在嘅途徑諮詢市民,咁先可以緩和反對者同政府嘅緊張關係,同埋解決僵局。

謹代表用戶組全體聯絡員發出
1233 T / C 2019年6月15號 07:49 (UTC)


2019年6月11號更新

香港維基社群用戶組立場一如既往,要求政府暫時撤回修訂案,喺重新將修訂案交返去立法會之前聆聽各方意見。當六月九號有超過五十萬市民上街遊行施壓,政府係應該喺修訂案二讀之前充分聆聽同回應各方意見。

謹代表用戶組全體聯絡員發出
1233 T / C 2019年6月11號 04:26 (UTC)


議決內容

香港維基社群用戶組其中一個重要宗旨係捍衛維基媒體活動喺香港提供現有服務所需要嘅權利,當中包括法律條文同無限制咁存取自由知識。

本組對《2019年逃犯及刑事事宜相互法律協助法例(修訂)條例草案》極之關切,憂慮條例會阻礙本組實踐上列宗旨。草案裡頭,移交逃犯去中國大陸將唔會再受到限制。而有鑒於中華人民共和國係限制存取維基百科同其他姊妹計劃,本組極為憂慮爾個草案通過以後,會帶來寒蟬效應,以及令維基媒體喺香港提供服務嘅權利(包括但唔止係存取維基百科)失去保障。

本組極為關切草案所可能帶來嘅影響,並謹此敦促各方保持冷靜同理性。同時,亦期望政府能夠暫時撤回上述草案。喺充分諮詢市民同其他持份者,同埋解決疑慮以後,先至再提交草案。


本聲明得到本組聯絡員同社群成員共識議決,並且喺2019年5月16號發出。

1233 T / C喺2019年5月16號15:39 (UTC)確認

香港維基社群用戶組喺二○一八年九月二十八號獲得維基媒體基金會正式承認為維基運動分支組織,本用戶組參與者係一眾居港維基人。
如有傳媒查詢,請透過Telegram聯絡User:1233(Telegram用戶名為@theonly23333) 又或者喺香港維基社群用戶組Facebook專頁留言。

決議淨係反映緊香港用戶組嘅意見,並唔係維基媒體基金會嘅官方立場。

參考

2019年逃犯及刑事事宜相互法律協助法例(修訂)條例草案
2019年6月反對逃犯條例修訂草案遊行