Komperensya nin ESEAP 2022
An Komperensya Nin ESEAP 2022 sarong pangrehiyon na tinipon para sa mga komunidad nin Wikimedia sa bilog na rehiyon nin ESEAP: an ESEAP minatumoy sa East (Subangan), Southeast Asia (Sur-subangan na Asya), and the Pacific (asin an Pasipiko). Gigibohon ini sa Sydney, Australia sa Nobyembre 18-20, 2022 asin ini an ikaduwang pangrehiyon na komperensya para sa mga komunidad na ini nin Wikimedia.
Agi-agiAn East and Southeast Asia and the Pacific o Subangan asin Sur-subangan na Asya asin an Pasipiko sarong nag-uuswag na rehiyon sa laog kan komunidad nin Wikimedia. Igwa nin signipikanteng bilang nin mga paraambag sa Wikimedia sain man sa mga rehiyon na ini, asin pinatalubo nyato an komunidad poon kan inot na harampangan kan 2018 asin padagos na pinapusog pasiring sa pagmukna nin taragboan na pakarhay an palakaw o an hub. Ining komperensya titiriponon an mga partisipante gikan sa manlainlain na komunidad sa ESEAP tanganing mapakusog an pagtinarabang-tabangan asin tanganing urog na masabotan an mahahalagang isyu na hinahampang sa rehiyon asin tanganing makahanap nin mga solusyon sa mga ini. An ESEAP iyo an magigin jagsibot kan Wikimania 2023, an pinakainot na harampangan nin personal sa pos-Covid na Wikimania. Matapos an huring Wikimania kan 2020, ining komperensya dadarahon asin titiriponon an Core Organising Team para sa Wikimania 2023 tanganing magtabang sa desinyo kan Wikimania sa matapos an COVID na labing nadara nin pagbabago sa kinaban. An pinakahuring pangrehiyon na harampangan sa ESEAP pinagsibotan kan Wikimedia Indonesia sa Bali ka 2018, dangan an matriumpong ESEAP Strategy Summit ginibo man sa Bangkok kan Hunyo 2019. Dakol na an bago poon kaidto kun kaya mawot nyato na magkahiriling an liwat an mga indibidwal sa hiron nin Wikimedia sa laog kan rehiyon nin ESEAP, tanganing maghiras nin kaisipan, asin magmukna nin pangrehiyon na mga kolaborasyon. Para sa mga kahapotan, hadoyon kami sa
eseap.conf
|
