Event:Nou se Kreyòl

Pano an bwa ak twa mo ki ekri an Kreyòl matinikè

Anpil kote nan rejyon Karayib la pale kreyòl. Lang sa a sòti nan plizyè lang kolonyal (franse, angle, panyòl oswa pòtigè). Sa ki pale ann Ayiti a pi pre franse a e se menm bagay la pou plizyè lòt kote nan zòn Ameriken-Karayib la (Matinik, Gwadloup, Giyàn, zile Dominik, Sent Lisi), tankou nan Lwizyana ak kat zile nan Oseyan Endyen an (Moris, Sesel, Rodrigues, ak Reunion). Tandiske, sou Wikipedya an kreyòl ayisyen, se preske volontè ayisyen ki kontribye nan li e pou moman sa a gen sèlman yon senkant kontribitè aktif, alòske sou lòt vèsyon yo plizyè dyalèk rankontre e rive kontribye nan menm lang.

Rechèch apwofondi sa a se pou ede nou nan yon premye tan idantifye kontrent, kote ki gen difikilte ak blokaj nan kontribisyon nan Wikipedya kreyòl ayisyen an. E sou baz rezilta sa yo nou pral mete an plas solisyon pou reponn ak kontrent sa yo.

Objektif

1. Rasanble moun ki pale kreyòl nan menm pwojè ak vèsyon lengwistik Wikimedya yo
2. Rive òganize yon konvansyon Wiki Karayibeyen
3. Kreyasyon yon nouvo gwoup kontribitè nan rejyon Karayib la

Kijan pou patisipe?

Èske w se yon moun ki pale kreyòl epi ki se natif natal oswa ki abite nan Karayib la:

• Ou ka patisipe endividyèlman nan sondaj la lè w ranpli fòm ki anba a.
• Ou ka ede nou rankontre anliy gwoup oswa moun ki soti nan rejyon an.

Patisipe

Inisyativ

Inisyativ

• 
  Gwoup itilizatè Kominote Wikimedya Ayiti
• 
  Movement Strategy/Initiatives
• 
  Wikimedians of the Caribbean User Group
• 
  AfroCROWD User Group