Fundraising 2010/Tamar Appeal/mk

From Meta, a Wikimedia project coordination wiki
Jump to navigation Jump to search

Need help? See the Translation FAQ or Meta:Babylon. All translators should also subscribe to translators-l to be kept up-to-date (and to ask questions).
General Fundraising Translation Guidelines: Fundraising 2010/Translations.

Тамар[edit]

  • Прочитајте:
  • Лично обраќање
  • на Тамар - уредник на Википедија
  • Порака од Тамар - уредник на Википедија

Вчера бев во детската градинката кајшто оди ќеркичката, и седнав опчинат да ги видам децата како заедно прават кула. Кулата паѓаше едно подруго, сè додека не дојде едно девојче, и им рече: „Ќе треба да направите поширока основа. Инаку кулата нема да стои“. Така четирите деца седнаа да ја преправат кулата одново. Овој пат направија широка, стабилна основа, и на неа ги наредија коцките во облик на висока кула. Целата градинка се собра да им ракоплеска, и учителката ги пофали. Се свртив и го видов девојчето што ги посоветува - без чија помош кулата не ќе можеше да се исправи. Стоеше така, со сјај во очите, среќна и горда, небаре таа самата ја наредила кулата.

И во тој миг и јас се почувствував среќен и горд. Во големиот вртлог на животот, покрај секојдневните задачи, децата и работата, сепак изнаоѓам време да седнам и да пишувам квалитетни статии за Википедија. Како девојчето, и јас сум „во заден план“ - никој не ме плаќа и не ми благодари, но знам дека сознанијата што ги споделувам се пренесени во етерот. Кој знае колкумина извлекле полза од тоа. Којзнае колку отворени хоризонти, колку изградени кули.

Ова е волшепството на Википедија - најтековната збирка на сознанија во светот. Сета Википедија ја пишува народот, за доброто на народот. Не сме тука за да се збогатиме или да не величаат. Ние само се стремиме секој на светот да има слободен пристап до важни информации и сознанија кои ќе сочинат широк и стабилен темелник за неговата сопствена кула.

За да опстои ова волшепство, и за да нема реклами, потребна ни е Вашата помош - $20, €30, ₪100, ¥4.000 или онолку колку што можете да одвоите - со единствена цел Википедија да остане бесплатна и слободна. Сите ние сме доброволци, но Википедија има инфраструктурни и работни трошоци. Секој прилог е значаен, секој долар може да е од суштинско значење. Имајте го ова на ум додека трае кампањата за собирање средства, и земете учество во волшепството наречено „Википедија“.

Бидете благословени,

Тамар Хајардени,

Ерусалим, Израел